တႄႇဢဝ် မိူဝ်ႈၼႆႉ ဝၼ်းတီႈ 1/4/2022 ၼႆႉၵႂႃႇ သိုၵ်းမၢၼ်ႈ ပလိၵ်ႈမၢၼ်ႈ တႄႇပႂ်ႉၵူတ်ႇထတ်း ဝႂ်ၵပ်းတူဝ်(မၢႆၾၢင်) ၵူၼ်းမိူင်းၸိူဝ်း ဢွၵ်ႇတႃႈပႆတၢင်း တၢင်းၶဝ်ႈလႄႈ ဢွၵ်ႇဝဵင်း ၵူႈတီႈ။
ၸဝ်ႈလႅင်းၵႃးတၢင်ႇၵူၼ်းၵႂႃႇမႃး ၼႂ်းမိူင်းတႆး လၢတ်ႈတီႈၽူႈတွႆႇႁွၵ်ႈဝႃႈ – “ ၸႅတ်ႈတႄႉၸႅတ်ႈဝႃႈၶႃႈဢေႃႈ။ တၢင်းဢွၵ်ႇဝဵင်းမူႇၸေႊလူင်းၵႂႃႇလႃႈသဵဝ်ႈလႄႈ တၢင်းၶဝ်ႈဝဵင်းလႃႈသဵဝ်ႈၸိူဝ်းၼႆႉဢေႃႈ ။ ပေႃးဝႃႈ ဢမ်ႇပႃးမၢႆၾၢင်ၼႆ တေလႆႈလၢတ်ႈၵႂၢမ်းၼမ်ဢိတ်းၼိုင်ႈ။ မိူၼ်ၼင်ႇ ယူႇတီႈလႂ် ပဵၼ်ၵူၼ်းတၢင်းလႂ် တေၵႂႃႇလႂ်ၸိူဝ်းၼႆႉ။ မၢင်တီႈၵေႃႈပူၼ်ႉၵႂႃႇလႆႈယူႇသေတႃႉ မၢင်တီႈၵေႃႈလႆႈပၼ်ငိုၼ်းၵေႃႈမီးလႆႈငိၼ်းၸိူင်ႉၼႆဢေႃႈ။ ”- ဝႃႈၼႆ။
သိုၵ်းမၢၼ်ႈပိုၼ်ၽၢဝ်ႇဝႆႉၸဵမ်မိူဝ်ႈႁူဝ်လိူၼ်မၢတ်ႉၶျ်ဝႃႈ တင်ႈဢဝ်ဝၼ်းတီႈ 1/4/2022 ၼႆႉၵႂႃႇ တေပႂ်ႉၵူတ်ႇထတ်းမၢႆၾၢင်ၸွမ်းတၢင်း၊ ပေႃးဢမ်ႇဢဝ်ၵပ်းတူဝ်မႃးတေၺႃးတူတ်ႈတၢမ်ႇဝႃႈၼႆသေတႃႉ တွၼ်ႈတႃႈၵူၼ်းမိူင်းပိုၼ်ႉတီႈ ၸိူဝ်းဢမ်ႇပႆႇမီး မၢႆၾၢင်သေ မီးၵၢၼ်တႃႇၵႂႃႇဝၢၼ်ႈတႂ်ႈမိူင်းၼိူဝ်ႁိမ်းႁွမ်းၵူၺ်းၸိူဝ်းၼႆႉ ပဵၼ်ဢၼ်ယၢပ်ႇၸႂ်။
ဢၼ်ၾၢႆႇလဝၵ လူင်းပိုၼ်ႉတီႈႁဵတ်းပၼ်မၢႆၾၢင် ၼႂ်းပွၵ်ႉၼႂ်းယွမ်ႇသမ်ႉ ၵဵပ်းငိုၼ်းပႃးၼမ်လႄႈ ႁဵတ်းႁႂ်ႈၵူၼ်းဝၢၼ်ႈ ႁႃၵိၼ်ဝၼ်းလႂ်ဝၼ်းၼၼ်ႉ ဢမ်ႇပွင်ပဵၼ်လႆႈ။ လွင်ႈယူႇသဝ်းၵိၼ်သၢင်ႈ ယၢပ်ႇၽိုတ်ႇမႃးတိၵ်းတိၵ်းယဝ်ႉ ၵူၼ်းမိူင်းပၢင်လူင်ၶၢင်းပွင်ႉၼင်ႇၼႆ။
 ၵူၼ်းမိူင်းၸိူဝ်း ဢွၵ်ႇတႃႈပႆတၢင်း တၢင်းၶဝ်ႈလႄႈ ဢွၵ်ႇဝဵင်း ၵူႈတီႈ။){kind=link}