Thursday, May 30, 2024

လုၵ်ႈဢွၼ်ႇလႅင်ၵေႃႈတိတ်းၸပ်းတၢင်းပဵၼ်ၶူဝ်ႊဝိတ်ႉ တီႈတႃႈၶီႈလဵၵ်း

Must read

တီႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ တိတ်းၸပ်းလႅၼ်လိၼ်တႆး- ထႆးၼၼ်ႉ ၵူၼ်းတိတ်းၸပ်းတၢင်းပဵၼ်ၶူဝ်ႊဝိတ်ႉ 19  မီးထိုင် 1500 ပၢႆ  လူႉတၢႆမီး 10 ပၢႆ ၊ လုၵ်ႈဢွၼ်ႇလႅင်ယင်းပႆႇတဵမ် 10 ဝၼ်းၵေႃႈတိတ်းၸပ်းတၢင်းပဵၼ်။

photo credit dr kyawswar myint ‘s facebook – မေႃယႃတီႈႁူင်းယႃတႃႈၶီႈလဵၵ်း တိုၵ်ႉယူတ်းယႃပၼ်လုၵ်ႈဢွၼ်ႇလႅင်ဢၼ်တိတ်းၸပ်းတၢင်းပဵၼ်ၶူဝ်ႊဝိတ်ႉ 19

ဝၼ်းတီႈ 2/8/2021 ပူၼ်ႉမႃးၼႆႉတီႈႁူင်းယႃတႃႈၶီႈလဵၵ်းမီးလုၵ်ႈဢွၼ်ႇလႅင် ဢႃယု 8 ဝၼ်းၵေႃႈၼိုင်ႈ ဢႃယု 25 ဝၼ်းၵေႃႉၼိုင်ႈ တိတ်းၸပ်းၶူဝ်ႊဝိတ်ႉသေ ယူတ်းယႃတူဝ်ဝႆႉ။

- Subscription -

မေႃယႃလူင်တီႈႁူင်းယႃတႃႈၶီႈလဵၵ်း တႅမ်ႈတၢင်ႇဝႆႉတီႉၾဵတ်ႉသ်ပုၵ်ႉသုၼ်ႇတူဝ်မၼ်းဝႃႈ -“ၸိူဝ်ႉမႅင်းၶူဝ်ႊဝိတ်ႉ လုၵ်ႈဢွၼ်ႇလဵၵ်ႉတိတ်းၸပ်းတႄႉမၼ်းတေဢမ်ႇပေႃးပဵၼ်ႁႅင်း။ ၵူၺ်းၵႃႈ လုၵ်ႈဢွၼ်ႇလဵၵ်ႉ 2 ၵေႃႉၼႆႉသမ်ႉ မီးၾၢင်ႁၢင်ႈပွတ်ႇၵႂ်ႈဝႆႉလႄႈ လႆႈမႆႈၸႂ်ဢိတ်းဢိတ်း ” – ဝႃႈၼႆ။

လုၵ်ႈဢွၼ်ႇလႅင် ဢၼ်တိတ်းၸပ်းတၢင်းပဵၼ်ၶူဝ်ႊဝိတ်ႉ တီႈတႃႈၶီႈလဵၵ်းၼႆႉ  တင်းသွင်ၵေႃႉမီးၾၢင်ႁၢင်ႈႁိူဝ်ႉ၊ထူၺ်ႈၸႂ်ယၢပ်ႇလႄႈ ၸင်ႇဝႃႈလႆႈမႆႈၸႂ်။

တီႈဝဵင်းတႃႈၶီႈလဵၵ်းၼႆႉ မိူဝ်ႈတၢင်းပဵၼ်ၶူဝ်ႊဝိတ်ႉၶဝ်ႈ ႁွပ်ႈဢွၼ်တၢင်းၸိူဝ်းၼၼ်ႉၵေႃႈ မီးလုၵ်ႈဢွၼ်ႇ ဢၼ်တိတ်းၸပ်းၶူဝ်ႊဝိတ်ႉယူႇသေတႃႉ ဢမ်ႇထိုင်တီႈလႆႈသမ်းၶဵမ်လႄႈဢမ်ႇထိုင်တီႈလႆႈမႆႈၸႂ်မိူၼ်ၼႆ  – ၾၢႆႇပၢႆးယူႇလီတႃႈၶီႈလဵၵ်းၵေႃႉၼိုင်ႈလၢတ်ႈၼင်ႇၼႆ။

တၢင်းပဵၼ်ၽႄႈလၢမ်းမႃးပွၵ်ႈၵမ်းၼႆႉ တီႈဝဵင်းတႃႈၶီႈလဵၵ်းမီးၵူၼ်းတိတ်းၸပ်းတၢင်းပဵၼ်ၼမ်လိူဝ်ႁႅင်း ၊ မၢင်ႁိူၼ်းၵေႃႈ ၵူၼ်းႁိူၼ်းတိတ်းၸပ်းတင်းမုင်ႉႁေႃႁိူၼ်း ပႃးၸဵမ်လုၵ်ႈဢွၼ်ႇၵူၼ်းထဝ်ႈ၊ ထိုင်တီႈလႆႈယူႇႁိူၼ်းသေ ၵၵ်းတူဝ်ႁင်းၵူၺ်း။

ၾၢႆႇႁႄႉၵင်ႈတၢင်းပဵၼ်ၶူဝ်ႊဝိတ်ႉ ႁႂ်ႈဢွၼ်ၵၼ်ယူႇႁိူၼ်း၊ ပိၵ်ႉလၢၼ်ႉ၊ ပိၵ်ႉၵၢတ်ႇဝႃႈၼႆသေတႃႉ တီႈဝဵင်းတႃႈၶီႈလဵၵ်းၼႆႉမီးၵူၼ်းႁဵတ်းၵၢၼ်ႁႃၵိၼ်လဵင်ႉတွင်ႉဝၼ်းလႂ်ဝၼ်းၼၼ်ႉၵေႃႈၼမ်၊ ၵူၼ်းလုၵ်ႉတၢင်ႇတီႈသီႇလႅၼ်မႃးၵေႃႈၼမ်လႄႈ ဢမ်ႇၸၢင်ႈၵၵ်းတူဝ်ႁႄႉၵင်ႈလႆႈတဵမ်တီႈ။ ၵူၼ်းတိတ်းၸပ်းၵေႃႈတိုၵ်ႉပုင်ႈၶိုၼ်ႈယူႇၵူႈဝၼ်း။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း