ဝၼ်းၸိူဝ်ႉၸၢတ်ႈ ၸိုင်ႈတႆး ၶွပ်ႈၶူပ်ႇ 75 ပီ (ပီၵွၼ်းသႅင်) ၼၼ်ႉၵူၼ်းဝဵင်းမိူင်းသၢတ်ႇႁဵတ်းပဵၼ်တီႈမၢႆတွင်း ပိုတ်ႇႁုၼ်ႇႁၢင်ႈၸၢႆးတႆးႁႆႇၵွင် ဢၼ်သၢင်ႈဝႆႉၵၢင်ဝဵင်း ။
ႁုၼ်ႇႁၢင်ႈ ၸၢႆးတႆး တိုၵ်ႉ ႁၢင်ႈၸၢႆးတႆးႁႆႇၵွင်ၼၼ်ႉ ၵူၼ်းမိူင်းႁူမ်ႈၵၼ်တင်ႈဝႆႉၼႂ်းၵႄႈဝၢၼ်ႈဝဵင်းဝၢႆလႄႈ ဝဵင်းဝဵင်းၼိူဝ် ၼႂ်းၸႄႈဝဵင်းမိူင်းသၢတ်ႇ။ တႄႇၵေႃႇသၢင်ႈ မိူဝ်ႈၵၢင်လိူၼ်ၵျုႊလၢႆႊ 2021 ၊ ယဝ်ႉတူဝ်ႈလီငၢမ်း ၽႅတ်းၼမ်ႉမၢၵ်ႇႁၼ်ပိုတ်ႇမိူဝ်ႈ ဝၼ်းတီႈ 7/2/2022 ယၢမ်းၵၢင်ၼႂ် ။
ငိုၼ်းၵွင်ၵၢင်ပဵၼ်ၵူၼ်းမိူင်းသၢတ်ႇႁူမ်ႈသႂ်ႇ၊ ၽူႈယႂ်ႇၵူၼ်းလူင် ႁူမ်ႈၵၼ်လူႇငိုၼ်းသေ ၸင်ႇပဵၼ်မႃးႁၢင်ႈၸၢႆးတႆးႁႆႇၵွင်၊ ယိူင်းဢၢၼ်း ႁႂ်ႈပဵၼ်မိၵ်ႈမၢႆ ၵိုၵ်းဝဵင်းမိူင်းသၢတ်ႇ ။ မီးဝႆႉၼႂ်းၵႄႈဝၢၼ်ႈဝဵင်းဝၢႆလႄႈ ဝၢၼ်ႈဝဵင်းၼိူဝ် ၼႂ်းဝဵင်းမိူင်းသၢတ်ႇ တီႈသဵၼ်ႈတၢင်းၽႄႈ တၢင်းၵႂႃႇမိူင်းတူၼ်၊ မိူင်ၵူၵ်းလႄႈ ၵဵင်း တုင်။
ႁုၼ်ႇႁၢင်ႈၸၢႆးတႆး ႁႆႇၵွင် ၵၢင်ဝဵင်းမိူင်းသၢတ်ႇၼႆႉ တၢင်းသုင်မီး 10 ထတ်းပၢႆ၊ တၢင်းၵႂၢင်ႈမီး 7 ထတ်း။ တင်းမူတ်းသဵင်ႈငိုၼ်ႊး 90 သႅၼ်ပျႃးပၢႆ – ၵူၼ်းမိူင်းသၢတ်ႇလၢတ်ႈ။
ႁုၼ်ႇႁၢင်ႈၸၢႆးတႆးႁႆႇၵွင် ၸိူင်ႉၼႆ ၼႂ်းမိူင်းတႆးတႄႉ တေမီးယူႇသွင်တီႈ။ တီႈတၢင်းၶဝ်ႈဝဵင်းသီႇပေႃႉတီႈၼိုင်ႈလႄႈ တီႈဝဵင်းမိူင်းသၢတ်ႇၼႆႉတီႈၼိုင်ႈ။