ၼမ်ႉလုပ်ႇၼွင်းထူမ်ႈ ၼႂ်းၸႄႈဝဵင်းၵျွၵ်ႉမႄး ႁၢဝ်ႈႁႅင်း

ၼမ်ႉႁူၺ်ႈၼမ်ႉပႃႇ လႆၼွင်းထူမ်ႈ ၼႂ်းဝဵင်းၵျွၵ်ႉမႄး ႁၢဝ်ႈႁႅင်း ယွၼ်ႉႁွင်ႈၼမ်ႉ တၼ်/ ၵႅပ်ႈ လႆဢမ်ႇၶိုတ်းတၼ်းသေ လူၼ်ႉၾင်ႇ လုပ်ႇထူမ်ႈ ၸွမ်းသဵၼ်ႈ တႃႈသၢႆတၢင်းလႄႈ ၼႂ်းႁိူၼ်းယေး တင်းၼမ်။

မိူဝ်ႈၼႆႉ ဝၼ်းတီႈ 19/5/2021 ယၢမ်းၵၢင်ၼႂ် မွၵ်ႈ 8 မူင်းၶိုင်ႈ ၼမ်ႉႁူၺ်ႈၼမ်ႉပႃႇ လႆၼွၼ်းထူမ်ႈ ၼႂ်းဝဵင်းၵျွၵ်ႉမႄး ၸိုင်ႈ တႆးပွတ်းႁွင်ႇ ။ ၶမ်ႈဝႃးဝၼ်းတီႈ 18  ၾူၼ်တူၵ်းႁၢဝ်ႈႁႅင်း တင်းၶိုၼ်းလႄႈၼႂ်ၼႆႉၼမ်ႉ လႆထူမ်ႈၸွမ်းၼႂ်းႁိူၼ်းယေး ၸွမ်းသဵၼ်ႈ တႃႈ သၢႆတၢင်း ၼႂ်းဝဵင်းၵျွၵ်ႉမႄး။

ၽူႈတူင်ႉၼိုင် ၼႂ်းတူင်ႇဝူင်းၵူၼ်း ၵျွၵ်ႉမႄး လၢတ်ႈတီႈၽူႈတွႆႇႁွၵ်ႈဝႃႈ – “ၾူၼ်ၼႆႉ မၼ်းတူၵ်းၸဵမ်မိူဝ်ႈၵၢင်ၶိုၼ်းမႃးၶႃႈ ယဝ်ႉ။ ၽိူဝ်ႇထိုင်မိူဝ်ႈၼႆႉ မွၵ်ႈ 8 မူင်းၶိုင်ႈၵေႃႈ ၼမ်ႉႁူၺ်ႈၼမ်ႉလွႆၼႆႉ လႆလူင်းမႃးႁႅင်းသေ လုပ်ႇထူမ်ႈမႃး။ တိုၵ်ႉႁႃယူပ်ႈ လူင်းၵႂႃႇ မိူဝ်ႈၵႆႈၼႆႉၵူၺ်း”- ဝႃႈၼႆ။

ထႅင်ႈၾၢႆႇၼိုင်ႈၵေႃႈ ယွၼ်ႉႁွင်ႈၼမ်ႉလႆ ၵႅပ်ႈ/တၼ်ၵေႃႈပႃးလႄႈ ၼမ်ႉဢမ်ႇလႆႈၶိုတ်းတၼ်းသေလူၼ်ႉၾင်ႇ ၼွင်းထူမ်ႈ ဝႃႈၼႆ။

“တႄႇၸဵမ်မိူဝ်ႈတင်ႈဝဵင်းမႃးၶႃႈယဝ်ႉ ႁွင်ႈၼမ်ႉၼႂ်းဝဵင်းၼႆႉ ဢမ်ႇမီးပၵ်းမီးပိူင်သင် ၽႂ်မေႃၸိူင်ႉႁိုဝ်ၵေႃႈ ႁဵတ်းၵႂႃႇၸိူင်ႉ ၼၼ်ၵူၺ်း။ ယွၼ်ႉၼၼ်လႄႈ မၢင်ပွၵ်ႉ မၢင်ၵိဝ်ႇ ယင်းဢမ်ႇမီးႁွင်ႈၼမ်ႉလႆ၊ မၢင်ၵိဝ်ႇမၢင်ပွၵ်ႈသမ်ႉ ႁွင်ႈၼမ်ႉတၼ် ၵႅပ်ႈ ၸိူဝ်းၼႆႉသေ ၼမ်ႉၼႆႉ ပေႃးလႆလူင်းမႃးၵေႃႈ ဢဝ်ထူမ်ႈ ၸိူင်ႉၼႆၵမ်းလဵဝ်ၶႃႈယဝ်ႉ”- ၵူၼ်း ပိုၼ်ႉတီႈ ၵျွၵ်ႉမႄး လၢတ်ႈၼႄ ၼင်ႇၼႆ။

ၾၢႆႇၼိုင်ႈ ၼႂ်းၸႄႈဝဵင်းၵျွၵ်ႉမႄး ၵူၼ်းယူႇ သဝ်းၵေႃႈ ၼမ်ၶိုၼ်ႈမႃး တင်းၼမ်သေ လွင်ႈ ပႅတ်ႈယုၵ်းယၢၵ်း ၸိူဝ်းၼႆႉၵေႃႈ မီးပၼ်ႁႃၼမ် ပႅတ်ႈလူင်းႁူၺ်ႈလူင်းႁွင်ႈ ၼႂ်းမႄႈၼမ်ႉၸိူဝ်းၼႆႉၵေႃႈ မီးတင်းၼမ် ၵူၼ်းပိုၼ်ႉတီႈ ၵျွၵ်ႉမႄးလၢတ်ႈ။

ၼမ်ႉထူမ်ႈမိူဝ်ႈၼႆႉ ၵူၼ်းမိူင်း လုၵ်ႈဢွၼ်ႇ ၵူၼ်းလူင်ၸူမ်းၵႂႃႇငူမ်းပႃၵၢင်တၢင်း လႆႈပႃမႃးတင်းၼမ် -ၵူၼ်းၵျွၵ်ႉမႄးၵေႃႉၼိုင်ႈလၢတ်ႈ။

မိူဝ်ႈပီ 2020 လိူၼ်ၵျုၼ်ႊၼၼ်ႉၵေႃႈ ၸွမ်းၶႅပ်ႇဝဵင်းၵျွၵ်ႉမႄး လၢႆလၢႆတီႈ ၾူၼ်တူၵ်းႁၢဝ်ႈႁႅင်းသေ ၼမ်ႉလုပ်ႇၼွင်းထူမ်ႈ ၸွမ်းၼႂ်းမူႇဝၢၼ်ႈ ႁၢဝ်ႈႁႅင်း ၸိူင်ႉၼႆၼင်ႇၵဝ်ႇ။