Wednesday, June 19, 2024

ၸုမ်းဢူၺ်းလီ ပွတ်းႁွင်ႇတေ Lockdown ၵူႈမူႇဝၢၼ်ႈၼႂ်းထုင်ႉမိူင်းယေႃ

Must read

ဢိင်ၼိူဝ် လွင်ႈတၢင်းပဵၼ် ၶူဝ်ႊဝိတ်ႉ 19 ၽႄႈလၢမ်းႁၢဝ်ႈႁႅင်း ၼႂ်းၸႄႈဝဵင်းလႃႈသဵဝ်ႈၼႆႉသေ လုၵ်ႈၸုမ်း ၸုမ်းဢူၺ်းလီပွတ်းႁွင်ႇ Lockdown  ထုင်ႉမိူင်းယေႃ မႃးမီးၶၢဝ်းတၢင်း 10 ဝၼ်း ၵူၼ်းမိူင်းႁႃၵိၼ်ယၢပ်ႇၽိုတ်ႇ။

Photo Mongyaw- ၼႂ်းဝၢၼ်ႈတီႈၼိုင်ႈ တီႈမိူင်းယေႃ

တႄႇဢဝ် ဝၼ်းတီႈ 20 ထိုင် 30/6/2021  ၶၢဝ်း တၢင်း 10 ဝၼ်းၼႆႉ ၸုမ်းဢူၺ်းလီပွတ်းႁွင်ႇ မိူၼ်ၼင်ႇ သိုၵ်းၶၢင် KIA, သိုၵ်း တဢၢင်း TNLA လႄႈ သိုၵ်းၵူဝ်းၵၢင်ႇ MNDAA  သင်ႇပိၵ်ႉဢိုတ်းပႅတ်ႈ သဵၼ်ႈတၢင်းဢၼ်ၵၢႆႇၸူးၵၼ် မိူင်း ယေႃ – လႃႈသဵဝ်ႈ ႁၢမ်ႈၵူၼ်းမိူင်းၶဝ်ႈဢွၵ်ႇၵႂႃႇမႃးႁႃ ယွၼ်ႉတၢင်းပဵၼ်ၶူဝ်ႊဝိတ်ႉ 19 ၽႄႈလၢမ်းႁၢဝ်ႈႁႅင်း  ဝႃႈၼႆ။

- Subscription -

ၽူႈတူင်ႉၼိုင် ၼႂ်းတူင်ႇဝူင်းၵူၼ်း ၵေႃႉၼိုင်ႈ ၼႂ်းထုင်ႉမိူင်းယေႃ လၢတ်ႈတီႈၽူႈတွႆႇ ႁွၵ်ႈဝႃႈ – “ၸုမ်းဢူၺ်းလီၶဝ် Lockdown တီႈထုင်ႉမိူင်းယေႃႁဝ်းၶႃႈၼႆႉ မီးၶၢဝ်းတၢင်း 10 ဝၼ်းတဵမ် မိူဝ်ႈၼႆႉယဝ်ႉ။ ႁၢမ်ႈၵူၼ်းမိူင်းၶဝ်ႈဢွၵ်ႇၵႂႃႇမႃး ႁႃၵၼ် လႃႈသဵဝ်ႈ – မိူင်းယေႃ။ လႆႈငိၼ်းဝႃႈ ၼႂ်းၶၢဝ်းတၢင်း 2-3 ဝၼ်းတေမႃးၼႆႉ ၶဝ်တေပိၵ်ႉ Lockdown ထႅင်ႈၵူႈဝၢၼ်ႈ ၼႂ်းထုင်ႉမိူင်းယေႃ ဢၼ်ၵၢႆႇၸူးၵႂႃႇမႃးႁႃၵၼ်ၸိူဝ်းၼၼ်ႉ ၼႆၶႃႈဝႃႈ”- ဝႃႈၼႆ။

ယၢမ်းလဵဝ် ၼႂ်းထုင်ႉမိူင်းယေႃ ၾၢႆႇဢွၵ်ႇဝဵင်းလႃႈသဵဝ်ႈၼႆႉ ပဵၼ်ၸုမ်းဢူၺ်းလီပွတ်း ႁွင်ႇ လႄႈၸုမ်းပျီႇတူႉၸိတ်ႉ  တူင်ႉၼိုင်ယူႇသဝ်း။ သိုၵ်း TNLA သမ်ႉၵဵပ်းသိုၵ်း၊ သိုၵ်း KIA သမ်ႉ သင်ႇႁႂ်ႈၵၢင်ႉၵႄႇ လိုဝ်ႈၵၢၼ်သေ  ယူႇတီႈသိုၵ်းၵူဝ်းၵၢင်ႉMNDAA သမ်ႉယၢမ်းလဵဝ် ဢွၵ်ႇ လိၵ်ႈၸီႉသင်ႇ ႁၢမ်ႈၵူၼ်းမိူင်း ဢွၵ်ႇႁိူၼ်းၵႂႃႇမႃး ယၢမ်းၵၢင်ၶမ်ႈၵၢင်ၶိုၼ်း တႄႇဢဝ် 10 မူင်း ၵၢင်ၶိုၼ်း ထိုင် 4 မူင်းၵၢင်ၼႂ် ၼႆယဝ်ႉ။

ၼႂ်းလိူၼ်ၵျုၼ်ႊ 2021 ၼႆႉၵူၺ်း ၼႂ်းၸႄႈဝဵင်းလႃႈသဵဝ်ႈ ၵူတ်ႇထတ်းႁၼ် ၵူၼ်းတိတ်းၸပ်း ၸိူဝ်ႉမႅင်းၶူဝ်ႊဝိတ်ႉ 19 မီး 400  ပၢႆ  လူႉတၢႆ 8 ၵေႃႉ  ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း