Friday, March 29, 2024

ၼမ်ႉထူမ်ႈ ဝဵင်းလႃႈသဵဝ်ႈ မီးၵူၼ်းတၢႆလႆလွင်ႈမႃးၸွမ်းၼမ်ႉၵေႃႉၼိုင်ႈ

Must read

မိူဝ်ႈၼႆႉဝၼ်းတီႈ 20/9/2021 ၾူၼ်တူၵ်းႁႅင်း ၼမ်ႉလွႆၼွင်း ၼမ်ႉႁွင်ႈလႆလတ်းၵၢင်ဝဵင်းလႃႈသဵဝ်ႈ လူၼ်ႉၾင်ႇထူမ်ႈႁိူၼ်းယေးၼႂ်းပွၵ်ႉယွမ်ႇ 3-4 ပွၵ်ႉ မီးၵူၼ်းတၢႆၵေႃႉၼိုင်ႈလႆလွင်ႈမႃးၸွမ်းၼမ်ႉႁွင်ႈ ပဵၼ်လုၵ်ႈလၢင်းၽႂ်ယင်းပႆႇႁူႉ။

Photo SS from VDO- ၼမ်ႉထူမ်ႈပွၵ်ႉ 6 ဝဵင်းလႃႈသဵဝ်ႈ ဝၼ်းတီႈ 20/9/2021

ၼမ်ႉႁွင်ႈၼႆႉ လုၵ်ႉတၢင်းပွၵ်ႉ 5 လတ်းလူင်းမႃး ပွၵ်ႉ 6 ပွၵ်ႉ 7 ပွၵ်ႉ 12 သေ လႆၶဝ်ၼမ်ႉယၢဝ်။

- Subscription -

“ပေႃးၾူၼ်တူၵ်း ၼမ်ႉႁွင်ႈၼႆႉ ၵႆႉၼွင်းလူၼ်ႉၾင်ႇယူႇၵူႈပီ ၊ ၵူၺ်းၵႃႈမိူဝ်ႈၼႆႉ ၼမ်ႉၵိုင်ႉၵၢင်ႉၼွင်းထူမ်ႈဝႆးႁႅင်းလႄႈၵူၼ်းႁိမ်းႁွမ်းဢမ်ႇတၼ်းလႆႈၶၢႆႉၶူဝ်းၶွင်သင်” – ၵူၼ်းၼုမ်ႇလႃႈသဵဝ်ႈၵေႃႉၼိုင်ႈလၢတ်ႈ။

Photo Credit to လားရှိုးလူငယ်များလူမှုကူညီရေးအဖွဲ့- ႁၢင်ႈ ၸုမ်းၵူၼ်းၼုမ်ႇၸွႆႈထႅမ်ၶႅၵ်ႇလီပၢင်ၸႃႉ တိုၵ်ႉၸွႆႈဢဝ်တူဝ်တၢႆၵူၼ်းလွင်ႈၼမ်ႉၼၼ်ႉဢွၵ်ႇမႃး တႃႇသူင်ႇဝႆႉတီႈႁူင်းယႃ

ယၢမ်းဝၢႆးဝၼ်း 4 မူင်းပၢႆၼၼ်ႉ တူဝ်တၢႆၵူၼ်းၸၢႆးၼုမ်ႇၵေႃႉၼိုင်ႈလႆလွင်ႈမႃးၸွမ်းၼမ်ႉႁွင်ႈသေ မႃးၽုတ်းလင်ႁိူၼ်းၵူၼ်းဝၢၼ်ႈ ဢၼ်ယူႇပွၵ်ႉ 6  ႁိမ်းၵျွင်းမၢဝ်းၶမ်း။ ယူႇတီႈၸုမ်းၵူၼ်းၼုမ်ႇ ၸွႆႈထႅမ်လွင်ႈၸဵပ်းမႆႈၶႆႈၼၢဝ် လႆႈ မႃးဢဝ်တူဝ်တၢႆၼၼ်ႉ သူင်ႇႁူင်းယႃလူင်လႃႈသဵဝ်ႈ ယဝ်ႉလႆႈႁူႉၼင်ႇၼႆ။

ႁိူၼ်းယေးဢၼ်ၺႃးၼမ်ႉထူမ်ႈမီးလၢႆလင် လူႉသုမ်းၸွမ်းမွၵ်ႈႁိုဝ်တႄႉပႆႇလႆႈႁူႉတႅတ်ႈတေႃး။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း