သိုၵ်းလႄႈပလိၵ်ႈဢဝ်ရူတ်ႉၵႃးလမ်းၽႃႇတမ်ၾုင်ၵူၼ်း ၶီႇရူတ်ႉၶိူင်ႈ ပၼ်ႇလဵပ်ႈဝဵင်း ၼႄၵၢင်ၸႂ် သၢၼ်ၶတ်းသိုၵ်းယိုတ်းဢႃႇၼႃႇ ၊ ၵူၼ်းမိူင်းၺႃးပိုတ်းယိုဝ်းတီႉၺွပ်းၵႂႃႇၸွမ်းလၢႆလၢႆၵေႃႉ။
Photo CJ- ၵူၼ်းမိူင်းတူၼ်ႈတီး ၶီႇရူတ်ႉၶိူင်ႈၼႄၵၢင်ၸႂ်သၢၼ်ၶတ်းသိုၵ်းယိုတ်းမိူင်း ၺႃးယိုဝ်း မၢတ်ႇၸဵပ်း 3 ၵေႃႉ 
Photo CJ- ၵူၼ်းမိူင်းတူၼ်ႈတီး ၶီႇရူတ်ႉၶိူင်ႈၼႄၵၢင်ၸႂ်သၢၼ်ၶတ်းသိုၵ်းယိုတ်းမိူင်း ၺႃးယိုဝ်း မၢတ်ႇၸဵပ်း 3 ၵေႃႉ
ဝၼ်းမိူဝ်ႈၼႆႉ ဝၼ်းတီႈ 14/3/2021 ယၢမ်းၵၢင်ဝၼ်းတဵင်ႈ ၵူၼ်းမိူင်းဝဵင်းတူၼ်ႈတီး ၶီႇလူတ်ႉ ၶိူင်ႈၼႄၵၢင်ၸႂ် သဵၼ်ႈတၢင်းႁွပ်ႈဝဵင်း။
ၽွင်းၵူၼ်းမိူင်းထိုင်တီႈပွၵ်ႉ မိင်ႇၵလႃႇဢူး ႁိမ်းႁုၼ်ႇႁၢင်ႈမႃ့ၼၼ်ႉ သိုၵ်းပလိၵ်ႈ ဢဝ်ၵႃးသိုၵ်းလမ်း ၽႃႇၾုင်ရူတ်ႉၶိူင်ႈသေ ဢမ်ႇၵႃး လိုပ်ႈလမ်းပိုတ်းယိုဝ်းပႃးထႅင်ႈလႄႈ ၵူၼ်းမိူင်းမၢတ်ႇၸဵပ်းမၢၵ်ႇၵွင်ႈ ရႃႊပႃႊ 3 ၵေႃႉ ။ ပဵၼ်ၽူႈၸၢႆးၼိုင်ႈၵေႃႉလႄႈ ၽူႈယိင်းသွင်ၵေႃႉ။ ဢၼ်ၺႃးတီႉၺွပ်းၵႂႃႇပႃးၸွမ်းမီး 7 ၵေႃႉ။ ရူတ်ႉၶိူင်ႈၵူၼ်းၼႄၵၢင်ၸႂ်ၵေႃႈ သိုၵ်းမၢၼ်ႈဢဝ်တၢင်ႇ ရူတ်ႉၵႃးၵႂႃႇပႃးၸွမ်း။
ဝဵင်းတူၼ်ႈတီးၼႆႉ ၸုမ်းၵူၼ်းၼုမ်ႇၼႄၵၢင်ၸႂ်သၢၼ်ၶတ်းသိုၵ်းယိုတ်းဢႃႇၼႃႇမီး 4-5 ၸုမ်း ၵူႈဝၼ်း။
ၺႃးသိုၵ်းပလိၵ်ႈလိုပ်ႈလမ်းပိုတ်းယိုဝ်းၵူႈဝၼ်းသေတႃႉ ၵူၼ်းမိူင်းဢမ်ႇထွႆထွၼ်။
ၶၢဝ်းၵၢင်ၶမ်ႈသမ်ႉ ၵူၼ်းမိူင်းပွၵ်ႉၽႂ်မၼ်း တႆႈတဵၼ်းယွၼ်းသူးပၼ် ၵူၼ်းၸိူဝ်းလုသုမ်းသၢႆၸႂ် ယွၼ်ႉသိုၵ်းမၢၼ်ႈပိုတ်းယိုဝ်းပေႃႉထုပ်ႉတီႉၺွပ်းၶႃႈႁႅမ် ယွၼ်ႉပၢင်ၼႄၵၢင်ၸႂ် ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ