Friday, March 29, 2024

ၸုမ်းယိပ်းၵွင်ႈပႂ်ႉယိုဝ်းထႅဝ်ၵႃးတၢင်ႇၵူၼ်း ၼႂ်းၵႄႈ သႅၼ်ဝီ-ၵုၼ်လူင် ၵူၼ်းမိူင်းတၢႆ 6 ၵေႃႉ

Must read

ထႅဝ်ၵႃးတၢင်ႇၵူၼ်း ၺႃးၸုမ်းယိပ်းၵွင်ႈၸုမ်းၼိုင်ႈပႂ်ႉယိုဝ်းၼႂ်းၵႄႈ သႅၼ်ဝီ လႄႈၵုၼ်လူင် ၸိုင်ႈတႆးပွတ်းႁွင်ႇ ၵူၼ်းမိူင်းတၢႆ 6 ၵေႃႉ မၢတ်ႇၸဵပ်း 1 ၵေႃႉ ။ 

ၵူၼ်းဢၼ်ၺႃးယိုဝ်းမၢတ်ႇၸဵပ်းလႆႈသူင်ႇဝႆႉတီႈႁူင်းယႃ

မိူဝ်ႈၼႆႉဝၼ်းတီႈ 5/2/2020 ယၢမ်းၵၢင်ဝၢႆးဝၼ်းမွၵ်ႈ 2 မူင်း  မီးလွင်ႈပိုတ်းယိုဝ်းထႅဝ်ၵႃး ၼႂ်းၵႄႈဝၢၼ်ႈၼႃးတီးလႄႈဝၢၼ်ႈၼမ်ႉၸလၢပ်ႈ ၸႄႈဝဵင်းသႅၼ်ဝီ ၸိုင်ႈတႆးပွတ်းႁွင်ႇ ။ ၵူၼ်းမိူင်းမၢတ်ႇၸဵပ်းလူႉတၢႆၼမ် ပႃးၼၢင်းယိင်းၵေႃႉၼိုင်ႈ။

- Subscription -

ၵူၼ်းၼမ်ႉၸလၢပ်ႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ – “ဢၼ်လႆႈႁူႉတႅတ်ႈတေႃးတႄႉ  တၢႆ 6 ၵေႃႉ။ မီးတီႈႁွင်ႈယဵၼ် ႁူင်းယႃၼမ်ႉၸလၢပ်ႈ 4 ၵေႃႉ။ တီႈဝၢၼ်ႈၽႃသၢင် 1 ၵေႃႉလႄႈ ဢဝ်ၵႂႃႇ ႁူင်းယႃလႃႈသဵဝ်ႈ ၵေႃႉၼိုင်ႈ။ ၵူၼ်းမၢတ်ႇၸဵပ်းၼၼ်ႉတႄႉ ဢဝ်မိူဝ်းၵုၼ်လူင်ယဝ်ႉ။ ”- ဝႃႈၼႆ။

ၵႃးၵူၼ်းမိူင်းဢၼ်ၺႃးငွႆးယိုဝ်းမိူဝ်ႈၼႆႉ ၵႃးၵွႆလႅဝ်ၽႅဝ်ႉ 4 လမ်း ၵူၼ်းမၢတ်ႇၸဵပ်းၵေႃႈလႅပ်ႈတေလူႉတၢႆၼမ်လိူဝ်ၼႆႉထႅင်ႈ ၵူၼ်းမိူင်းသႅၼ်ဝီလၢတ်ႈ။

 ၵူၼ်းသႅၼ်ဝီတႄႉလၢတ်ႈဝႃႈ “ၸုမ်းယိပ်းၵွင်ႈၵၢင်ႇ ၸုမ်းၼိုင်ႈပႂ်ႉယိုဝ်း ထႅဝ်ၵႃးၵူၼ်းလူင် ၾၢႆႇၽွင်းငမ်းၼႃႈလိၼ်ၽွင်းငမ်းတူဝ်ၵဝ်ႇ ၵဝ်ႈၵၢင်ႉ။ ၼႂ်းထႅဝ်ၵႃးဢၼ်ၺႃးယိုဝ်းၼၼ်ႉ ၵူၼ်းလႅပ်ႈမၢတ်ႇၸဵပ်းတၢႆၼမ်လိူဝ်ၼႆႉ။ ၵူၺ်းၵႃႈၸုမ်းဢၼ်ယိုဝ်းၼၼ်ႉတႄႉပဵၼ်ၸုမ်းလႂ်ဢမ်ႇႁူႉ ” ဝႃႈၼႆ။

ၵူၼ်းဝၢၼ်ႈၼႃးတီးတႄႉလၢတ်ႈဝႃႈ “ပဵၼ်ထႅဝ်ရူတ်ႉၵႃးၸုမ်းလူင်ပွင်ၸိုင်ႈမၢၼ်ႈ ဢၼ်တေၶဝ်ႈၽွင်းငမ်းၼႂ်းၼႃႈလိၼ်ၽွင်းငမ်းတူဝ်ၵဝ်ႇၵဝ်ႈၵၢင်ႉ ။ ဢၼ်ငွႆးယိုဝ်းသမ်ႉလႅပ်ႈတေပဵၼ် တပ်ႉသိုၵ်းဢူၺ်းလီပွတ်းႁွင်ႇ ”- ဝႃႈၼႆ။

ၵူၺ်းၵႃႈလွင်ႈၼႆႉ ယူႇတီႈၽူႈတွႆႇႁွၵ်ႈ ပႆႇၸၢင်ႈယိုၼ်ယၼ်ပဵၼ်တၢင်းၵၢၼ်ဝႃႈပဵၼ်ၸုမ်းလႂ်တႄႉတႄႉ။

ၵူၼ်းဝၢၼ်ႈၼႃးတီးလၢတ်ႈဝႃႈ – “ပေႃးတူၺ်းငဝ်းလၢႆးတႄႉ လႅပ်ႈတေဢမ်ႇယဝ်ႉၶႃႈၼႆႉၵူၺ်း။ လႅပ်ႈတေသိုပ်ႇပဵၼ်ပၢင်တိုၵ်းယႂ်ႇလူင်မႃးထႅင်ႈယူႇ ”- ဝႃႈၼႆ။

လွင်ႈပိုတ်းယိုဝ်းထႅဝ်ၵႃးၼႆႉပဵၼ်ၾၢႆႇႁွင်ႇသႅၼ်ဝီမွၵ်ႈ 30 လၵ်း၊ ပိုၼ်ႈတီႈတီႈၼႆႈ မီးၸုမ်းယိပ်းၵွင်ႈၵၢင်ႇၸေးၸုမ်း ။

ဝၼ်းတီႈ 1/2/2021 ယၢမ်းၵၢင်ၼႂ် တပ်ႉသိုၵ်းမၢၼ်ႈယိုတ်းဢႃႇၼႃႇဝၢၼ်ႈမိူင်းသေ ၶွတ်ႇၽွတ်ႇၸုမ်းၽွင်းငမ်းဝၢၼ်ႈမိူင်းမႂ်ႇဝၼ်းၼၼ်ႉၵမ်းလဵဝ်။

  ၾၢႆႇၼိုင်ႈၵေႃႈ ယၢမ်းလဵဝ် ၾၢႆႇတပ်ႉသိုၵ်းမၢၼ်ႈလႄႈ ၸုမ်းဢူၺ်းလီပွတ်းႁွင်ႇၶဝ်ၼႆႉပိုၼ်ၽၢဝ်ႇၵိုတ်းတိုၵ်းဝႆႉႁၢင်းၽႂ်မၼ်း။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း