မိူဝ်ႈၼႆႉ ဝၼ်းတီႈ 8/3/2022 ယၢမ်းဝၢႆးဝၼ်းမွၵ်ႈ 1 မူင်း မီးၵူၼ်းဢမ်ႇႁူႉၾၢႆႇ ယိုဝ်းၵွင်ႈသႂ်ႇ ၼႂ်းႁိူၼ်းပၢင်မႃႇသႃႇ (ႁိူၼ်းပျီႇတူႉၸိတ်ႉ) လင် ၼိုင်ႈ တီႈပွၵ်ႉႁွင်ႇ ၸႄႈဝဵင်းမူႇၸေႊ ၸိုင်ႈတႆး ပွတ်းႁွင်ႇ ပျီႇတူႉၸိတ်ႉ ဢၼ်ဢဝ်ႁူမ်ႇလူမ်ႈပႂ်ႉတီႈႁိူၼ်းၼၼ်ႉ တိူဝ်ႉမၢတ်ႇ လူႉတၢႆ 2 ၵေႃႉ မၢတ်ႇၸဵပ်း 2 ၵေႃႉ။
ၵူၼ်းပိုၼ်ႉတီႈ မူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ – “ၸႂ်ႈၶႃႈဢေႃႈ မီးၵူၼ်းၶီႇရူတ်ႉၶိူင်ႈ သွၼ်ႉၵၼ်မႃးသေ ဢဝ်ၵွင်ႈၸၢၵ်ႈၽၢဝ်ႇသႂ်ႇ ၼႂ်းႁိူၼ်း ပၢင်မႃႇသႃႇ(ႁိူၼ်းပျီႇတူႉၸိတ်ႉ) ၼၼ်ႉ တိူဝ်ႉသႂ်ႇ ပျီႇတူႉၸိတ်ႉ ဢၼ်ဢဝ်ႁူမ်ႇလူမ်ႈ တီႈၼၼ်ႈ 2 ၵေႃႉ လူႉတၢႆ ယဝ်ႉၵေႃႈ မၢတ်ႇၸဵပ်း 2 ၵေႃႉၶႃႈ”- ဝႃႈၼႆ။
ၵိဝ်ႇသဵၼ်ႈတၢင်းဢၼ်မီးႁိူၼ်းပၢင်မႃႇသႃႇ ႁိူၼ်းပျီႇတူႉၸိတ်ႉၼၼ်ႉ ပိၵ်ႉဝႆႉၸဵမ်မိူဝ်ႈဝႃး ဝၼ်းတီႈ 7/3/2022 ယၢမ်းၵၢင်ၼႂ် တေႃႇထိုင်ပေႃးပူၼ်ႉတူဝ်တၢႆ မိူဝ်ႈၼႆႉ ဝၼ်းတီႈ 8/3/2022 ယၢမ်းဝၢႆးဝၼ်းၸင်ႇတေပိုတ်ႇပၼ်ၶိုၼ်းဝႃႈၼႆ။
“ႁိူၼ်းလင်ၼၼ်ႉ ပဵၼ်ႁိူၼ်းပၢင်မႃႇသႃႇ ႁိူၼ်းပျီႇတူႉၸိတ်ႉ မီးၵူၼ်းထဝ်ႈတၢႆဝႆႉ။ ၵူၺ်းၵႃႈ ပဵၼ်ပျီႇတူႉၸိတ်ႉၸုမ်းလႂ်တႄႉ ဢမ်ႇႁူႉ ။ ဝၢႆး သေ ၶဝ်ၵႂႃႇပူၼ်ႉၶၢပ်ႈတူဝ် ၵူၼ်းတၢႆၼၼ်ႉသေၶိုၼ်းမႃးပိုတ်ႇသဵၼ်ႈတၢင်းၵႂႃႇမႃးၵမ်ႉၼိုင်ႈၵေႃႈ မီးၵူၼ်းၶီႇရူတ်ႇၶိူင်ႈမႃးယိုဝ်းသႂ်ႇ တီႈႁိူၼ်း ၼၼ်ႉ ၵမ်ႈလဵဝ်ၶႃႈ”- ၵူၼ်းပိုၼ်ႉတီႈ မူႇၸေႊ သိုပ်ႇလၢတ်ႈၼႄၼင်ႇၼႆ။
ဢိင်ၼိူဝ် လွင်ႈၼႆႉ ပဵၼ်ၼမ်ႉမိုဝ်းၽႂ် ၸုမ်းလႂ် မႃးယိုဝ်းသႂ်ႇ ဢၼ်ဝႃႈၼၼ်ႉ ပႆႇႁူႉ။ ပျီႇတူႉၸိတ်ႉ ဢၼ်လႆႈမၢတ်ႇၸဵပ်းၼၼ်ႉတႄႉ ယူႇတီႈ ၸုမ်းပရႁိတ ဝဵင်းမူႇၸေႊ သူင်ႇယူတ်းယႃတီႈႁူင်းယႃယဝ်ႉ။
 ၼၼ်ႉ တိူဝ်ႉသႂ်ႇ ပျီႇတူႉၸိတ်ႉ ဢၼ်ဢဝ်ႁူမ်ႇလူမ်ႈ တီႈၼၼ်ႈ 2 ၵေႃႉ လူႉတၢႆ ယဝ်ႉၵေႃႈ မၢတ်ႇၸဵပ်း 2 ၵေႃႉၶႃႈ”- ဝႃႈၼႆ။){kind=link}