သိုၵ်းမၢၼ်ႈလႄႈ သိုၵ်းဢူၺ်းလီ PDF ယိုဝ်းၵၼ်ၼႂ်း မိူင်းပၢႆးႁၢဝ်ႈႁႅင်း ၵူၼ်းမိူင်းပၢႆး ဢမ်ႇၸၢင်ႈပၢႆႈဢွၵ်ႇဝဵင်း ၶမ်ဝႆႉ ၼႂ်းၵႄႈပၢင်တိုၵ်း ၸမ်မိုၼ်ႇ ။
တႄႇဢဝ် ဝၼ်းတီႈ 15/2/2022 ၼႆႉမႃး ၶွင်ႇသီႇသိုၵ်းမၢၼ်ႈ ယိုတ်းမိူင်းတင်း ၸုမ်းၵႅတ်ႇၶႄၵူၼ်းမိူင်း PDF ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းဝဵင်းမိူင်းပၢႆး ၸိုင်ႈတႆးပွတ်းၸၢၼ်း လႅၼ်လိၼ်မိူင်းတႆးလႄႈ ယၢင်းလႅင် ႁဵတ်းႁႂ်ႈၵူၼ်းမိူင်းၼႂ်းပိုၼ်ႉတီႈ ၶမ်ဝႆႉၼႂ်းၵႄႈ ပၢင်တိုၵ်းၸမ်မိုၼ်ႇ ဢမ်ႇၸၢင်ႈပႆႇၸၢင်ႈပၢႆႈဢွၵ်ႇ ဝဵင်း။
ၽူႈၶဝ်ႈၸုမ်း Mobye Rescue Team လၢတ်ႈတီႈၽူႈတွႆႇႁွၵ်ႈဝႃႈ – “ၵူၼ်းမိူင်းၵမ်ႈၽွင်ႈ တၼ်းပၢႆႈဢွၵ်ႇၵႂႃႇယူႇၸွမ်း ပီႈၼွင်ႉၶဝ် ။ ၵမ်ႈၽွင်ႈ ၵမ်ႈၼမ်တႄႉ ဢမ်ႇတၼ်းလႆႈပၢႆႈဢွၵ်ႇ ၶမ်ဝႆႉၼႂ်းဝဵင်း မိူင်းပၢႆးၶႃႈ”- ဝႃႈၼႆ။
ၵမ်ႈၽွင်ႈပၢႆႈမႃး သွၼ်ႈဝႆႉ ၸွမ်းႁိူၼ်းယေးပီႈၼွင်ႉၽႂ်မၼ်း ၸွမ်း ဝတ်ႉၵျွင်းမုၼ်ၸဝ်ႈ ၸိူဝ်းၼႆႉ ။ ဢၼ်ၶမ်ဝႆႉ ၼႂ်းမိူင်းပၢႆး ၵိုတ်း 3 ပုၼ်ႈ 2 ပုၼ်ႈ လူးၵွၼ်ႇ ၽူႈၶဝ်ႈၸုမ်း Mobye Rescue Team လၢတ်ႈ။
သိုၵ်းမၢၼ်ႈ ယိုတ်းမိူင်း လႄႈ သိုၵ်းၵူၼ်းၼုမ်ႇ PDF ပိုတ်းယိုဝ်းၵၼ်ၼႂ်းမိူင်းပၢႆး။ သိုၵ်းမၢၼ်ႈ လၢမ်းလိမ်း ယိုဝ်းမၢၵ်ႇလူင်သႂ်ႇၼႂ်း မိူင်းပၢႆး တိူဝ်ႉသႂ်ႇၵူၼ်းမိူင်းလႆႈမၢတ်ႇၸဵပ်း ။ မိူဝ်ႈဝႃး ဝၼ်းတီႈ 17 မၢၵ်ႇလူင်သိုၵ်းမၢၼ်ႈယိုဝ်းၼၼ်ႉ တူၵ်းတႅၵ်ႇသႂ်ႇၵူၼ်းမိူင်းလႆႈမၢတ်ႇၸဵပ်း 7 ၵေႃႉ။
