ၼႂ်းၸႄႈဝဵင်းမိူင်းပၼ်ႇ မီးၵူၼ်းတိတ်းၸပ်းၸိူဝ့်မႅင်းတၢင်းပဵၼ်ၶူဝ်ႊဝိတ့် 19 ပုင်ႈၶိုၼ်ႈႁႅင်းလႄႈ ၸဵမ်ၵၢတ်ႇလူင် ႁၢၼ့်ၶၢႆၶူဝ်းၶွင်ၵိၼ်ယႅမ့် ၵူႈလွင်ႈ ၸိူဝ်းၼႆ့ ပိၵ့်ဢိုတ်းဝႆ့ တႃႇၶၢဝ်းတၢင်း 14 ဝၼ်း ဝႃႈၼႆ။
Photo CJ- ၵၢတ်ႇမိူင်းပၼ်ႇ ပိၵ်ႉဝႆႉ ၸူဝ်ႈၶၢဝ်း ဝဵင်းပေႃးယဵၼ် 
Photo CJ- ၵၢတ်ႇမိူင်းပၼ်ႇ ပိၵ်ႉဝႆႉ ၸူဝ်ႈၶၢဝ်း ဝဵင်းပေႃးယဵၼ်
တႄႇဢဝ် ဝၼ်းတီႈ 19/9/2021 တေႃႇထိုင် ဝၼ်းတီႈ 2/10/2021 ၼႂ်းၶၢဝ်းတၢင်း 14 ဝၼ်း ၵၢတ်ႇလူင် မိူင်းပၼ်ႇ တင်း ႁၢၼ့်ၶၢႆၶွင် ၵိၼ်ယႅမ့် ၵူႈလွင်ႈလွင်ႈ ပိၵ့်ဢိုတ်းဝႆ့ ၸူဝ်ႈၶၢဝ်း တႃႇၵႅတ်ႈ ၶႄႁႄ့ၵင်ႈတၢင်း ပဵၼ်ၶူဝ်ႊဝိတ့် 19 ပေႃးတေဢမ်ႇၽႄးလၢမ်းႁၢဝ်ႈႁႅင်း မႃးၼၼ့် ၼႆယဝ့်။
ၽူႈတူင့်ၼိုင် ၼႂ်းတူင်ႇဝူင်းၵူၼ်း ၸႄႈဝဵင်းမိူင်းပၼ်ႇ ၵေႃ့ၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “ၸႂ်ႈၶႃႈဢေႃႈ ၵၢတ်ႇလူင် မိူင်းပၼ်ႇ လႄႈ တင်းႁၢၼ့်ၶၢႆၶွင်ၵိၼ်ယႅမ့် ၵူႈလွင်ႈလွင်ႈ ၸိူဝ်းၼႆ့ သင်ႇပိၵ့်ဢိုတ်းမူတ်းၶႃႈယဝ့် တႃႇၶၢဝ်း 2 ဝူင်ႈ တေႃႇထိုင် ဝၼ်းတီႈ 2 လိူၼ်ၼႃႈ ၸင်ႇ တေပိုတ်ႇၶိုၼ်း။ ယွၼ့်ၵူၼ်းပဵၼ်ၼႆ့ တိူဝ်းၶိုၼ်ႈႁႅင်းၶႃႈဢေႃႈ တီႈမိူင်းပၼ်ႇၼႆ့”- ဝႃႈၼႆ။
ၵူၺ်းၵႃႈ ဝဵင်းတႄႉ ဢမ်ႇပိၵ့်ဢိုတ်း Lockdown ၊ ယၢမ်းလဵဝ်ၵေႃႈသမ်ႉပဵၼ်ၶၢဝ်းဢဝ် ငႃးဢဝ်ထူဝ်ႇလႄႈၵူၼ်းမိူင်းၶဝ်ႈသူၼ် ဝဵင်းပေႃးယဵၼ် ။ ၾၢႆႇၽွင်းငမ်း တႂ်ႈၶွင်ႇသီႇသိုၵ်းမၢၼ်ႈ ၸႄႈဝဵင်းမိူင်းပၼ်ႇ သင်ႇပိၵ့်ဢိုတ်းတႄ့ တေပဵၼ်ၵၢတ်ႇလူင်လႄႈ ႁၢၼ့်ၶၢႆၶူဝ်းၶွင်ၵိၼ်ယႅမ့် ၸွမ်းၼႂ်းၵၢင်ဝဵင်း ၸိူဝ်းၼႆ့ၵူၺ်း ဝႃႈၼႆ။
“လွင်ႈပိၵ့်ဢိုတ်းတင်းဝဵင်းမိူင်းပၼ်ႇ Lockdown တႄ့ ဢမ်ႇႁဵတ်းၶႃႈ တီႈမိူင်းပၼ်ႇၼႆ့ ၶဝ်သင်ႇပိၵ့်ပိုတ်းၵၢတ်ႇလႄႈ ႁၢၼ့်ၶၢႆၶွင်ၵိၼ်ယႅမ့် ၵူႈလွင်ႈလွင်ႈ ၸိူဝ်းၼႆ့ ယၢမ်းလဵဝ် ၼႂ်းဝဵင်းမိူင်းပၼ်ႇတႄ့ ယဵၼ်သီႇလူင်ဝႆ့ၶႃႈဢေႃႈ။ ၵမ်ႈၼမ် ၵူၼ်းမိူင်းတႄ့ ဢွၼ်ၵၼ်ၵႂႃႇယူႇၸွမ်းႁႆႈ ၸွမ်းသူၼ် ႁဵတ်းၵၢၼ်ၽႂ်မၼ်းၵူၺ်းၶႃႈ”- ၽူႈတူင့်ၼိုင် ၼႂ်းတူင်ႇဝူင်း သိုပ်ႇလၢတ်ႈၼႄၼင်ႇၼႆ။
ယၢမ်းလဵဝ် ၼႂ်းၸႄႈဝဵင်းမိူင်းပၼ်ႇ ၵူၼ်းတိတ်းၸပ်းႁၼ် ၵူၼ်းတိတ်းၸပ်း ၸိူဝ့်မႅင်းတၢင်းပဵၼ်ၶူဝ်ႊဝိတ့် 19 တင်းမူတ်းမီးၵႂႃႇ 250 ပၢႆ ယဝ့်။
ၼၢင်းသီၼူၼ်း မေႃလုမ်းလႃး ၵူၼ်းပဵၼ် တီႈႁူင်းယႃလူင် ၵူၼ်းမိူင်း ၸႄႈဝဵင်းမိူင်းပၼ်ႇ လၢတ်ႈတီႈၽူႈတွႆႇႁွၵ်ႈဝႃႈ – “ယၢမ်းလဵဝ် တီႈမိူင်း ပၼ်ႇၼႆ့ မီးၵူၼ်းတိတ်းၸပ်း ၸိူဝ့်မႅင်းတၢင်းပဵၼ် ၶူဝ်ႊဝိတ့် 19 တင်းမူတ်းမီးၵႂႃႇ 250 ပၢႆယဝ့်။ ယဝ့်ၵေႃႈ ဢၼ်ပဵၼ်ႁႅင်းသေ ထိုင်တီႈ လႆႈဢဝ်ဢွၵ်ႊသိၼ်ႊၵျိၼ်ႊၸွႆႈသမ့် မီးမွၵ်ႈ 10 ၼႆ့ၶႃႈ”- ဝႃႈၼႆ။
ဢိင်ၼိူဝ် လွင်ႈၵူၼ်းပဵၼ်တိတ်းၸပ်း ၸိူဝ့်မႅင်းတၢင်းပဵၼ်ၶူဝ်ႊဝိတ့် 19 ပွၵ်ႈၵမ်းသၢမ် ႁၢၼ့်တေႃႇ ထိုင်ဝၼ်းတီႈ 19/9/2021 ၼႆ့ ၼႂ်း ၸႄႈဝဵင်းမိူင်းပၼ်ႇ မီးၵူၼ်းတိတ်းၸပ်းၸိူဝ့်မႅင်း တင်းမူတ်း 250 ပၢႆ လူ့တၢႆယဝ့် 2 ၵေႃ့၊ ယဝ့်ၵေႃႈ ဢၼ်ယႃၶႅၼ်းသေ တေလူင်းႁူင်း ယႃမိူဝ်ႈၼႆ့ၵေႃႈ မီးထႅင်ႈ ၼႆယဝ့်။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ