Sunday, July 21, 2024

တႃႇတေႃႉသူင်ႇၶူဝ်းၵုၼ်ႇ ၶဝ်ႈၼႂ်းမိူင်းၶႄႇၼၼ်ႉ တေလႆႈသႂၢင်းၶွၼ်ႇ ၶၼ်ငိုၼ်းၶႄႇ

Must read

လူင်ပွင်ၸိုင်ႈၶႄႇ ပိုၼ်ၽၢဝ်ႇဢွၵ်ႇမႃးဝႃႈ ၶူဝ်းၵုၼ်ႇဢၼ်လုၵ်ႉတၢင်းမိူင်းတႆး၊ မိူင်းမၢၼ်ႈ တေတေႃႉသူင်ႇၶဝ်ႈမိူင်းၶႄႇၼၼ်ႉ တေလႆႈသႂၢင်းၶွၼ်ႇ တင်းၶၼ်ငိုၼ်းၶႄႇ။

မိူင်းၶႄႇ, မိူင်းတႆး, ၸႄႈဝဵင်း, ၼမ်ႉၶမ်း, မူႇၸေႊ, လႅၼ်လိၼ်

မိူဝ်ႈဝၼ်းတီႈ 1/2/2022 ၼၼ်ႉ ယူႇတီႈလူင်ပွင်ၸိုင်ႈ မိူင်းၶႄႇ ပိုၼ်ၽၢဝ်ႇဢွၵ်ႇမႃးၸိူင်ႉၼၼ်ႉသေ တႄႇဢဝ် ဝၼ်းတီႈ 7 ၼႆႉၵႂႃႇ ၶူဝ်း ၵုၼ်ႇဢၼ်တေလုၵ်ႉတၢင်းမိူင်းတႆး၊ မိူင်းမၢၼ်ႈ တေတေႃႉသူင်ႇ ၶဝ်ႈၸူးမိူင်းၶႄႇ တီႈၽၵ်းတူလႅၼ် လိၼ်တႆး – ၶႄႇ တီႈၸႄႈဝဵင်းမူႇၸေႊ ၸိုင်ႈ တႆးပွတ်းႁွင်ႇၼၼ်ႉ တေလႆႈသႂၢင်းၶွၼ်ႇ လူၺ်ႈတင်းၶၼ်ငိုၼ်းၶႄႇ တင်းမူတ်း။

- Subscription -

ၸဝ်ႈၵုၼ်ႇ မူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ – “ယၢမ်းလဵဝ် ၶူဝ်းၵုၼ်ႇဢၼ်ၶဝ်ႈ/ ဢွၵ်ႇၼႆႉ ၸႂ်ႉငိုၼ်းၶႄႇမူတ်း သွၼ်ႇၸွမ်းၵႃႇလပွၵ်ႉသေးၵူၺ်း။ ဢဝ်ငိုၼ်းမၢၼ်ႈ လႅၵ်ႈငိုၼ်းၶႄႇ ဢဝ်ၵေႃႈလႆႈ။ မိူဝ်ႈဢွၼ်တၢင်းတႄႉ ၸႂ်ႉငိုၼ်းတေႃႊလႃႊ။ ယၢမ်းလဵဝ် ၸႂ်ႉငိုၼ်းၶႄႇ လႅပ်ႈငိုၼ်း တေႃႊလႃႊၶဝ် တေယၢပ်ႇၽိုတ်ႇၶႃႈယူဝ်ႉ။ ၸဝ်ႈၵုၼ်ႇတႄႉ မီးတၢင်းယၢပ်ႇၽိုတ်ႇၶႃႈဢေႃႈ ပေႃးၸႂ်ႉငိုၼ်းၶႄႇတႄႉ ၵႃႈၵုၼ်ႇၸိူဝ်းၼႆႉ တေတိူဝ်း ၶိုၼ်ႈမႃးထႅင်ႈ တင်းၼမ်”- ဝႃႈၼႆ။

မိူဝ်ႈဢွၼ်တၢင်းတႄႉ ၽွင်းတေတေႃႉသူင်ႇၶူဝ်းၵုၼ်ႇၶဝ်ႈၼႂ်းမိူင်းၶႄႇၼၼ်ႉ တေလႆႈဢဝ်ၶၼ် ငိုၼ်းတေႃႊလႃႊသေ သႂ်ႇၶွၼ်ႇဢဝ် တႄႇဢဝ် ဝၼ်းတီႈ 7 လိူၼ်ၼႆႉၵႂႃႇ တေလႆႈဢဝ်ၶၼ်ငိုၼ်းၶႄႇသေ သႂ်ႇၶွၼ်ႇယဝ်ႉ ၸင်ႇတေတေႃႉသူင်ႇၶူဝ်းၵုၼ်ႇၶဝ်ႈဢွၵ်ႇလႆႈ။

ယၢမ်းလဵဝ် ၶူဝ်းၵုၼ်ႇဢၼ်လုၵ်ႉတၢင်းမိူင်းတႆး၊ မိူင်းမၢၼ်ႈသေ တေႃႉသူင်ႇၶဝ်ႈၼႂ်းမိူင်းၶႄႇၼၼ်ႉ ၵမ်ႈၼမ် တေပဵၼ်ၶဝ်ႈသၢၼ်၊ ထူဝ်ႇလိူင်၊ ထူဝ်ႇ ၼဝ်ႈလႄႈ တႅင် ၸိူဝ်းၼႆႉ။ ၶူဝ်းၵုၼ်ႇ ၸိူဝ်းၼႆႉ ၵမ်ႈၼမ် ပဵၼ်ၶူဝ်းဢၼ်ၵိုတ်းၶင်ႉဝႆႉတႃႇသူင်ႇၶဝ်ႈမိူင်းၶႄႇ မိူဝ်ႈပူၼ်ႉမႃးၼၼ်ႉၵူၺ်း။ ဢၼ်မႂ်ႇတႄႉ ပႆႇပွႆႇပၼ် တႃႇသူင်ႇၶဝ်ႈ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း