ၸဝ်ႈသၢင်ႇဢွၼ်ႇပႃးၼိုင်ႈ ဢႃယု 13 ပီလုၵ်ႉဝဵင်းၵျွၵ်ႉမႄးသေ ၵႂႃႇႁဵတ်းလိၵ်ႈ တီႈ တိူၵ်ႈလိၵ်ႈဢွင်ႇမင်ႇၵလႃႇၸႄႈဝဵင်းပျီႇၵျီးတၶုၼ်ႇ ၼၼ်ႉ ႁၢႆဢွၵ်ႇၵျွင်းၵႂႃႇၸဵမ်မိူဝ်ႈဝၼ်းတီႈ 22 လိူၼ်ပူၼ်ႉမႃး ၊ တေႃႇထိုင်မိူဝ်ႈၼႆႉ ပႆႇႁၼ်ၶိုၼ်းလႄႈပေႃႈမႄႈ မႆႈၸႂ်လိူဝ်ႁႅင်း၊ ၽႂ်ႁၼ်ၸွႆႈတိတ်းတေႃႇပၼ်ပေႃႈမႄႈၸဝ်ႈသၢင်ႇၽွင်ႈဝႃႈၼႆ။
ၸဝ်ႈသၢင်ႇၼႆႉၸိုဝ်ႈဝႃႈ ၼၼ်ႇတ သႃႇရ၊ ၸိုဝ်ႈႁိူၼ်းႁွင်ႉ ဢွင်ႇထိၼ်ႇလိၼ်း။ ဝၼ်းတီႈ 22/9/2021 ၼၼ်ႉ ဢွၵ်ႇၵျွင်းၵႂႃႇတုင်းသွမ်းၼႆသေ ဢမ်ႇပွၵ်ႈမႃးၶိုၼ်း ဝႃႈၼႆ။
မႄႈၸဝ်ႈသၢင်ႈ လၢတ်ႈတီႈၽူႈတွႆႇႁွၵ်ႈဝႃႈ – “မၼ်းၸဝ်ႈၵႂႃႇတုင်းသွမ်းသေ ဢမ်ႇပွၵ်ႈမႃးၶိုၼ်းတီႈၵျွင်းၶႃႈဝႃႇ။ ႁၢႆၵႂႃႇမွၵ်ႈ 2 ဝၼ်းၼႆႉသေ ထိုင်ဝၼ်းတီႈ 24/9/2021 သမ်ႉၵႂႃႇထၢမ်တီႈတႃႈရူတ်ႉ ၸွႆႇတေႃႇ ဝႃႈၶႆႈမိူဝ်းၵျွၵ်ႉမႄးၶိုၼ်း -ၼႆယူႇၶႃႈဝႃႇ ။ ဝၢႆးၼၼ်ႉ ႁၢႆၵႂႃႇတၢင်းလႂ်သေၵေႃႈဢမ်ႇႁူႉယဝ်ႉၶႃႈ။ ႁဝ်းၶႃႈၵေႃႈ ၸွမ်းႁႃယူႇပႆႇႁၼ်ၶိုၼ်းတေႃႇထိုင်တလဵဝ် ” – ဝႃႈၼႆ။
ၸဝ်ႈသၢင်ႇ ၼၼ်ႇတသႃႇရ ၼႆႉပဵၼ်လုၵ်ႈၸၢႆး လုၵ်းသၢင်ႇဢွၼ်း ၊ ၼၢင်းလူင် ယူႇဝၢၼ်ႈပႃႇပုၵ်ႇ ဝဵင်းၵျွၵ်ႉမႄး။ သင်ဝႃႈၽႂ်ၽူႈလႂ်ထူပ်းႁၼ်မႅၼ်ႈၸိုင်ၶႅၼ်းတေႃႈႁႂ်ႈၵပ်းသိုပ်ႇၸူးပေႃးမႄႈၸဝ်ႈသၢင်ႇတီႈ -097- 542- 34534 ဢမ်ႇၼၼ် တီႈၸၢႆးဢွင်ႇမျိၼ်ႉ (MRCS) 097-600-6956 သေၵမ်း- ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ