Thursday, March 28, 2024

ၸုမ်းသိုၵ်းယိုတ်းဢႃႇၼႃႇ တိုၵ်းသူၼ်းၵူၼ်းမိူင်း ဢဝ်ငိုၼ်းၵႂႃႇၾၢၵ်ႇတီႈယေးငိုၼ်း

Must read

ၶွင်ႇသီႇသိုၵ်းမၢၼ်ႈ ႁႂ်ႈၵူၼ်းမိူင်း ဢဝ်ငိုၼ်းၵႂႃႇၾၢၵ်ႇ တီႈယေးငိုၼ်း လူဝ်ၸႂ်ႉမိူဝ်ႈလႂ်ၵေႃႈ ႁႂ်ႈလႆႈ ထုၵ်ႈထွၼ် ဢဝ်ငိုၼ်းၶိုၼ်းငၢႆႈ  ဝႃႈၼႆ။

ဝၼ်းတီႈ 27/4/2021 ယူႇတီႈငဝ်ႈၸိုင်ႈယေးငိုၼ်း မိူင်းႁူမ်ႈတုမ် ဢၼ်ၶွင်ႇသီႇသိုၵ်းမၢၼ်ႈ ၵုမ်းၵႅဝ် ဝႆႉၼၼ်ႉ ပိုၼ်ၽၢဝ်ႇဢွၵ်ႇဝႃႈ တင်ႈတႄႇ ၼႂ်းဝၼ်းတီႈ 3/5/2021 ၼႆႉၵႂႃႇ ၽႂ်လႂ် ၵႂႃႇပိုတ်ႇသၢႆမၢႆမႂ်ႇသေ ဢဝ်ငိုၼ်းၸဝ်ႈၵဝ်ႇၵႂႃႇၾၢၵ်ႇတီႈယေးငိုၼ်း ၸိုင်လူဝ်ႇမိူဝ်ႈလႂ်ၵေႃႈ တေႁႂ်ႈလႆႈထုၵ်ႈ/ထွၼ်ဢဝ်ၶိုၼ်း ၵႃႈႁိုဝ်ၵေႃႈ ႁႂ်ႈလႆႈငၢႆႈငၢႆႈ ဝႃႈၼႆ။

- Subscription -

ၸဝ်ႈၵုၼ်ႇၵႃႉၶၢႆ တႃႈၶီႈလဵၵ်း ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “ၶဝ်ထၢင်ႇ ၵူၼ်းမိူင်းၼႆႉ ပဵၼ်လုၵ်ႈဢွၼ်ႇယူဝ်ႉၼေႃ။ သင်ဝႃႈ ၵႂႃႇပိုတ်ႇယေးငိုၼ်းမႂ်ႇၵေႃႈ ႁူႉၵႃႈတေလႆႈသႂ်ႇငိုၼ်းယဝ်ႉ။ ၶႃႈႁဝ်းတႄႉ ဢမ်ႇၵႂႃႇပိုတ်ႇၶႃႈ။ ၶဝ်ၶႂ်ႈလၢတ်ႈမႃး တၢၼ်ႇ လႂ်ၵေႃႈယဝ်ႉ ႁဝ်းၶႃႈ ဝူၼ်ႉပဵၼ်လွင်ႈသၢၼ်ၶတ်းၵူၺ်း။ ဢမ်ႇမီးလွင်ႈယုမ်ႇယမ်ၼိူဝ်ၶဝ်ၶႃႈ”-  ဝႃႈၼႆ။

တင်ႈတႄႇ သိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်းမႃး၊ ၶႃႈႁၢပ်ႇၵၢၼ်လူင်ပွင်ၸိုင်ႈ၊ ပႃးၸဵမ်ၶႃႈႁၢပ်ႇၵၢၼ် ၼႂ်းၶွမ်ႊပၼီႊ လုၵ်ႉၼႄၵၢင်ၸႂ်၊ တိုၼ်းဢမ်ႇၸွမ်းၶေႃႈၸီႉသင် CDM  သေ သၢၼ်ၶတ်း ၶွင်ႇသီႇသိုၵ်းယိုတ်းမိူင်း။ တေႃႇထိုင် ဝၼ်းမိူဝ်ႈ ၼႆႉ တိုၵ်ႉမီးၵူၼ်း ၵမ်ႈဢႄႇ ၵူၺ်းလူင်း ႁဵတ်းၵၢၼ်၊ ၵမ်ႈၼမ်တႄႉ ယင်းယုမ်ႇယမ်ဝႃႈ တေႁဵတ်း CDM ၵႂႃႇ တေႃႇ ၸုမ်းသိုၵ်းယိုတ်းမိူင်း ပေႃးပိၼ်ႈလူမ်ႉၵူၼ်ႇပင်း ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း