ၾူၼ်တူၵ်းထႅင်ႈတင်းၶိုၼ်းလႄႈ မိူဝ်ႈၼႆႉဝၼ်းတီႈ 19/8/2021 ၼမ်ႉမၢဝ်းလူၼ်ႉၾင်ႇ ၼွင်းထူမ်ႈ ၸိူဝ်းယူႇၸွမ်းသၢပ်ႇၼမ်ႉမၢဝ်း။
ၵူၼ်းၼုမ်ႇမူႇၸေႊ ၵေႃႉၼိုင်ႈလၢတ်ႈဝႃႈ – “ ၼႂ်ၼႆႉ ၼမ်ႉမၢဝ်းၼွင်း ထူမ်ႈထိုင်မၢၼ်ႈတိုင်းလူင်ၽၢႆႇၼႃႈ (ၾၢႆႇဝၼ်းတူၵ်း တၢင်းဢိူင်ႇ 19 ဝၢၼ်ႈ) ယဝ်ႉၶႃႈ။ မိူဝ်ႈဝႃး ၼမ်ႉပူဝ်ႉၼွင်းလႄႈ ၼမ်ႉထူမ်ႈ ပၢင်ႇၶမ်း၊ ၼွင်ယၢင်း။ ”- ဝႃႈၼႆ။
ၼႂ်ၼႆႉယၢမ်းၸဝ်ႉ ႁၢၼ်ႉတၢင်းၵိၼ် မၢၼ်ႈဢွႆႈ ၼႂ်းဢိူင်ႇ 19 ဝၢၼ်ႈ မူႇၸေႊၵေႃႈၼမ်ႉထူမ်ႈလိူဝ်ႁႅင်း။ ၾူၼ်တူၵ်းထပ်းၵၼ် 4-5 ဝၼ်းသေဢမ်ႇၵႃး ၾၢႆႇၶေႇသမ်ႉပိုတ်ႇၾၢႆလႄႈ ႁဵတ်းႁႂ်ႈၼမ်ႉထူမ်ႈမူႇၸေႊ ထုင်ႉမၢဝ်းႁႅင်း လႆႈႁူႉၼင်ႇၼႆ။
“မိူဝ်ႈဝႃး ၾၢႆႇၽွင်းငမ်းတၢင်းမူႇၸေႊၵေႃႈ ၵႂႃႇလၢတ်ႈတီႈ ၾၢႆႇၽွင်းငမ်းပၢင်ႇၶမ်းယူႇဝႃႈ ၶႄႇၶဝ်လၢတ်ႈမႃးဝႃႈတေပိုတ်ႇၾၢႆၼမ်ႉမၢဝ်းလႄႈ တီႈတႅမ်ႇၸိူဝ်းၼၼ်ႉ တေလႆႈမႆႈၸႂ်ၽွင်ႈ – ၼႆယူႇၶႃႈဝႃႇ ။ ”- ၵူၼ်းၼုမ်ႇမူႇၸေႊၼၼ်ႉသိုပ်ႇလၢတ်ႈၼင်ႇၼႆ။
ၼမ်ႉပေႃႈ(ၼမ်ႉပူဝ်ႉ) ၵေႃႈမၢင်တီႈတႄႉလူတ်းယွမ်းလူင်းဢိတ်း ဢီႈယဝ်ႉၵူၺ်းၵႃႈ တူင်ႈႁႆႈတူင်ႈၼႃးၵူၼ်းဝၢၼ်ႈ တႄႉ ၼမ်ႉယင်းပႆႇယွမ်းလူင်း ။ ၼမ်ႉထူမ်ႈၵၼ်းၼႆႉ ထူမ်ႈဝၢၼ်ႈလႂ်ထႅင်ႈၼႆႉ တိုၵ်ႉသိုၵ်ႇၸွပ်ႇထၢမ်တူၺ်းထႅင်ႈယူႇ။