Friday, March 29, 2024

ၵူၼ်းၼုမ်ႇ မူႇၸေႊ ၼႄၵၢင်သၢၼ်ၶတ်းသိုၵ်းမၢၼ်ႈၼၼ်ႉ ၺႃးတီႉဝႆႉတင်းမူတ်း 16 ၵေႃႉ

Must read

ၵူၼ်းၼုမ်ႇၼႄၵၢင်ၸႂ် တီႈမူႇၸေႊ ဢၼ်ထုၵ်ႇပလိၵ်ႈသိုၵ်းမၢၼ်ႈ တီႉၺွပ်းၵႂႃႇ မိူဝ်ႈဝႃး 13 ၵေႃႉၼၼ်ႉ ပလိၵ်ႈ ၶိုၼ်းပွႆႇတူဝ်ဢွၵ်ႇမႃး ၵမ်ႈၽွင်ႈ ၸိူဝ်းဢႃယု ပႆႇတဵမ် 18 ပီ။

Photo Credit to Muse youth- ပလိၵ်ႈလႄႈသိုၵ်းမႃးဢဝ်တီႈယူႇၼႂ်းၵၢင်ဝဵင်းမူႇၸေႊသေပႂ်ႉတီႉၺွပ်းၵူၼ်းၼႄၵၢင်ၸႂ် မိူဝ်ႈဝႃးဝၼ်းတီႈ 11/3/2021

မိူဝ်ႈဝႃး ဝၼ်းတီႈ 11/3/2021 ယၢမ်းၵၢင်ၶမ်ႈမွၵ်ႈ 7 မူင်းၶိုင်ႈ ပလိၵ်ႈ/ သိုၵ်းမၢၼ်ႈ တီႈၸႄႈဝဵင်းမူႇၸေႊ ၸိုင်ႈတႆး ပွတ်းႁွင်ႇ ၶိုၼ်းပွႆႇတူဝ်ဢွၵ်ႇမႃးပၼ် လုၵ်ႈဢွၼ်ႇ ဢႃယု 18 ပီ 3 ၵေႃႉလႄႈ မႄႈလုၵ်ႈဢွၼ်ႇ 1 ၵေႃႉ ႁူမ်ႈၵၼ် 4 ၵေႃႉ။ ၵိုတ်းဝႆႉထႅင်ႈ တႃႇ 9 ၵေႃႉ ၼၼ်ႉတႄႉ ပႆႇပွႆႇ  ။

- Subscription -

ၵူၼ်းၼုမ်ႇ မူႇၸေႊ ၽူႈၶဝ်ႈႁူမ်ႈ ၼႄၵၢင်ၸႂ် ၵေႃႉၼိုင်ႈ လၢတ်ႈဝႃႈ – “မိူဝ်ႈၶမ်ႈဝႃးၼႆႉ ယႄးပွႆႇတူဝ်ဢွၵ်ႇမႃးလုၵ်ႈဢွၼ်ႇ ၸၢႆးၼုမ်ႇ ဢႃယုပႆႇတဵမ် 18 ပီ   3 ၵေႃႉ၊ လႄႈတင်း မႄႈလုၵ်ႈဢွၼ်ႇ 1 ၵေႃႉ။ ၸိူဝ်းၵိုတ်းဝႆႉထႅင်ႈ 9 ၵေႃႉၼၼ်ႉ တႄႉ တိုၵ်ႉမီးၼႂ်းႁူင်းယႄးမူႇၸေႊဝႆႉ ။ လႆႈငိၼ်းဝႃႈ မိူဝ်ႈၼႆႉ ၶဝ်တေၵူတ်ႇထတ်းသေ တေပွႆႇပၼ်ၶိုၼ်းၵမ်ႈၽွင်ႈၼႆ။ ၵူၺ်းၵႃႈ လွင်ႈၼႆႉတႄႉ ပႆႇယိုၼ်ယၼ်လႆႈ။  လႆႈငိၼ်းဝႃႈယႄးၶဝ်ဢဝ်ၵႂႃႇၶင်ၶွၵ်ႈဝႆႉယဝ်ႉ” – ဝႃႈၼႆ။

ၵူၼ်းမိူင်းၼႄၵၢင်ၸႂ် ဢၼ်ၺႃးပလိၵ်ႈမူႇၸေႊတီႉၺွပ်းဝႆႉမီး 16 ၵေႃႉ၊   တီႈပၢင်ၼႄၵၢင်ၸႂ်ဝၼ်းတီႈ 8/3/2021 ၼၼ်ႉတီႉၺွပ်းလႆႈ 3 ၵေႃႉ ။  မိူဝ်ႈဝႃး ဝၼ်းတီႈ 11 သမ်ႉ ထုၵ်ႇတီႉထႅင်ႈ 13 ၵေႃႉ ႁူမ်ႈၵၼ် ပဵၼ် 16 ၵေႃႉ။ ၵူၺ်းၵႃႈ ပွႆႇတူဝ်ဢွၵ်ႇမႃးၶိုၼ်းမိူဝ်ႈဝႃး 4 ၵေႃႉ။ ၵိုတ်းၼႂ်းၶွၵ်ႈမူႇၸေႊဝႆႉ  12 ၵေႃႉ  ။  

တင်ႈတႄႇသိုၵ်းမၢၼ်ႈယိုတ်းဢႃႇၼႃႇမႃး ၵူၼ်းၼုမ်ႇမူႇၸေႊ ၼႄၵၢင်ၸႂ်သၢၼ်ၶတ်းမႃးၵူႈဝၼ်း ဢမ်ႇၵိုတ်း ဢမ်ႇလိုဝ်ႈ မီးၶၢဝ်းတၢင်းလိူၼ်ပၢႆယဝ်ႉ။ ၵူၼ်းမိူင်း/ ၵူၼ်းၼုမ်ႇ ၸိူဝ်းထုၵ်ႇတီႉၺွပ်း ယွၼ်ႉပၢင်ၼႄၵၢင်ၸႂ် တင်းဢၼ်လႆႈသဵၼ်ႈမၢႆလႄႈဢၼ်ဢမ်ႇလႆႈသဵၼ်ႈမၢႆ ႁူမ်ႈၵၼ်ဢမ်ႇယွမ်းမွၵ်ႈ 20 ၵေႃႉယဝ်ႉ ၵူၼ်းမူႇၸေႊလၢတ်ႈၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း