မေႃၼပ်ႉသွၼ်ႇ ပေႇတၢင်ႇၵႃလႃးပတ်းပိုၼ်ႉမိူင်းႁူမ်ႈတုမ်ဢွၼ်ၵၼ်ၼပ်ႉသွၼ်ႇဢွၵ်ႇမႃးမိူၼ်ၵၼ်ဝႃႈ ၼႂ်းပီ 2022 ၼႆႉၽူႈၼမ်းၸိၵ်းၸွမ်သိုၵ်းမၢၼ်ႈ မိၼ်းဢွင်ႇလၢႆႇ လႄႈ သိုၵ်းယိုတ်းမိူင်းတင်းၸုမ်းတင်းၸိူဝ်း မီးၵိင်းၵဵဝ်ႇတေတူၵ်းသုမ်းၵူႈၸိူဝ်ႉၵူႈလွင်ႈ ဝႃႈၼႆ။
ပေႇတၢင်ႇၵႃလႃးၽိုၼ်ၵျၢမ်းဢၼ်ႁေႃးဝႆႉတႃႇပီ 2022 ၼႆႉၵူႈၽိုၼ် ပႃးၸဵမ်လိၵ်ႈမႁႃႇသၢင်းၵျၢၼ်ႇ၊ ဢိၵ်ႇပႃးတင်း မေႃႁူးလႃး သြႃႇၸေႇယႃႇၵူဝ်ႇ ၵေႃႉဢၼ်ၸမ်ၸႂ်ၵၼ်တင်းပႃႇတီႇသၢင်ႇသီႈ လႄႈတပ်ႉသိုၵ်းမၢၼ်ႈ ၵေႃႈယင်း ၼပ်ႉသွၼ်ႇတႅမ်ႈဢွၵ်ႇဝႆႉဝႃႈ – ၸုမ်းၸိူဝ်းဢၼ်ၽွင်းငမ်းဝၢၼ်ႈမိူင်း မီးၵိင်းၵဵဝ်ႇတူၵ်းသုမ်းၵူၼ်ႇပင်း ၵူႈၸိူဝ်ႉၵူႈလွင်ႈ ဝႃႈၼႆ။
ၼႂ်းၽိုၼ်လိၵ်ႈပေႇတၢင်ႇဢၼ်ဢွၵ်ႇမႃးၽွင်းၶၢဝ်းလိူၼ်တီႊသႅမ်ႊပိူဝ်ႊ2021 ပူၼ်ႉမႃးၼၼ်ႉတႅမ်ႈဝႆႉဝႃႈ ၼႂ်းလိူၼ်ၵျၼ်ႊၼိဝ်ႊရီႊၼႆႉ သိုၵ်းမၢၼ်ႈ ၸိူဝ်းဢွၵ်ႇၼႃႈသိုၵ်း ၶဝ်ႈပၢင်တိုၵ်း တေတူၵ်းသုမ်းလူႉတၢႆၼမ်၊ ၵၢင်လိူၼ်ႁၢင်လိူၼ်ၵျၼ်ႊၼိဝ်ႊရီႊၼႆႉ သိုၵ်းမၢၼ်ႈတေလႅၵ်ႈလၢႆႈၵၢၼ်ၽွင်းတၢင်၊ ၵူၼ်းမိူင်း တေတႄႇလႆႈငိၼ်းၶၢဝ်ႇလီ – ဝႃႈၼႆ။
ပေႃးထိုင်လိူၼ် ၾႅပ်ႉပိဝ်ႊရီႊမႃး ၼွၵ်ႈမိူင်းတေဢွၼ်ၵၼ်ၵမ်ႉထႅမ်ပၼ်တၢင်းၸွႆႈၵူၼ်းမိူင်း မိူင်းႁူမ်ႈတုမ်။ လိူၼ်မၢတ်ႉၶျ် ၼႆႉ ၵၢၼ်ပၢႆးမိူင်း ပၢႆးသိုၵ်းၾၢႆႇၵူၼ်းမိူင်းတေမီးႁႅင်း- ဝႃႈၼႆ။
လိူၼ်ဢေႊပရိူဝ်ႊ ၽွင်းၶၢဝ်းသွၼ်းၼမ်ႉၼႆႉသမ်ႉ သိုၵ်းၾၢႆႇၵူၼ်းမိူင်းတေဢွင်ႇပေႉ၊ ၸိၵ်းၸွမ်ၾၢႆႇၽွင်းငမ်း ဝၢၼ်ႈ မိူင်း တေမီးလွင်ႈလႅၵ်ႈလၢႆႈ ထိုင်တီႈၵူၼ်ႇပင်းလူႉလႅဝ်။ ၸွမ်းၼင်ႇၼၢၵ်ႈၶၢတ်ႈၼႄမႃးတႄႉ ၵူၼ်း ၸိူဝ်း ၵမ်ႉယၼ် ပၼ်ႁႅင်းၸုမ်းသိုၵ်းမိူၵ်ႈမႂ်ႈၵေႃႈ တေပႃးၵၼ်ၵူၼ်ႇပင်းတူၵ်းသုမ်းလူႉလႅဝ် မိူၼ်ၵၼ်မူတ်းဝႃႈၼႆဝႆႉ။
ၼႂ်းလိၵ်ႈမႁႃႇသၢင်းၵျၢၼ်ႇ မၼ်းတလေး ၵေႃႈႁေႃးဝႆႉဝႃႈ -ၶုၼ်ၽွင်းငမ်းမိူင်း တေထူပ်းၽေးဢုပၢတ်ႈ၊ ၽူႈမီးပိင်ႇၺႃႇၼႂ်းရႁၢၼ်း ၽူႈမီးပိင်ႇၺႃႇၼႂ်းတူင်ႇဝူင်းၶုၼ်ၽွင်းငမ်း တေမီးပၼ်ႁႃ တႅၵ်ႇၸတ်ႉတေႃႇၵၼ် ဝႃႈၼႆ။
ၶေႃႈမုၼ်းၶၢဝ်ႇ- PVTV
