သိုၵ်းမၢၼ်ႈလႄႈသိုၵ်းၵႅတ်ႇၶႄၵူၼ်းမိူင်း ပိုတ်းယိုဝ်းတိုၵ်းတေႃးၵၼ်ထိုင်ဝဵင်းလွႆၶေႃ မိူင်းယၢင်းလႅင်၊ ၵူၼ်းမိူင်းပၢႆႈၽေးသိုၵ်းထိုင်ဝဵင်းဢွင်ႇပၢၼ်း၊ ၵၢတ်ႇလေႃႉလႄႈ ဝဵင်းတူၼ်ႈတီး၊ ယၢပ်ႇၽိုတ်ႇတီႈယူႇတီႈသဝ်းလႄႈၶဝ်ႈၼမ်ႉတၢင်းၵိၼ်။
မိူဝ်ႈၼႆႉ 9/1/2022 ၵူၼ်းပၢႆႈၽေးသိုၵ်း မႃးလႄႇႁႃၶၢတ်ႈႁွင်ႈသဝ်းတီႈယူႇ ၊ ၸဝ်ႈႁွင်ႈၸဝ်ႈႁေႃ ယွၼ်းၵႃႈၶၼ်သုင်လႄႈ ၵူၼ်းပၢႆႈၽေးသိုၵ်းယၢပ်ႇၽိုတ်ႇ ။
ၼႂ်ၼႆႉႁဝ်းၶႃႈၵႂႃႇႁႃၶၢတ်ႈႁိူၼ်းပၼ်ၵူၼ်းပၢႆႈၽေးသိုၵ်းၼႆ ၵႃႈၶတ်ႈႁိူၼ်းၵေႃႈၼပ်ႉႁူဝ်သႅၼ်။ ၽိူဝ်ႇႁဝ်းၶႃႈတၢင်ႇၼိူဝ်ဢွၼ်ႊလၢႆႊလၢတ်ႈလွင်ႈယၢပ်ႇၽိုတ်ႇ ၸင်ႇမီးၵူၼ်းၸွႆႈထႅမ်ဢေႃႈ။ တၢင်းဢွင်ႇပၢၼ်း၊ ၵၢတ်ႇလေႃႉ၊ ပၢင်းတလ ၸိူဝ်းၼႆႉ ၵေႃႈ တၵ်ႉမႃးလၢတ်ႈမႃးတႃႇၸွႆႈထႅမ်ဢေႃႈ။ ၸဝ်ႈႁိူၼ်းၸိူဝ်းဢၼ်ယွၼ်းၵႃႈၶၼ်သုင်သုင်ၼၼ်ႉၵေႃႈ တိတ်းတေႃႇမႃးၶိုၼ်းဝႃႈတေလူတ်းယွမ်းပၼ်ၵႃႈၶၢတ်ႈႁွင်ႈၼႆဢေႃႈ။- ၵူၼ်းၸွႆႈထႅမ်ၵူၼ်းပၢႆႈၽေးသိုၵ်း ဢၼ်ၸွမ်းႁႃႁွင်ႈၶၢတ်ႈပၼ်ၼၼ်ႉလၢတ်ႈၽူႈတွႆႇႁွၵ်ႈၼင်ႇၼႆ။
သိုၵ်းမၢၼ်ႈၼႆႉဢဝ်ၶိူင်ႈမိၼ်ယိုဝ်းသိုၵ်း၊ ယိုဝ်းဝဵင်းလွႆၶေႃ၊ဢဝ်ၵႃးၵၢပ်ႇလဵၵ်း ၵႃးထႅင်ႉ ယိုဝ်းသႂ်ႇဝဵင်းလွႆၶေႃ၊ ႁိူၼ်းယေးၵူၼ်းမိူင်းလူႉလႅဝ်၊ ၵူၼ်းမိူင်းပၢႆႈၽေးသိုၵ်းၵႂႃႇၵူႈႁူးၵူႈတၢင်း။
“ပၢင်တိုၵ်းၼႆႉပဵၼ်ထိုင်ၼႂ်းဝဵင်းယဝ်ႉဢေႃႈ။ ၵူၼ်းမိူင်းၵေႃႈဢွၼ်ၵၼ်ပၢႆႈ။မိူဝ်ႈဝႃးၵေႃႈပၢႆႈမႃး မိူဝ်ႈၼႆႉၵေႃႈပၢႆႈမႃး။ ဢၼ်ႁဝ်းၶႃႈၸၢင်ႈၵႂႃႇႁပ်ႉၵေႃႈဢဝ်ၵႃးသေၵႂႃႇႁပ်ႉၶႃႈဢေႃႈ။ ”ၵူၼ်းၸွႆႈထႅမ်ၵူၼ်းပၢႆႈၽေးသိုၵ်းၼၼ်ႉလၢတ်ႈၼင်ႇၼႆ။
တၢင်းဝဵင်းလွႆၶေႃ ၼၼ်ႉတေႃႇထိုင်ယၢမ်းလဵဝ် ပၢင်တိုၵ်းၵေႃႈယင်းတိုၵ်ႉပဵၼ်ယူႇပႆႇထၢတ်ႇ။ ၵူၼ်းဢၼ်ပၢႆႈၽေးသိုၵ်းမႃးၵေႃႈတိုၵ်ႉမီးယူႇတိၵ်းတိၵ်း။ ၸွမ်းသဵၼ်ႈတႃႈသၢႆတၢင်း တၢင်းဝဵင်းလွႆၶေႃ ၼၼ်ႉတေႃႇထိုင်ယၢမ်းလဵဝ် ပၢင်တိုၵ်းၵေႃႈယင်းတိုၵ်ႉပဵၼ်ယူႇပႆႇထၢတ်ႇ။ ၵူၼ်းဢၼ်ပၢႆႈၽေးသိုၵ်းမႃးၵေႃႈတိုၵ်ႉမီးယူႇတိၵ်းတိၵ်း။ ၸွမ်းသဵၼ်ႈတႃႈသၢႆတၢင်း လွႆၶေႃ- သီႇသႅင်ႇ-တူၼ်ႈတီး သိုၵ်းမၢၼ်ႈဢဝ်တီႈယူႇဝႆႉသုတ်းတၢင်း၊ ၵႃး ၵူၼ်းပၢႆႈၽေးသိုၵ်း မၢင်လမ်းၵေႃႈယင်းၺႃးသိုၵ်းမၢၼ်ႈပိုတ်းယိုဝ်း၊ ၵမ်ႈၼမ်လႆႈပွၵ်ႈမိူဝ်းၶိုၼ်းတၢင်းလွႆၶေႃ။ ၵူၼ်းဢၼ်ၵိုတ်းၶမ်ဝႆႉတီႈၼႂ်းဝဵင်းလွႆၶေႃၵေႃႈမီးတင်းၼမ်- ၸုမ်းၸွႆႈထႅမ်ၵူၼ်းပၢႆႈၽေးသိုၵ်းလၢတ်ႈ။
