ၸဝ်ႈသႅင်ၸုမ်ႈ ၽူႈၶဝ်ႈၸုမ်းၼုမ်ႇသိုၵ်းႁၢၼ် ၸုပ်ႈႁႅၵ်ႈ လူႉလွၼ်ႇသဵင်ႈမုၼ်

66

ပေႃႈထဝ်ႈသႅင်ၸုမ်ႈ (ႁိုဝ်) ၸဝ်ႈသႅင်ၸုမ်ႈ ဢႃယု 84 ပီ လူႉလွၼ်ႇသုတ်းမုၼ်လူၺ်ႈတၢင်းပဵၼ်ၵူၼ်းထဝ်ႈ မိူဝ်ႈၼႆႉဝၼ်းတီႈ 2/5/2022 တီႈႁူင်းယႃ ပႃႇငႄႉ ဝဵင်းၵဵင်းမႆႇ ၸိုင်ႈထႆး။

Photo Credit to Watpiangluang Wieng Heang- ႁၢင်ႈပေႃႈထဝ်ႈၸဝ်ႈသႅင်ၸုမ်ႈ


ၶၢပ်ႈတူဝ်ၸဝ်ႈသႅင်ၸုမ်ႈ တေဢဝ်မႃးဝႆႉတီႈဝတ်ႉၵူႇတဝ်ႇ ႁႅၼ်းလူႇႁႅၼ်းတၢၼ်းသေ တေပူၼ်ႉၶၢပ်ႈတူဝ်ပၼ် ၼႂ်းဝၼ်းလႂ်တႄႉပႆႇႁူႉတႅတ်ႈတေႃး။


ပေႃႈထဝ်ႈ ၸဝ်ႈသႅင်ၸုမ်ႈၼႆႉ ၶဝ်ႈႁၢပ်ႇၵၢၼ်ၸိူဝ်ႉၸၢတ်ႈၸဵမ်မိူဝ်ႈပီ 1959 လႆႈဝႃႈၶဝ်ႈပႃးၼႂ်း ပၢၼ်တပ်ႉသိုၵ်း ၼုမ်ႇသိုၵ်းႁၢၼ် ၸုပ်ႈဢွၼ်တၢင်းသုတ်း ။ႁၢပ်ႇၵၢၼ်ၸိူဝ်ႉၸၢတ်ႈမႃးတေႃႇထိုင်ၽွင်းဢႃယု 70 ပၢႆ။ ဝၢႆးၼၼ်ႉ ၼုင်ႈၽႃႈလိူင်သၢင်ႇၵၢၼ်း ႁၢပ်ႇႁၢမ်ၵၢၼ်သႃႇသၼႃႇ ႁိုင်မွၵ်ႈ 6 ပီ တေႃႇထိုင်ပေႃးလူႉလွၼ်ႇသုတ်းမုၼ်။


ပေႃႈထဝ်ႈသႅင်ၸုမ်ႈၼႆႉ ၸိုဝ်ႈၵူၼ်းႁိူၼ်းပဵၼ်ၸၢႆးပႃႉမွင်ႇ၊ ၸႃႇတီႉတီႈၵိူတ်ႇပဵၼ်ဝဵင်းတူၼ်ႈတီး။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ