Thursday, March 28, 2024

ၵိင်ႇမႆႉႁုင်း ႁၢၵ်းတူၵ်းသႂ်ႇ ၵူၼ်းမႃးၶၢႆၶူဝ်း  ပွႆးလိူၼ်သီႇၼမ်ႉလၼ်ႈ တၢႆ 1 မၢတ်ႇႁၢဝ်ႈႁႅင်း 2  

Must read

ၵိင်ႇမႆႉႁုင်း ႁၢၵ်းတူၵ်းသႂ်ႇ ၵူၼ်းမႃးၶၢႆၶူဝ်း  ပွႆးလိူၼ်သီႇ ဝဵင်းၼမ်ႉလၼ်ႈ လူႉတၢႆၵေႃႉၼိုင်ႈ မၢတ်ႇၸဵပ်း 2 ၵေႃႉ ။

Photo: ၵူၼ်းမၢတ်ႇၸဵပ်း/ ၵိင်ႇမႆႉႁၵ်းတူၵ်းသႂ်ႇၵူၼ်းမႃးၶၢႆၶူဝ်း တီႈပွႆးလိူၼ်သီႇ ဝဵင်းၼမ်ႉလၼ်ႈ လူႉတၢႆ ၵေႃႉၼိုင်ႈ မၢတ်ႇၸဵပ်း 2 ၵေႃႉ

မိူဝ်ႈဝႃး ဝၼ်းတီႈ 20/3/2022 ယၢမ်းၵၢင်ၶိုၼ်း 12 မူင်း   တီႈပွႆးလိူၼ်သီႇ ဝဵင်းၼမ်ႉလၼ်ႈ ၸႄႈဝဵင်းသီႇပေႃႉ ၸႄႈ တွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ၵိင်ႇမႆႉႁုင်း ႁၢၵ်းတူၵ်းသႂ်ႇၵူၼ်းမႃးၶၢႆၶူဝ်းၼႂ်းပွႆး၊ တူၵ်းတဵင်သႂ်ႇၵူၼ်းၸၢႆး ၼုမ်ႇ ၵေႃႉၼိုင်ႉ ဢၼ်ၼွၼ်းပႂ်ႉၶူဝ်း ၼိူဝ်ၵႃး ဢၼ်ၵိုတ်းဝႆႉတႂ်ႈတူၼ်ႈမႆႉႁုင်း။  ၵူၼ်းၼုမ်ႇၽူႈၸၢႆးၵေႃႉၼၼ်ႉတၢႆထင်တီႈ။ ၼၢင်းယိင်း 2 ၵေႃႉဢၼ်ယူႇႁိမ်းၼၼ်ႉမၢတ်ႇၸဵပ်းၸွမ်းႁၢဝ်ႈႁႅင်း။

- Subscription -

ၸုမ်းၸွႆႈထႅမ် ပရႁိတ ဝဵင်းၼမ်ႉလၼ်ႈ လၢတ်ႈတီႈၽူႈတွႆႇႁွၵ်ႈဝႃႈ -“ၽူႈၸၢႆးသွင်ၵေႃႉၼွၼ်းဝႆႉ ၼိူဝ်ၵႃး။ ၵႃးသမ်ႉ ဢမ်ႇမီးဢၼ်မုင်းမၼ်း။ ယွၼ်ႉ ပဵၼ်ၵူၼ်းၶၢႆၶူဝ်းလႄႈၼွၼ်းတႂ်ႈၸွင်ႈ ၵူၺ်းၶႃႈၼႃႇ။  ၵိင်ႇမႆႉႁၢၵ်းတူၵ်းသႂ်ႇၸွင်ႇသေၵေႃႈ လူင်းတဵင်သႂ်ႇမၼ်းဢေႃႈ။ တပ်း သႆႈ ၶိူင်ႈၼႂ်းမၼ်းပေႃးလၼ် ၶႃႈဢေႃႈ။   ႁဝ်းၶႃႈ ၼႅတ်ႈဢဝ်သူင်ႇႁူင်းယႃ မၼ်းၸၢႆးၵႂႃႇလူႉတၢႆတီႈႁူင်းယႃၶႃႈဢေႃႈ”- ဝႃႈၼႆ။

ၽူႈၸၢႆး ဢၼ်လႆႈလူႉတၢႆၼၼ်ႉ ပဵၼ်ၵူၼ်းၼုမ်ႇလႃႈသဵဝ်ႈ ဢႃယု မွၵ်ႈ 25 ပီ  မႃးၶၢႆၶူဝ်း တီႈပွႆးလိူၼ်သီႇ ဝဵင်းၼမ်ႉလၼ်ႈ။

တူၼ်ႈမႆႉႁုင်းၼႆႉ ပဵၼ်တူၼ်ႈမႆႉၵဝ်ႇၵႄႇ ႁိုင်ၼၢၼ်းတူၼ်ႈၼိုင်ႈသေ ၵိင်ႇမႆႉဢၼ်ႁၢၵ်းတူၵ်းသႂ်ႇၼၼ်ႉ ပဵၼ်ၵိင်ႇမႆႉႁႅင်ႈ ၼိူဝ်ႉတၼ်၊ လမ်းၵိင်ႇတေမီးမွၵ်ႈမေႃႈၼမ်ႉၵိၼ်။ ၼၢင်းယိင်းဢၼ်ၼွၼ်းႁိမ်းၵႃးၼၼ်ႉၵေႃႈ မၢတ်ႇၸဵပ်းၸွမ်း 2 ၵေႃႉ။   

ၵူၼ်းပိုၼ်ႉတီႈ ၼမ်ႉလၼ်ႈ လၢတ်ႈတီႈၽူႈတွႆႇႁွၵ်ႈဝႃႈ – “တီႈၼမ်ႉလၼ်ႈၼႆႉ ပႆႇယၢမ်ႈထူပ်းႁၼ် ၸိူင်ႉၼႆမႃးသေပွၵ်ႈ။ ၼင်ႇႁိုဝ် ပေႃးတေလွတ်ႈ ၽေးၼၼ်ႉ ယူႇတီႈၶွမ်ႊမတီႊပၢင်ပွႆး လူဝ်ႇလႆႈႁၢင်ႈႁႅၼ်းၶၢႆတီႈၵူၼ်းၶၢႆၵုၼ်ႇ ၵႂႃႇတီႈ ဢၼ်မီး လွင်ႈလွတ်ႈၽေးၼၼ်ႉ တေသၢင်ႇထုၵ်ႇလီ။ ယဝ်ႉၵေႃႈ ၼႂ်းဝူင်ႈဝၢင်ႈၼႆႉ လႆႈငိၼ်းဝႃႈ တေမီးလူမ်းလႅင်ႉ (မုန်တိုင်း) ၶဝ်ႈမႃးၼႆသေ သင်ဝႃႈ ၽွင်းတိုၵ်ႉႁၢင်ႈႁႅၼ်းပၢင်ပွႆးယူႇၸိူင်ႉၼႆ သမ်ႉပဵၼ်ထႅင်ႈ တႄႉ တေဢွၼ်ၵၼ် တုၵ်ႉၶ ထႅင်ႈ ၶႃႈယဝ်ႉ”- ဝႃႈၼႆ။

ပွႆးလိူၼ်သီႇ ဝဵင်းၼမ်ႉလၼ်ႈၵူႈပီၼႆႉ တေၸတ်းႁဵတ်း ၼႂ်းဝၼ်းတီႈ 24 လိူၼ်မၢတ်ႊၶျ် ၵူႈပီ တႃႇၶၢဝ်းတၢင်း 5 ဝၼ်း ။ တေယဝ်ႉတူဝ်ႈၼႂ်းဝၼ်းတီႈ 28 ၼႆႉ ။  

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း