Sunday, June 16, 2024

ၽူႈၵိူဝ်းၵုမ်ၸိုင်ႈမိူင်း တိုၵ်းသူၼ်းႁႂ်ႈၵူၼ်းမိူင်းသႂ်ႇၸႂ် ၵၢၼ်ၽုၵ်ႇသွမ်ႈ ၵူၼ်းမိူင်းတႄႉ ၶႂ်ႈႁႂ်ႈလူင်ပွင်ၸိုင်ႈ ႁႃပၼ်ပႃးလွၵ်းၵၢတ်ႇၶၢႆ

Must read

ၽူႈၵိူဝ်းၵုမ်ၸိုင်ႈမိူင်း ၼၢင်းဢွင်ႇသၢၼ်းၸုၵျီႇ တိုၵ်းသူၼ်းထိုင်ၸဝ်ႈႁႆႈၸဝ်ႈၼႃး ပၼ်ႁႅင်းႁႂ်ႈ လုၵ်ႈလၢၼ်သႂ်ႇၸႂ်ၼိူဝ် ၵၢၼ်ၽုၵ်ႇသွမ်ႈ။

Farmers at work on the outskirts of Hsipaw, Shan State,

မၼ်းၼၢင်း မွၵ်ႇလၢတ်ႈတိုၵ်းသူၼ်း ၼႂ်းပၢင်ၵုမ်လူင်ၵၢၼ်ၵႃႉၶၢႆၶဝ်ႈ တီႈၼေႇပျီႇတေႃႇ မိူဝ်ႈဝၼ်းတီႈ 06/ 03/ 2018 ၼၼ်ႉဝႃႈ – ႁႂ်ႈၵူၼ်းဝၢၼ်ႈၵူၼ်းမိူင်း တိုၵ်းသူၼ်းႁႂ်ႈလုၵ်ႈလၢၼ် သႂ်ႇၸႂ်ၼိူဝ်ၵၢၼ်ၽုၵ်ႇသွမ်ႈ သိုဝ်ႇၶၢဝ်ႇသိၼ်းႁႂႃပိုၼ်ၽၢဝ်ႇ။

- Subscription -

ၼၢင်းဢွင်ႇသၢၼ်းၸုၵျီႇ လၢတ်ႈတီႈၼႂ်းပၢင်ၵုမ်ဝႃႈ – “ ဝၢၼ်ႈမိူင်းတေၶိုၼ်ႈယႂ်ႇမႂ်ႇသုင်မႃးယဝ်ႉၼႆသေတႃႉ မိူဝ်း ၼႃႈမႃးၼႆႉ ဢမ်ႇၶႂ်ႈႁႂ်ႈၵူၼ်းၼုမ်ႇၵွင်လင်ၸူးၵၢၼ်ၽုၵ်ႇသွမ်ႈသေ ႁႃႁဵတ်းၵၢၼ်ၼႂ်းဝၢၼ်ႈၼႂ်းဝဵင်း၊ ၵွပ်ႈၼၼ်လႄႈ ဢွၼ်ၵၼ်တိုၵ်းသူၼ်း လုၵ်ႈလၢၼ်ႁႂ်ႈဝႆႉၵႃႈၶၼ် ၵၢၼ်ၽုၵ်ႇသွမ်ႈ ၼင်ႇႁိုဝ်တေဢမ်ႇႁူပ်ႉလွင်ႈတၢင်းယၢပ်ႇမိူဝ်းၼႃႈ ” ဝႃႈၼႆ။

ၸၢႆးပိုၼ်းႁၢၼ် ႁူဝ်ၼႃႈၵူၼ်းၼုမ်ႇတႆး TYO ၸႄႈဝဵင်းသီႇသႅင်ႇ ဢၼ်တူင်ႉၼိုင်ၵၢၼ်ၽုၵ်ႇသွမ်ႈ လၢတ်ႈဝႃႈ – “ ဢၼ်လူင်ပွင်ၸိုင်ႈပၼ်ႁႅင်းၵၢၼ်ၽုၵ်ႇသွမ်ႈၼႆႉၵေႃႈ ပဵၼ်လွင်ႈလီယူႇ ၵူၺ်းၵႃႈၶႂ်ႈ ႁႂ်ႈလူင်ပွင်ၸိုင်ႈ ႁႃလွၵ်းၵၢတ်ႇပၼ်ၵူၼ်းမိူင်း ပေႃးၽုၵ်ႇယဝ်ႉၵေႃႈ ႁႂ်ႈလႆႈၶၢႆ ပေႃးမီးလွၵ်းၵၢတ်ႇၶၢႆၸိုင် ၵူၼ်းမိူင်းၵေႃႈတေမီးႁႅင်းၸႂ်တႃႇတေသိုပ်ႇ ၽုၵ်ႇသွမ်ႈၵႂႃႇ ” ဝႃႈၼႆ။

မိူင်းႁူမ်ႈတုမ်မၢၼ်ႈၼႆႉ ပဵၼ်မိူင်းဢၼ်သူင်ႇၶဝ်ႈဢွၵ်ႇၶၢႆၼမ်မိူင်းၼိုင်ႈ တွၼ်ႈတႃႇပီ 2017 – 2018 တေႃႇထိုင်လိူၼ်မၢတ်ႊၶျ်ၼႆႉ သူင်ႇဢွၵ်ႇၶဝ်ႈ 3 လၢၼ်ႉတၼ်ႊ တေလႆႈဝႃႈၼမ်သုတ်းၼႂ်းႁွပ်ႈ 70 ပီ။

Photo: Jari Anttonen/Flickr

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း