ၵႃးၽႃႇရူတ်ႉၶိူင်ႈသွင်လမ်းသွၼ်ႉၵၼ်တီႈဝဵင်းၵဵင်းတုင် ၵူၼ်းႁေႃႈရူတ်ႉၶိူင်ႈတၢႆ ထင်တီႈၵေႃႉ႞ ၊ မၢတ်ႇၸဵပ်း 3 ၵေႃႉ ၊ ၸဝ်ႈၵႃးပၢႆ ။
ဝၼ်းတီႈ 27/2/2022 ယၢမ်းႁူဝ်ၶမ်ႈ မွၵ်ႈ 5 မူင်းပၢႆ ၵႃးၽႃႇသႂ်ႇ ရူတ်ႉၶိူင်ႈ ၼိူဝ်သဵၼ်ႈတၢင်းလူင် ၵၢင်ဝဵင်း တီႈပွၵ်ႉ 3 ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း ၵူၼ်းႁေႃႈရူတ်ႉၶိူင်ႈ ၼၢင်းယိင်း ဢႃယု 30 ပၢႆ ၵေႃႉၼိုင်ႈလူႉ တၢႆထင်တီႈ။
ၵူၼ်းၼုမ်ႇပိုၼ်ႉတီႈ လၢတ်ႈတီႈၽူႈတွႆႇႁွၵ်ႈဝႃႈ – “ၸႂ်ႈၶႃႈဢေႃႈၵႃးၼၼ်ႉ လုၵ်ႉတၢင်းတႃႈႁိူဝ်းမိၼ်သေ ႁေႃးမႃးဝႆး ၼႃႇသေ မႃးၽႃႇသႂ်ႇၵူၼ်ႈ ရူတ်ႉၶိူင်ႈသွင်လမ်းဢၼ်တိုၵ်ႉလႅၼ်ႈယူႇၼိူဝ်တၢင်း။ ၼၢင်းယိင်းၵူၼ်းၶပ်းရူတ်ႉၶိူင်ႈၵေႃႉၼိုင်ႈ တၢႆထင်တီႈၵမ်းလဵဝ် ”- ဝႃႈၼႆ။
ၵူၼ်းႁေႃႈၵႃးဢၼ်မႃးၽႃႇၺႃးရူတ်ႉၶိူင်ႈ 2 လမ်းၼၼ်ႉပဵၼ်ၽူႈၸၢႆး ဢႃယု 30 ပၢႆ ပဵၼ်ၵူၼ်းပွၵ်ႉ 1 ၸႄႈဝဵင်းၵဵင်းတုင် ။
“ပေႃးဝႃႈၽႃႇသႂ်ႇယဝ်ႉ ၸဝ်ႈၵႃးၼၼ်ႉ ပၢႆႈဝႆႉၵမ်းလဵဝ်ၶႃႈ။တေႃႇထိုင်မိူဝ်ႈၼႆႉယင်းပႆႇတီႉၺွပ်းလႆ။ ၵူၼ်းႁေႃႈ ရူတ်ႉၵႃး တီႈၵဵင်းတုင်ၼႆႉ ၵမ်ႈၼမ် ဢမ်ႇၸွမ်းပၵ်းၸွမ်းပိူင်ၶႃႈ ”- ၵူၼ်းၼုမ်ႇ ၵဵင်းတုင် သိုပ်ႇလၢတ်ႈၼႄၼင်ႇၼႆ။
ၼၢင်းယိင်း ဢၼ်လႆႈလူႉတၢႆၵႂႃႇထင်တီႈၼၼ်ႉ တေမီးဢႃယု 30 ပၢႆ။ ဢၼ်မၢတ်ႇၸဵပ်း 3 ၵေႃႉသမ်ႉ ပဵၼ်ၽူႈၸၢႆး 2 ၵေႃႉလႄႈ ၼၢင်းယိင်း 1 ၵေႃႉ။ သူင်ႇယူတ်းယႃတူဝ်ဝႆႉတီႈ ႁူင်းယႃလူင်ၵဵင်းတုင်။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ