ဝၼ်းတီႈ 17/3/2022 ၼႂ်ၼႆႉ မွၵ်ႈ 1 မူင်းၶိုင်ႈ ၵူၼ်းမိူင်းယု 105 လၵ်း ၽိတ်းမေႃးၵၼ် ၽၼ်းတႅင်းၵၼ် မၢတ်ႇၸဵပ်းႁၢဝ်ႈႁႅင်းလႄႈ လႆႈသူင်ႇယႃတူဝ် တီႈႁူင်းယႃ မူႇၸေႊ မိူင်းတႆး ပွတ်းႁွင်ႇ။
ၽူႈၶဝ်ႈၸုမ်း ၸွႆႈထႅမ် ပႃႇရမီႇ 105 လၵ်း မိူင်းယု လၢတ်ႈတီႈၽူႈတွႆႇႁွၵ်ႈဝႃႈ – “ပဵၼ်လွင်ႈသင်လႄႈ ၽိတ်းမေႃးၵၼ်တႄႉ ဢမ်ႇႁူႉ။ ၶဝ်ၼင်ႇၵၼ် ၽိတ်းမေႃးၵၼ်ၵူၺ်း။ မိူဝ်ႈၶဝ်ၵပ်းမႃးၼၼ်ႉ ပဵၼ်ၵၢင်ၶိုၼ်း ဢမ်ႇႁူႉဝႃႈ တေလႆႈၵႂႃႇႁပ်ႉၶဝ်တီႈလႂ် ။ ၶႂ်ႈမၢတ်ႇၸဵပ်းႁၢဝ်ႈႁႅင်းဝႆႉဢေႃႈ”- ဝႃႈၼႆ။
ၵေႃႉတိူဝ်ႉမၢတ်ႇၼၼ်ႉ ဢႃႇယု မွၵ်ႈ 30 ပီ ပဵၼ်ၵူၼ်းမိူင်းယု 105 လၵ်း ၸႄႈဝဵင်းမူႇၸေႊ၊ ပဵၼ်ၵူၼ်းဝၢၼ်ႈလဵဝ် ၵၼ်တင်း ၵေႃႉၽၼ်းၼၼ်ႉၼင်ႇၵဝ်ႇ။
ၼႂ်းပီ 2022 ၶၢဝ်းတၢင်းသွင်လိူၼ်ပၢႆမႃးၼႆႉ တီႈ မိူင်းယု 105 လၵ်း မီးၵူၼ်းၽိတ်းမေႃးၽၼ်းတႅင်းၵၼ် ႁိမ်ၶူဝ်းၶွင်ၵၼ် ဢမ်ႇယွမ်း 3 ပွၵ်ႈယဝ်ႉၼႆ ၵူၼ်းၼႂ်း ၸုမ်းပႃႇရမီႇ မိူင်းယု 105 လၵ်းလၢတ်ႈၼႄႇ ၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ