Tuesday, June 18, 2024

သိုၵ်းၶႄႇၵဝ်ႈၵၢင်ႉ တေႁဵတ်းပၢင်လွင်းလူင် 10 ဝၼ်း ၵိုၵ်းပွႆးပီမႂ်ႇၶႄႇ တီႈမိူင်းယေႃ လႃႈသဵဝ်ႈ

Must read

သိုၵ်းၶႄႇၵဝ်ႈၵၢင်ႉ MNDAA တေပိုတ်ႇပၢင်တေႃႇလွင်းယႂ်ႇလူင် ၽွင်းၶၢဝ်းပီမႂ်ႇၶႄႇ တီႈဢိူင်ႇမိူင်းယေႃ ၸႄႈဝဵင်းလႃႈ သဵဝ်ႈ တႃႇၶၢဝ်းတၢင်း 10 ဝၼ်းပၢႆ။

Photo by – ၵူၼ်းပိုၼ်ႉတီႈ/ ပၢင်တေႃႇလွင်း တီႈၼိုင်ႈ

တႄႇဢဝ် ဝၼ်းတီႈ 30/1/2022 တေႃႇထိုင် 10/2/2022 သိုၵ်းၶႄႇၵဝ်ႈၵၢင်ႉ MNDAA တေဢွၼ်ၸတ်းႁဵတ်း ပၢင်ပွႆးပီမႂ်ႇၶႄႇၶိုၵ်ႉၶႅမ်ႉသေ ပိုတ်ႇ ပႃးပၢင်တေႃႇလွင်းယႂ်ႇလူင် တီႈၼွင်ပဵတ်း ၾၢႆႇဢွၵ်ႇမိူင်းယေႃ ယၢၼ်မိူင်းယေႃ မွၵ်ႈၶိုင်ႈလၵ်း ၼႂ်းဢိူင်ႇမိူင်းယေႃ ၸႄႈဝဵင်းလႃႈသဵဝ်ႈ ၸိုင်ႈတႆး ပွတ်းႁွင်ႇ။

- Subscription -

ၵူၼ်းမိူင်းယေႃ လၢတ်ႈတီႈၽူႈတွႆႇႁွၵ်ႈဝႃႈ – သိုၵ်းၵူဝ်းၵၢင်ႉ တေၸတ်းႁဵတ်းပွႆးပီမႂ်ႇၶႄႇၶဝ် တေၸတ်းယႂ်ႇလူင်၊ ပၢင်လွင်းၵေႃႈ တေၸတ်းယႂ်ႇလူင်။ တီႈမိူင်းယေႃ ႁဝ်းၶႃႈ ဢမ်ႇတွၼ်ႉမီး ပွႆးပီမႂ်ႇၶႄႇ ႁဵတ်းယႂ်ႇ ႁဵတ်းလူင်ၸိူင်ႉၼႆ။ ၼႆႉသမ်ႉ တေမႃးပိုတ်ႇပၢင်တေႃႇလွင်းယႂ်ႇၸိူင်ႉၼႆထႅင်ႈ လႄႈ ဢၵျၢင်ႉ တၢင်းယၢမ် ၵူၼ်းပိုၼ်ႉတီႈတေလူႉဢေႃႈ”- ဝႃႈၼႆ။

ၼႂ်းဢိူင်ႇမိူင်းယေႃၼႆႉ ယူႇတီႈၸုမ်းဢူၺ်းလီပွတ်းႁွင်ႇ ဢွၼ်ႁူဝ်သေ ပိုတ်ႇဝႆႉပၢင်တေႃႇလွင်းယႂ်ႇလူင် တီႈ ဝၢၼ်ႈၶႄႇ ၼမ်ႉၼူမ်း။ ပေႃးဝၼ်းၵၢတ်ႇၵေႃႈ မီးၵူႈဝၼ်း။ ပီမႂ်ႇၶႄႇ ၼႆႉၵေႃႈ တေပိုတ်ႇထႅင်ႈ သိပ်းဝၼ်းထပ်းၵၼ်။

သိုၵ်းၸိူဝ်းၼႆႉ ပဵၼ်သိုၵ်းႁႃငိုၼ်းၵွႆး ၶဝ်ဢမ်ႇၵႅတ်ႇၵင်ႈၵူၼ်းမိူင်းသင်၊ ႁဵတ်းပၢင်လွင်းၼႆၼၼ်ႉ ယႃႉတၢင်းယၢမ်ႈ ၵူၼ်းမိူင်းလူႉၵူၺ်း၊ ပေႃးမီးၶီႈလၵ်ႉၵူၼ်းၸူၼ်မႃးၵေႃႈ ဢမ်ႇၸွႆႈၵႅတ်ႇၵင်ႈပၼ်သင်၊ ငႃးသိုၵ်း ၶဝ်ႈဝၢၼ်ႈ ဢွၵ်ႇဝၢၼ်ႈ ၵေႃႈ လႆႈပၼ်ငိုၼ်းတွင်းၸွမ်းထႅင်ႈ”- ၵူၼ်းပွၵ်ႉၵၢတ်ႇ မိူင်းယေႃ ၵေႃႉၼိုင်ႈ လၢတ်ႈၼင်ႇၼႆ။

မိူဝ်ႈႁၢင်ပီ 2021 ပူၼ်ႉမႃး ၵူၼ်းမႃးတေႃႇလွင်းသုမ်းသေ လၵ်းဢဝ်ၵႃး ၼႂ်းပၢင်လွင်းၵႂႃႇ၊  ထုၵ်ႇသိုၵ်းမၢၼ်ႈ ယိုဝ်းတၢႆ ပႅတ်ႈ ႁိမ်ဢဝ်ၵႃးၶိုၼ်း။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း