Thursday, July 18, 2024

လူင်ပွင်ၸိုင်ႈၶႄႇသင်ႇၵိုတ်းၵၢၼ်ၶဝ်ႈဢွၵ်ႇၵၼ်ၼႂ်း ၼႃႈလိၼ်ၽွင်းငမ်းတူဝ်ၵဝ်ႇတႆးတႂ်ႈၶူင်း

Must read

လူင်ပွင်ၸိုင်ႈၶႄႇသင်ႇၵိုတ်းၵၢၼ်ၶဝ်ႈဢွၵ်ႇၵၼ်ၼႂ်း ၼႃႈလိၼ်ၽွင်းငမ်းတူဝ်ၵဝ်ႇတႆးတႂ်ႈၶူင်း တႃႇႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ။

Photo Credit to SCMP-ၵူတ်ႇထတ်းတၢင်းပဵၼ် ၵူၼ်းမိူင်းတီႈ ဝဵင်းမိူင်းမၢဝ်း

ၵူၼ်းတိတ်းၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 ၼႂ်းမူႇၸေႊ ၼမ်ႉၶမ်း လႄႈမိူင်းမၢဝ်း ၼမ်မႃးႁႅင်းသေဢမ်ႇၵႃး ၾၢႆႇတၢင်းၾင်ႇမိူင်းၶႄႇ၊ ၸွမ်းလႅၼ်လိၼ်ၵေႃႈၽႄႈလၢမ်းမႃးႁႅင်းလႄႈ လူင်ပွင်ၸိုင်ႈမိူင်းၶႄႇသင်ႇၵိုတ်းလွင်ႈၶဝ်ႈဢွၵ်ႇၵႂႃႇမႃးႁႃၵၼ် ၼႂ်းထုင်ႉတႂ်ႈၶူင်း တႄႇဢဝ် မိူဝ်ႈၼႆႉ ဝၼ်းတီႈ 7/7/2021 ယၢမ်းၵၢင်ၼႂ်ၼႆႉၵႂႃႇ ဝႃႈၼႆ။

- Subscription -

5 ၸႄႈဝဵင်း ဢိူင်ႇတႂ်ႈၶူင်း ၾင်ႇမိူင်းၶႄႇ မိူၼ်ၼင်ႇ မိူင်းမၢဝ်း၊ မိူင်းၶွၼ်၊ မိူင်းလႃႈ၊ မိူင်းတီး၊ မိူင်းဝၼ်း ၸိူဝ်းၼႆႉ ၶႄႇသင်ပိၵ်ႉဝႆႉၸူဝ်ႈၶၢဝ်း  ၼင်ႇႁိုဝ် တၢင်းပဵၼ်ပေႃးတေဢမ်ႇ ၽႄႈလၢမ်းႁၢဝ်ႈႁႅင်းၼၼ်ႉ ႁၢမ်ႈၵူၼ်းမိူင်းၶဝ်ႈဢွၵ်ႇၵႂႃႇမႃးႁႃၵၼ်  ဝႃႈၼႆ။

ၵူၼ်းမိူင်းပိုၼ်ႉတီႈ ၼႂ်းၸေႊၵဝ်ႇ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “ၼႂ်းၸေႊၵဝ်ႇၼႆႉ ၶိုၼ်းထႃႉႁႅင်းမႃးၶႃႈဢေႃႈ မိူဝ်ႈတႄႇပဵၼ်ၼၼ်ႉ ၵူတ်ႇထတ်းႁၼ်တီႈႁၢၼ်ႉၶၢႆ ၶူဝ်းၵုၼ်ႇႁၢၼ်ႉၼိုင်ႈ ။ တီႈၼၼ်ႈသမ်ႉၵူၼ်းၶဝ်ႈဢွၵ်ႇၼမ် ။တေႃႈလဵဝ် ၵူၼ်းတီႈႁၢၼ်ႉၼၼ်ႉ  ထုၵ်ႇႁွင်ႉၵုမ်းတူဝ်ဝႆႉမူတ်းယဝ်ႉ။    မိူဝ်ႈဝႃးၼႆႉၵူၺ်း တီႈၸေႊၵဝ်ႇၼႆႉ ၵူတ်ႇထတ်းႁၼ် ၵူၼ်းတိတ်းၸပ်းၸိူဝ်ႉ မႅင်းထႅင်ႈ ဢမ်ႇယွမ်း 20 ၵေႃႉ ”- ဝႃႈၼႆ။

လိူဝ်ၼၼ်ႉ တီႈၶူဝ်ဢၼ်ၵၢႆႇၸူးၵၼ် မိူင်းမၢဝ်း – ၸေႊၵဝ်ႇၼၼ်ႉၵေႃႈ တင်ႈတႄႇဝၼ်းတီႈ 3/7/2021 မႃး ထုၵ်ႇသင်ႇပိၵ်ႉဝႆႉ  ဢမ်ႇပၼ် ၵူၼ်းမိူင်း ၶၢမ်ႈၵႂႃႇမႃးၸူးၵၼ်  ။

“  ဝၢၼ်ႈၸေႊၵဝ်ႇၵေႃႈ ထုၵ်ႇႁွင်ႉၵုမ်း တူဝ်ဝႆႉတင်းဝၢၼ်ႈ။  ၸဵမ်လုၵ်ႈ ဢွၼ်ႇ ၵူၼ်းထဝ်ႈ ၵူၼ်းလူင် ၵူၼ်းၼုမ်ႇ ၸိူဝ်းၼႆႉ။  တၢင်းမိူင်းမၢဝ်း ၵေႃႈ မီးၵူၼ်းပဵၼ်ဝႆႉထႅင်ႈၼႆၶႃႈ ဢေႃႈ။ လႆႈငိၼ်းဝႃႈတႄႉ ယူႇတီႈ ၽူႈမီးပုၼ်ႈၽွၼ်းတၢင်းၾင်ႇမိူင်းၶႄႇၶဝ် တေၵူတ်ႇထတ်းထႅင်ႈ ၵမ်းၵေႃႉၵေႃႉ မိူၼ် မိူဝ်ႈပူၼ်ႉမႃးၼၼ်ႉၼႆၶႃႈ ၼႂ်းဢိူင်ႇတႂ်ႈၶူင်းတင်းမူတ်းၶႃႈယူဝ်ႉ ထၢင်ႇတႄႉ”- ၵူၼ်းပိုၼ်ႉတီႈ လႅၼ်လိၼ် တႆး- ၶႄႇ ၵေႃႉ ၼိုင်ႈ လၢတ်ႈၼႄၼင်ႇၼႆ။

ဢိူင်ႇတႂ်ႈၶူင်း တၢင်းၾင်ႇမိူင်းၶႄႇၼၼ်ႉ ပဵၼ်ပီႈၼွင်ႉတႆး ယူႇသဝ်း ဝႆႉၼမ် ။

မိူဝ်ႈဝၼ်းတီႈ 30/3/2021 ပူၼ်ႉမႃးၼၼ်ႉၵေႃႈ တၢင်းမိူင်းမၢဝ်း – ၸေးၵဝ်ႇၼၼ်ႉၾင်ႇမိူင်းၶႄႇ သင်ႇ Lockdown မႃးယဝ်ႉ ၵမ်ႈၼိုင်ႈ ၼင်ႇၵဝ်ႇ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း