သြႃႇတၵႃႇလႄႈ ၵေႃလိၵ်ႈလၢႆးတႆး ထုင်ႉမိူင်းဝၼ်း ႁူမ်ႈၵၼ် ၸွႆႈထႅမ်ငိုၼ်းတွင်း၊ ၶိူင်ႈၵမ်ႉၸွႆႈ ႁိူၼ်းၵူၼ်းဝၢၼ်ႈ 2 လင် ဢၼ်ၺႃးၾႆးမႆႈ တီႈပွၵ်ႉယူဝ်းၵျီး ၸႄႈဝဵင်းမၢၼ်ႈမူဝ်ႈ ၸႄႈမိူင်းၶၢင် ။
ဝၼ်းတီႈ 27/2/2021 ယူႇတီႈသြႃႇတၵႃႇလႄႈ ၵေႃလိၵ်ႈလၢႆး ဢိၵ်ႇတင်း ပီႈၼွင်ႉၵူၼ်းမိူင်း ၼႂ်းဢိူင်ႇလွႆၸေႊ ထုင်ႉမိူင်း ဝၼ်း ႁူမ်ႈၵၼ်ၸွႆႈထႅမ် ၵူၼ်းထူပ်းၽေး ၾႆးမႆႈ တီႈမုင်ႉႁေႃႁိူၼ်း ၸၢႆးတၢၼ်းလူႇလႄႈ ၼၢင်းတိၼ်းဢေး ယဝ်ႉၵေႃႈ မုင်ႉ ႁေႃ ႁိူၼ်း တေႃႇၶိၼ်ႇဢူး တီႈပွၵ်ႉယူဝ်းၵျီး ၸႄႈဝဵင်းမၢၼ်ႈမူဝ်ႇ ၸႄႈမိူင်းၶၢင် ။
ၽူႈၸွႆႈထႅမ် တီႈထုင်ႉမိူင်းဝၼ်း ၵေႃႉၼိုင်ႈ လၢတ်ႈဝႃႈ – “မိူဝ်ႈဝၼ်းတီႈ 22 ပူၼ်ႉ မႃးၼႆႉ မီးၵူၼ်းႁၢႆႉ ၸုတ်ႇၽဝ်ႁိူၼ်းၵူၼ်း မိူင်း 2 လင် တီႈပွၵ်ႉယူဝ်းၵျီး ၼႂ်းၼၼ်ႉ ပႃးႁိူၼ်းပီႈၼွင်ႉတႆး လင်ၼိုင်ႈလႄႈ ႁိူၼ်းပီႈၼွင်ႉၶၢင် လင်ၼိုင်ႈ။ ဢၼ်ပဵၼ် ႁိူၼ်းပီႈၼွင်ႉတႆးႁဝ်းၶႃႈတႄႉ မီးၵူၼ်းႁိူၼ်း 5 ၵေႃႉ။ ဢမ်ႇတၼ်းလႆႈၶူဝ်းၸပ်းတူဝ် ဢမ်ႇတၼ်းလႆႈသင်ၶႃႈ”- ဝႃႈၼႆ။
လွင်ႈၼႆႉ ပီႈၼွင်ႉထုင်ႉမိူင်းဝၼ်း လႆႈႁူမ်ႈၵၼ် ၵမ်ႉၸွႆႈ ၸဵမ်ၶူဝ်းၼုင်ႈ တၢင်းမႆ၊ ၽႃႈၽႅၼ်ႇ ၶူဝ်း ၼွၼ်း၊ ၶိူင်ႈၸႂ်ႉ ၼႂ်းသိုင်ႇၾႆး၊ ပႃဢႅပ်ႇ လႄႈ ငိုၼ်းတွင်း ၸဵမ်ၸိူဝ်းၼႆႉ။ လႆႈၵမ်ႉၸွႆႈတီႈမုင်ႉႁေႃႁိူၼ်းပီႈၼွင်ႉၶၢင် တႃႇငိုၼ်း 250,000 ပျႃး၊ ႁိူၼ်းပီႈၼွင်ႉတႆး 290,000 ပျႃး လႆႈႁူႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ