သွင်ၽူဝ်မေးၽိတ်းမေႃးၵၼ်သေ ၵေႃႉပဵၼ်ၽူဝ် ပလိၵ်ႈ/ ယေး ၸၼ်ႉၸဝ်ႈႁၢၼ် ၵေႃႉၼိုင်ႈ တီႈလၢႆးၶႃႈ ၶိုၼ်းၶႃႈႁႅမ်တူဝ် ၸဝ်ႈၵဝ်ႇတၢႆ ဝႃႈၼႆ။

ဝၼ်းတီႈ 22/5/2021 ယၢမ်းၵၢင်ၶိုၼ်း မွၵ်ႈ 9 မူင်း မွင်ႇတၢၼ်ႉသိၼ်ႇ ဢႃယု 30 ပၢႆ တင်းမေးၼၢင်းမၼ်းလႆႈတွပ်ႇထဵင် ၽိတ်းမေႃး ၵၼ် တီႈဢွင်ႈႁိူၼ်းပလိၵ်ႈ(အိမ်ရာ) ဢၼ်မီးၼႂ်းဝၢင်းႁူင်းပလိၵ်ႈၸႄႈဝဵင်းလၢႆးၶႃႈၼၼ်ႉ  လၢၵ်ႈၵွင်ႈယိုဝ်းသႂ်ႇမေးၼၢင်းမၼ်းယဝ်ႉသေ မၼ်းၶိုၼ်းယိုဝ်းတူဝ်မၼ်းၸၢႆး  (ၶႃႈႁႅမ်တူဝ်ၵဝ်ႇတၢႆ) တီႈၼႂ်းႁိူၼ်းၼၼ်ႉ ၼႆယဝ်ႉ။

ၵူၼ်းမိူင်း လၢႆးၶႃႈ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “ၸႂ်ႈၶႃႈဢေႃႈ ၶဝ်ၽူဝ်မေးၽိတ်းမေႃးၵၼ် တေလႅပ်ႈ ပဵၼ်လွင်ႈပၼ်ႁႃ ၼႂ်းၼႃႈႁိူၼ်းယေးၶဝ်ႁိုဝ် ဢမ်ႇ ႁူႉ ၵေႃႉပဵၼ်ၽူဝ် ပလိၵ်ႈ/ ယေးၼၼ်ႉ ဢဝ်ၵွင်ႈယိုဝ်းမေးမၼ်း ယဝ်ႉ   ၶိုၼ်းမႃးယိုဝ်းတီႈၵၢင်းမၼ်းသေ လႆႈလူႉတၢႆၵႂႃႇတီႈၼႂ်းႁိူၼ်းမၼ်းၸၢႆး ဢၼ်မီးၼႂ်းဝၢင်းႁူင်းပလိၵ်ႈ ၼၼ်ႉ”- ဝႃႈၼႆ။

မေးပလိၵ်ႈ မွင်ႇတၢၼ်ႉသိၼ်ႇတႄႉမၢၵ်ႇၵွင်ႈတိူဝ်ႉတီႈဢူၵ်း ဢမ်ႇထိုင်တီႈတၢႆ ၊ လႆႈဢဝ်တူဝ်မၼ်းၼၢင်းသူင်ႇယူတ်းယႃ တူဝ်ဝႆႉတီႈႁူင်းယႃလွႆလႅမ်  ဝႃႈၼႆ။

 ပလိၵ်ႈမွင်ႇတၢၼ်ႉသိၼ်ႇတႄႉ  ပူၼ်ႉၶၢပ်ႈတူဝ် မိူဝ်ႈဝႃးဝၼ်းတီႈ 23 ၵႂႃႇ။ ၶႃသွင်ၵေႃႉ ၽူဝ်မေးၼႆႉမီးဝႆႉလုၵ်ႈဢွၼ်ႇ 2 ၵေႃႉ။