Thursday, March 28, 2024

မၢၵ်ႇတႅၵ်ႇႁိမ်းလုမ်း ၽူႈၵွၼ်းၸႄႈဝဵင်းမိူင်းၵိုင်

Must read

မၢၵ်ႇတႅၵ်ႇ တီႈႁိမ်းလုမ်း ၽူႈၵွၼ်းၸႄႈဝဵင်းမိူင်းၵိုင်လုၵ်ႈၼိုင်ႈ ၵူၼ်းမၢတ်ႇၸဵပ်းတႄႉဢမ်ႇမီး ၵူၼ်းမိူင်းပိုၼ်ႉတီႈတူၵ်းၸႂ်။

Photo: ၵူၼ်းပိုၼ်ႉတီႈ/ ဢွင်ႈတီႈမၢၵ်ႇတႅၵ်ႇတီႈႁိမ်းလုမ်း ၽူႈၵွၼ်းၸႄႈဝဵင်းမိူင်းၵိုင် ဝၼ်းတီႈ 24/1/2022 ၵၢင်ၶိုၼ်း

မိူဝ်ႈဝႃး ဝၼ်းတီႈ 24/1/2022 ယၢမ်းၵၢင်ၶိုၼ်းမွၵ်ႈ 10 မူင်းၶိုင်ႈ မၢၵ်ႇတႅၵ်ႇ တီႈႁိမ်းလုမ်းၽူႈၵွၼ်းၸႄႈဝဵင်းမိူင်းၵိုင် ၸႄႈတွၼ်ႈ လွႆလႅမ် ၸိုင်ႈတႆးပွတ်းၸၢၼ်း ၵူၼ်းမိူင်းတူၵ်းၸႂ် မၢင်ၵေႃႉ ထိုင်တီႈပေႃးဢမ်ႇႁတ်းၼွၼ်း ထိုင်မိူင်းလႅင်း ၼႆယဝ်ႉ။

- Subscription -

ၵူၼ်းပိုၼ်ႉတီႈ မိူင်းၵိုင် လၢတ်ႈတီႈၽူႈတွႆႇႁွၵ်ႈဝႃႈ – “တႅၵ်ႇႁႅင်းၼႃႇၶႃႈ မိူဝ်ႈဝႃးၵၢင်ၶိုၼ်းၼႆႉ လိၼ်ပေႃးသၼ်ႇ ဢေႃႈ။ တႅၵ်ႇ ၵမ်းလဵဝ်ၵူၺ်းၼင်ႇၵဝ်ႇ။  ၵူၺ်းၵႃႈပဵၼ်ၼႂ်းဝဵင်းလႄႈတူၵ်းၸႂ် ၵမ်ႈၽွင်ႈၵမ်ႈၼမ်ပေႃးဢမ်ႇႁတ်းၼွၼ်းလပ်း ၵၼ်ၶႃႈဢေႃႈ” – ဝႃႈၼႆ။

မၢၵ်ႇၼႆႉ ပဵၼ်ၼမ်ႉမိုဝ်းၽႂ် ၸုမ်းလႂ် ႁဵတ်းတႄႉဢမ်ႇႁူႉ။ ၵူၺ်းၵႃႈ ၼႂ်းၸႄႈဝဵင်းမိူင်းၵိုင်ယၢမ်းလဵဝ်ၼႆႉ ပဵၼ်ငဝ်းလၢႆးဢၼ်ၵူၼ်းမိူင်းတိုၵ်ႉၵူဝ်ႁႄ လွင်ႈပၢင်တိုၵ်းသိုၵ်းသိူဝ် ၸုမ်းၸၢဝ်းၶိူဝ်းပိုတ်းယိုဝ်းၵၼ်ယူႇ၊ ပိူင်လူင်ၼႂ်းဝဵင်းမိူင်းၵိုင်ၼႆႉယၢမ်းလဵဝ် မီးဝႆႉၵူၼ်းပၢႆႈၽေးသိုၵ်း ဢၼ်လုၵ်ႉတီႈဝၢၼ်ႈမႃးဝႆႉၼပ်ႉႁဵင်။

ဢိင်ၼိူဝ်ငဝ်းလၢႆးၵၢၼ်သိုၵ်းသုၵ်ႉယုင်ႈၸိူင်ႉၼႆသေသိုၵ်းမၢၼ်ႈ ယိင်ႈၶႅၼ်းဝၵ်ႉဢဝ်တိုဝ်ႉတၢင်း ႁွၼ်ႈထဝ်ႇတဝ်ၸွမ်းသၢပ်ႇဝဵင်း ၼႂ်းဝဵင်း ၵူႈဝၼ်းၵူႈၶိုၼ်း။  

Photo: ၵူၼ်းပိုၼ်ႉတီႈ/ ဢွင်ႈတီႈမၢၵ်ႇတႅၵ်ႇတီႈႁိမ်းလုမ်း ၽူႈၵွၼ်းၸႄႈဝဵင်းမိူင်းၵိုင် ဝၼ်းတီႈ 24/1/2022 ၵၢင်ၶိုၼ်း

“မိူဝ်ႈဝႃးၼႆႉ ပၢင်တိုၵ်းတႄႉ ဢမ်ႇလႆႈငိၼ်းၶႃႈ။ ၸွမ်းသၢပ်ႇဝဵင်း ၼႂ်းဝဵင်းမိူင်းၵိုင်ၸိူဝ်းၼႆႉ မီးသိုၵ်းမၢၼ်ႈတူင်ႉၼိုင်ယူႇဝႆႉ။ ငဝ်းလၢႆးယၢမ်းလဵဝ်ၼႆႉ ဝၢၼ်ႈမိူင်းသုၵ်ႉယုင်ႈၸိူင်ႉၼႆသေ မၢၵ်ႇသမ်ႉမႃးတႅၵ်ႇၽွင်းၵၢင်ၶိုၼ်းၸိူင်ႉၼႆ ႁဵတ်းႁႂ်ႈၵူၼ်းမိူင်းပိုၼ်ႉတီႈ ဢွၼ်ၵၼ်တူၵ်းၸႂ်  ၶႃႈဢေႃႈ”- ၵူၼ်း  မိူင်းၵိုင်လၢတ်ႈထႅင်ႈ။

ပူၼ်ႉမႃး မိူဝ်ႈဝၼ်းတီႈ 11/1/2022 ၼၼ်ႉ သဵင်ၵွင်ႈလူင် တႅၵ်ႇႁၢဝ်ႈႁႅင်း ၸွမ်းႁိမ်းသၢပ်ႇဝဵင်း မိူင်းၵိုင်သေ ၵူၼ်းမိူင်းပိုၼ်ႉတီႈ ဢွၼ်ၵၼ်မႆႈၸႂ် ၵူဝ်ပဵၼ်ပၢင်တိုၵ်းလၢမ်းထိုင်ၼႂ်းၶူးၼႂ်းဝဵင်း ၼႆယဝ်ႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း