Friday, March 29, 2024

ႁႅင်းၵၢၼ်ယၢၼ်မိူင်း 6 သႅၼ်ပၢႆ လူင်းသဵၼ်ႈၸိုဝ်ႈယိုၼ်ႈယွၼ်း ဝႂ်ၵပ်းတူဝ် ၵူၼ်းႁဵတ်းၵၢၼ်

Must read

လူင်ပွင်ၸိုင်ႈမိူင်းထႆး ပၼ်ၶႂၢင်ႉ ၵူၼ်းၸိူဝ်းႁႃႁဵတ်းၵၢၼ် ၼႂ်းမိူင်းထႆး လူင်းသဵၼ်ႈၸိုဝ်ႈတႃႇယွၼ်း ဝႂ်ၵပ်းတူဝ်ၵူၼ်းႁဵတ်းၵၢၼ် ပူၼ်ႉၶဵတ်ႇၶၢဝ်းယၢမ်းယဝ်ႉ၊ ၵူၼ်းယူႇမိူင်းႁိမ်းႁွမ်းထႆး ၶဝ်ႈႁဵတ်းၵၢၼ် ၼႂ်းမိူင်းထႆး ဢၼ်လူင်းသဵၼ်ႈၸိုဝ်ႈ ယွၼ်းပဵၼ်ၵူၼ်းႁဵတ်းၵၢၼ် မီးၵူၼ်း 6 သႅၼ်ပၢႆ -ဝႃႈၼႆ။

ႁႅင်းၵၢၼ်ယၢၼ်မိူင်းၼႂ်းမိူင်းထႆး

တႄႇဢဝ် ဝၼ်းတီႈ 15/1/2021 တေႃႇထိုင် ဝၼ်းတီႈ 13/2/2021 ၼႆႉ ယူႇတီႈလူင် ပွင်ၸိုင်ႈမိူင်းထႆး ႁွင်ႈၵၢၼ်ၾၢႆႇႁႅင်းၵၢၼ် ပၼ်ၶႂၢင်ႉ ႁႅင်းၵၢၼ်ယၢၼ်မိူင်း 3 ၸိုင်ႈမိူင်း – မိူင်းႁူမ်ႈတုမ်မၢၼ်ႈ၊ မိူင်းလၢဝ်းလႄႈ မိူင်းၵမ်ႇပူးၶျႃး ၶဝ် ၸိူဝ်းလၵ်ႉၶဝ်ႈ ႁဵတ်းၵၢၼ်ၼႂ်းမိူင်းထႆးဝႆႉယူႇၸိူဝ်းၼၼ်ႉ ႁႂ်ႈလႆႈလူင်းၸိုဝ်ႈ ယွၼ်းဝႂ်ႁဵတ်းၵၢၼ်ၼၼ်ႉ ပူၼ်ႉၶၢဝ်းယၢမ်းယဝ်ႉ။

- Subscription -

ၵူၼ်းႁဵတ်းၵၢၼ် ဢၼ်လူင်းၸိုဝ်ႈဝႆႉ ၼိူဝ်ဢွၼ်ႊလၢႆႊ တၢင်ႇယွၼ်းပဵၼ်ၵူၼ်းႁဵတ်းၵၢၼ်ဝႆႉ 654,864 ၵေႃႉ။ ၼႂ်းႁႅင်းၵၢၼ် 654,864 ၼႆႉ ဢၼ်မီးပေႃႈလဵင်ႉ(ၼၢႆးၸၢင်ႈ) မီး 596,502  ၵေႃႉ၊ ဢၼ်ဢမ်ႇမီးသမ်ႉ 58,362 ၵေႃႉ။

ၸၢႆးသူႊၶျၢတ်ႊ ၽွၼ်ႊၶျႆႊဝိသဵတ်ႊၵုလ်ႊ ၽူႈၵုမ်းၾၢႆႇႁႅင်းၵၢၼ် (อธิบดีกรมการจัดหางาน ) လၢတ်ႈဝႃႈ – “ႁႅင်းၵၢၼ်ၸိူဝ်းဢၼ် လူင်းသဵၼ်ႈၸိုဝ်ႈၼႆႉ တေလႆႈႁဵတ်းၵႂႃႇၸွမ်းၶၵ်ႉတွၼ်ႈဢၼ်ၾၢႆႇႁႅင်းၵၢၼ်တမ်းဝၢင်းဝႆႉ မိူၼ်ၼင်ႇ ၵူတ်ႇထတ်းတၢင်းပဵၼ် ၶူဝ်ႊဝိတ်ႉ 19 ၊ ႁဵတ်းသဵၼ်ႈမၢႆႁူဝ်ၵူၼ်း ทร ၊ ၵူတ်ႇထတ်းပၢႆးယူႇလီ 6 မဵဝ်းလႄႈ ယွၼ်းၶႂၢင်ႉႁဵတ်းဝႂ်ႁႅင်းၵၢၼ် ၸိူဝ်းၼႆႉ” -ဝႃႈၼႆ ။

မၢႆမီႈ ၸၢင်ႈၵူၼ်းႁဵတ်းၵၢၼ်ၼႂ်းမိူင်းထႆးၼႆႉ ပေႃးၸၢင်ႈ လုၵ်ႈလဵင်ႉ ၸိူဝ်းဢမ်ႇမီးဝတ်းဝႂ်ၸိုင် ပေႃႈလဵင်ႉ/မႄႈလဵင်ႉ/ (ၼၢႆးၸၢင်ႈ) တေၺႃးမႂ်ငိုၼ်း 10,000 – 100,000 ဝၢတ်ႇတေႃႇၵူၼ်းႁဵတ်းၵၢၼ်ၼိုင်ႈၵေႃႉ။ သင်ႁဵတ်းၽိတ်းယဝ်ႉ ႁဵတ်းၽိတ်းထႅင်ႈၼႆၸိုင် မီးတူတ်ႈတၢမ်ႇတူၵ်းၶွၵ်ႈဢမ်ႇပူၼ်ႉ1ပီ မႂ်ငိုၼ်း 50,000 – 200,000 ဝၢတ်ႇလႄႈ ႁႄႉႁၢမ်ႇဢမ်ႇပၼ်ၸၢင်ႈ ၵူၼ်းၵေႃႉၼၼ်ႉထႅင်ႈ ၶၢဝ်းတၢင်း 3 ပီ။

ႁႅင်းၵၢၼ်ယၢၼ်မိူင်းသမ်ႉ သင်ဢမ်ႇမီးဝႂ်ၶႂၢင်ႉႁဵတ်းၵၢၼ် ဢမ်ႇၼၼ် ႁဵတ်းၵၢၼ်ဢမ်ႇၸွမ်းဢၼ်တႅမ်ႈဝႆႉၼႂ်းဝႂ်ၸိုင် ၸၢင်ႈ ၺႃးတၢမ်ႇငိုၼ်း 5,000 – 50,000 ဝၢတ်ႇလႄႈ သူင်ႇပွၵ်ႈမိူင်းၽႂ်မၼ်း တီႈသိုဝ်ႇၶၢဝ်ႇ Chiang Mai News ၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း