ၽွင်းလူင်ၾၢႆႇၼွၵ်ႈမိူင်း မိူင်းဢိၼ်ႊတူဝ်ႊပိုၼ်ၽၢဝ်ႇယႃႉၶၢဝ်းတၢင်းမိူဝ်းမိူင်းမၢၼ်ႈ

0
538

ဝၼ်းတီႈ 25/2/2021 ၼႆႉၽွင်းလူင်ၾၢႆႇၼွၵ်ႈမိူင်း မိူင်းဢိၼ်ႊတူဝ်ႊၼီႊသျိူဝ်ႊ ၼၢင်းရတ်ႉၼူဝ်ႊမႃႊသူႊၻီႊ ဢၢၼ်းတေၵႂႃႇၼေႇပျီႇတေႃႇ တႃႇႁူပ်ႉထူပ်း ႁူဝ်ပဝ်ႈၶွင်ႊသီႊသိုၵ်း ဢၼ်ယိုတ်းဢႃႇၼႃႇၸိုင်ႈမိူင်းဝႆႉ။

Photo Credit to afghanistantimes – ၽွင်းလူင်ၾၢႆႇၼွၵ်ႈမိူင်း မိူင်းဢိၼ်ႊတူဝ်ႊၼီႊသျိူဝ်ႊ ၼၢင်းရတ်ႉၼူဝ်ႊမႃႊသူႊၻီႊ

ၾၢႆႇၼိုင်ႈၵေႃႈ ယွၼ်ႉပိူဝ်ႈမၼ်းၼၢင်း သူၼ်းၾႆးႁႂ်ႈမိူင်းဢႃႊသီႊယၼ်ႊ ၶဝ်ၵမ်ႉထႅမ်ပၼ်ၶေႃႈၵႂၢမ်းဢၼ်သိုၵ်းမၢၼ်ႈဝႃႈ တေၸတ်းပၢင်လိူၵ်ႈတင်ႈၶိုၼ်း ၼႆၼၼ်ႉလႄႈ ၵူၼ်းမိူင်းဢွၼ်ၵၼ်သၢၼ်ၶတ်း၊  မိူဝ်ႈဝႃးၼႆႉ ၵူၼ်းမိူင်းၵႂႃႇၼႄၵၢင်ၸႂ်ၼႃႈလုမ်းတၢင် ဢိၼ်ႊတူဝ်ႊ တီႈဝဵင်းတႃႈၵုင်ႈလႄႈ ထိုင်မႃးၼႂ်ၼႆႉ မၼ်းၼၢင်းပိုၼ်ၽၢဝ်ႇယႃႉၶၢဝ်းတၢင်းတေၵႂႃႇၼေႇပျီႇတေႃႇပႅတ်ႈ။

ၽွင်းၵူၼ်းမိူင်းၵႂႃႇၼႄၵၢင်ၸႂ်ၼၼ်ႉ ၽွင်းတၢင်ဢၼ်ၼင်ႈလုမ်းဢိၼ်ႊတူဝ်ႊတီႈတႃႈၵုင်ႈ ဢွၵ်ႇမႃးလၢတ်ႈဝႃႈ တေဝႆႉၼၵ်း ၶေႃႈၵၢင်ၸႂ်ၵူၼ်းမိူင်းႁူမ်ႈတုမ်ယူႇ – ဝႃႈၼႆ။

ၾၢႆႇၼိုင်ႈၵူၼ်းတင်းလုမ်ႈၾႃႉၵေႃႈတႅမ်ႈတၢင်ႇ ၼိူဝ်ဢွၼ်ႊလၢႆႊဝႃႈ ၶၢဝ်းၼႆႉ ၽွင်းလူင်ၾၢႆႇၼွၵ်ႈမိူင်း မိူင်းဢိၼ်ႊတူဝ်ႊၼီႊသျႃႊ ပႆႇထုၵ်ႇလီ မိူဝ်းမိူင်းမၢၼ်ႈ။ သင်ဝႃႈမၼ်းၼၢင်းမိူဝ်းၸိုင် လုမ်ႈၾႃႉတေႁၼ်ထိုင်ဝႃႈ မၼ်းၼၢင်းၵမ်ႉထႅမ်/ မၵ်းမၼ်ႈသိုၵ်းယိုတ်းဢႃႇၼႃႇ  – ၼႆလႄႈ မိူဝ်ႈၼႆႉ ဝၼ်းတီႈ 24/2/2021 ယၢမ်းၵၢင်ၼႂ်  ယူႇတီႈ ၽူႈၶၢၼ်ပၢၵ်ႇမၼ်းၼၢင်းႁဵတ်းပၢင်သပ်းၸႅင်ႈၶၢဝ်ႇ တီႈဝဵင်းလူင်ၵုင်းထဵပ်ႈ မိူင်းထႆး ဝႃႈ –  ၽွင်းလူင်ၾၢႆႇၼွၵ်ႈမိူင်းမိူင်းဢိၼ်ႊတူဝ်ႊ ပႆႇပဵၼ်မိူဝ်းမိူင်းမၢၼ်ႈၼႂ်းဝၼ်းတီႈ 25 မိူဝ်ႈၽုၵ်ႈၼႆႉ။ ယွၼ်ႉဝႃႈပႆႇၸႂ်ႈၶၢဝ်းယၢမ်းလီ တႃႇတေမိူဝ်း- ဝႃႈၼႆ။

ၵူၺ်းၵႃႈ မီးၶၢဝ်ႇၼိူဝ်ဢွၼ်ႊလၢႆႊ လိုဝ်းၵၼ်ဝႆႉဝႃႈ ၽွင်းလူင်ၾၢႆႇၼွၵ်ႈမိူင်း မိူင်းမၢၼ်ႈ ဢူးဝုၼ်ႇၼမွင်ႇလုၼ်ႇ လုၵ်ႉမိူင်းမၢၼ်ႈဢွၵ်ႇၵႂႃႇမိူင်းထႆး မိူဝ်ႈၼႆႉ ၵၢင်ၼႂ်ၸဝ်ႉၼႆလႄႈ တၢင်းၾၢႆႇသိုဝ်ႇၶၢဝ်ႇထႆး ၵေႃႈဢွၼ်ၵၼ်ပၵ်းတႃဝႆႉဝႃႈ ၶႃသွင်ၵေႃႉၸၢင်ႈမႃးလၵ်ႉႁူပ်ႉၵၼ်မိူင်းထႆး – ၼႆယူႇ။

Ref; BBC, DVB

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ