Wednesday, July 17, 2024

ၽူႈၵွၼ်းႁူင်းယႃလူင်ၵူတ်ႉၶၢႆ လူင်းပိုၼ်ႉတီႈသမ်းၶဵမ်ႁႄႉၶူဝ်းဝိတ်ႉ ၺႃးယိုဝ်းတၢႆၸွမ်းတၢင်း

Must read

ၽူႈၵွၼ်းႁူင်းယႃလူင် ၸႄႈဝဵင်းၵူတ်ႉၶၢႆ ၵႂႃႇလူင်းပိုၼ်ႉတီႈ သမ်းယႃယႃႈႁႄႉတၢင်းပဵၼ် ၶူဝ်ႊဝိတ်ႉ 19 ပၼ်ၵူၼ်းမိူင်း တၢင်းမိူင်းႁွမ်း မိူင်းၸီးသေ ပွၵ်ႈမႃး ၺႃးယိုဝ်းတၢႆၸွမ်းတၢင်း မိူဝ်ႈဝႃး၊ မိူဝ်ႈၼႆႉ ၸင်ႇၵွႆႈႁၼ်တူဝ်တၢႆ။

တွၵ်ႊတိူဝ်ႊတေႃႇဝိၼ်ႉဝိၼ်ႉမႅင်ႇ (ဒေါက်တာ ဒေါ်ဝင့်ဝင့်မြိုင်) ၽူႈၵွၼ်းႁူင်းယႃ လူင် ၸႄႈဝဵင်းၵူတ်ႉၶၢႆ ဢၼ်ၺႃးယိုဝ်းတၢႆမိူဝ်ႈဝၼ်းတီႈ 14/12/2021

မိူဝ်ႈဝႃး ဝၼ်းတီႈ 14/12/2021 ယၢမ်းၵၢင်ၶမ်ႈ မွၵ်ႈ 7 မူင်း တွၵ်ႊတိူဝ်ႊတေႃႇဝိၼ်ႉဝိၼ်ႉမႅင်ႇ (ဒေါက်တာ ဒေါ်ဝင့်ဝင့်မြိုင်) ၽူႈၵွၼ်းႁူင်းယႃ လူင် ၸႄႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ ၺႃးၸုမ်းဢမ်ႇႁူႉၾၢႆႇ ယိုဝ်းတၢႆ ၸွမ်းတၢင်း ၽွင်းၵႂႃႇသမ်းယႃႁႄႉၵင်ႈ တၢင်းပဵၼ်ၶူဝ်ႊဝိတ်ႉသေပွၵ်ႈ။

- Subscription -

ၸုမ်းပရႁိတ ၸႄႈဝဵင်းၵူတ်ႉၶၢႆ လၢတ်ႈတီႈၽူႈတွႆႇႁွၵ်ႈဝႃႈ – “မၼ်းၼၢင်းၼႆႉ လႅပ်ႈၺႃးယိုဝ်းတၢႆ ၸဵမ်မိူဝ်ႈၶမ်ႈဝႃးၶႃႈ။   တိူဝ်ႉၺႃး လႆႈႁွႆးတႄႉ ဢမ်ႇလႆႈႁူႉၶႃႈ။ ယၢမ်းလဵဝ် တူဝ်တၢႆ မၼ်းၼၢင်းၵေႃႈဢဝ်မႃးမီးဝႆႉတီႈႁူင်းယႃယဝ်ႉၶႃႈ။ ၵွပ်ႈသင်လႄႈ ထုၵ်ႇယိုဝ်းတၢႆဢၼ်ဝႃႈၼၼ်ႉၵေႃႈ ဢမ်ႇလႆႈႁူႉၸွမ်းၶႃႈ”- ဝႃႈၼႆ။

ဢိင်ၼိူဝ် လွင်ႈၽူႈၵွၼ်းႁူင်းယႃလူင် ၸႄႈဝဵင်းၵူတ်ႇၶၢႆ ထုၵ်ႇယိုဝ်းတၢႆ ၼႆႉသေ ၵူၼ်းမိူင်း ဢွၼ်ၵၼ်မႆႈၸႂ်၊  ဝၢၼ်ႈမိူင်းဢမ်ႇမီးလွင်ႈႁူမ်ႇလူမ်ႈ၊ ၸိူဝ်းၸမ်ၸႂ်ၵေႃႈ သေးလၢႆမွင်ၸႂ်ၸွမ်း၊ မၢင်ၸိူဝ်းၵေႃႈ ၼႄးဝႃႈ မၼ်းၼၢင်း မိပ်ႇဢီး ႁႂ်ႈၽူႈႁၢပ်ႇၵၢၼ် ၸိူဝ်းႁဵတ်း CDM သၢၼ်ၶတ်း ဢႃႇၼႃႇသိုၵ်း  မႃးၶဝ်ႈၵၢၼ်ၶိုၼ်း ၸဵမ်ၸိူဝ်းၼႆႉ မီးယူႇလၢႆၸိူဝ်ႉလၢႆလွင်ႈ။

ၵူၼ်းၵူတ်ႉၶၢႆ လၢတ်ႈတီႈၽူႈတွႆႇႁွၵ်ႈဝႃႈ – “တေႃႈၼင်ႇမေႃယႃလူင် ထုၵ်ႇယိုဝ်းတၢႆၸိူင်ႉၼႆၼႆႉ တေလႆႈဝႃႈ ငဝ်းလၢႆးတေႃႈလဵဝ်ၼႆႉ ဢမ်ႇလီ သေဢိတ်းယဝ်ႉၶႃႈ တီႈမိူင်းႁဝ်းၶႃႈၼႆႉ။ ၵွပ်ႈသင်လႄႈယိုဝ်း ဢၼ်ဝႃႈၼၼ်ႉၵေႃႈ ဢမ်ႇလႆႈႁူႉၶႃႈ။ လွင်ႈသင်သေ ၵေႃႈယဝ်ႉ ယိုဝ်းမေႃယႃ တၢႆ ၼႆႉ ႁဝ်းၶႃႈဢမ်ႇႁၼ်လီ”- ဝႃႈၼႆ။

တွၵ်ႊတိူဝ်ႊတေႃႇဝိၼ်ႉဝိၼ်ႉမႅင်ႇၼႆႉ ဢႃယု တေမီး မွၵ်ႈ 50 ပီ ၊ မႃးႁၢပ်ႇၵၢၼ် တီႈႁူင်းယႃ လူင်၊ ပဵၼ်ၽူႈၵွၼ်းႁူင်းယႃ ၸႄႈဝဵင်းၵူတ်ႉၶၢႆ မႃး ၶၢဝ်းတၢင်း ဢမ်ႇယွမ်း 20 ပီယဝ်ႉ ၵူၼ်းပိုၼ်ႉတီႈလၢတ်ႈၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း