Thursday, June 20, 2024

ၵူၼ်းမိူင်းတူၼ်ႈတီး တၢႆယွၼ်ႉၶူဝ်ႊဝိတ်ႉ ထႅင်ႈ 9 ၵေႃႉ တင်းမူတ်းၵူၼ်းတၢႆမီး 100 ပၢႆ

Must read

ဝၼ်းတီႈ4/8/2021ဝၼ်းလဵဝ် ၵူၼ်းတိတ်းၸပ်းတၢင်းပဵၼ်ၶူဝ်ႊဝိတ်ႉ 19 တီႈဝဵင်းတူၼ်ႈတီး ၼမ်မႃး 173 ၵေႃႉ လူႉတၢႆဝၼ်းလဵဝ် 9 ၵေႃႉ  ။

Photo Credit to Zaw Myo- ၵၢင်ဝဵင်းတူၼ်ႈတီး ဢမ်ႇမီးၵူၼ်း ရူတ်ႉၵႃးၵႂႃႇမႃး ယွၼ်ႉတၢင်းပဵၼ်ၶူဝ်ႊဝိတ်ႉ 19 လၢမ်းၽႄႈတိတ်းၸပ်းၵၼ်လႄႈလူႉတၢႆၼမ်

ၵွပ်ႈၼႆလႄႈ တင်ႈဢဝ်ဝၼ်းတီႈ 1/6/2021 တေႃႇထိုင်ဝၼ်းတီႈ 4/8/2021 တီႈဝဵင်းတူၼ်ႈတီး ၵူၼ်းတိတ်းၸပ်းတၢင်းပဵၼ်ၶူဝ်ႊဝိတ်ႉ 19 ႁူမ်ႈတင်းမူတ်းမီး 2180 ၵေႃႉလႄႈၵူၼ်းလူႉတၢႆယွၼ်ႉတင်းပဵၼ် မီး 106 ၵေႃႉ။

- Subscription -

ၵူၼ်းဢၼ်တိတ်းၸပ်းတင်းပဵၼ်သေလူႉတၢႆၵမ်ႈၼမ်ပဵၼ်ၵူၼ်းၼုမ်ႇလႄႈၵူၼ်းဢႃယုၶၢဝ်ႉၵႄႇ။ ၸိူဝ်းၶဝ် ပဵၼ်ၵူၼ်းမီးတၢင်းပဵၼ် လိူတ်ႈဝၢၼ်၊ လိူတ်ႈသုင်၊ ယဵဝ်ႈဝၢၼ်၊ တပ်း၊ တႂ် ဝႆႉၸဵမ်လႂ်သေဢၼ်ဢၼ်။ ၵမ်ႈၼမ်တႄႉ ယွၼ်ႉပိူဝ်ႈႁႅင်းဢွၵ်ႊသီႊၵျိၼ်ႊၼႂ်းတူဝ်တူၵ်းႁႅင်း၊ ဢမ်ႇလႆႈႁပ်ႉလွင်ႈယူတ်းယႃတူဝ်လီငၢမ်း ၸိူဝ်းၼႆႉၵေႃႈၼမ်။

လၢၼ်ႉၶၢႆၶူဝ်းလႄႈ ၵၢတ်ႇတႄႉပိၵ်ႉဢိုတ်းဝႆႉၸဵမ်လိူၼ်ၵျုၼ်ႊပူၼ်ႉမႃး၊ ယင်းပႆႇပိုတ်ႇၶိုၼ်း။ ၵူၼ်းတေဢွၵ်ႇၼွၵ်ႈႁိူၼ်းၵေႃႈ လႆႈဢဝ်ဝႂ်ဢွၵ်ႇႁိူၼ်းတီႈလုမ်းၵွၼ်းပွၵ်ႉယွမ်ႇၵွၼ်ႇၸင်ႇဢွၵ်ႇ။ ၼိုင်ႈႁိူၼ်းလႆႈၶႂၢင်ႉဢွၵ်ႇႁိူၼ်း 1 ၵေႃႉၵူၺ်း။ ပေႃးၵႂႃႇႁူင်းယႃ ႁွင်ႈယႃတႄႉ လႆႈၶႂၢင်ႉၵႂႃႇ ၼိုင်ႈႁိူၼ်း 2 ၵေႃႉၵူၺ်း။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း