SSPP ၸတ်းႁဵတ်းပၢင်ၵုမ်ႁူဝ်ႁုပ်ႈပီ တီႈငဝ်ႈငုၼ်းဝၢၼ်ႈႁႆး တႅပ်းတတ်းၽႅၼ်ၵၢၼ်တေႁဵတ်းသၢင်ႈလွင်ႈ ၵေႃႇသၢင်ႈလွင်ႈၽွမ်ႉႁူမ်ႈၸိူဝ်ႉၸၢတ်ႈၸၢဝ်းၶိူဝ်းၼႂ်းမိူင်းတႆး လႄႈ ၵေႃႇသၢင်ႈမိူင်းႁူမ်ႈတုမ် ၾႅတ်ႊၻရႄႊၸႅတ်ႈၸၢင်ႇ။
ဝၼ်းတီႈ 31/1/2021 ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်းၸိုင်ႈတႆး SSPP/SSA ဢွၵ်ႇလိၵ်ႈပိုၼ်ၽၢဝ်ႇ ဢၼ်လႆႈတႅပ်းတတ်းလႆႈၸႂ်ၵၼ်ၼႂ်းပၢင်ၵုမ်လူင်ႁူဝ်ႁုပ်ႈပီ ။ ၶေႃႈပိုၼ်ၽၢဝ်ႇပႃးဝႆႉ ၽႅၼ်ၵၢၼ် မိူဝ်းၼႃႈ 4 ၶေႃႈ။
“SSPP တေၵေႃႇသၢင်ႈလွင်ႈၽွမ်ႉ ႁူမ်ႈၸိူဝ်ႉၸၢတ်ႈၸၢဝ်းၶိူဝ်း ၼႂ်းၸိုင်ႈ တႆး၊ လွင်ႈၽွမ်ႉႁူမ်ႈၵူႈၸိူဝ်ႉၸၢတ်ႈၸၢဝ်းၶိူဝ်း ၼႂ်းမိူင်းႁူမ်ႈတုမ်သေ ၵေႃႇသၢင်ႈမိူင်းႁူမ်ႈတုမ်ၾႅတ်ႊၻရႄႊၸႅတ်ႈၸၢင်ႇ၊ ဢၼ်မီး လွင်ႈၽဵင်ႇပဵင်းလႄႈ သုၼ်ႇလႆႈၸတ်းပွင်ႁင်းၶေႃၵႂႃႇ။ တေၶတ်းၸႂ် ႁူမ်ႈႁွမ်းတင်းၵူႈမူႇၵူႈၸုမ်းသေ ၵေႃႇသၢင်ႈလွင်ႈငမ်းယဵၼ်ၵႂႃႇ။ တေႁူမ်ႈၵၼ်တင်းၵူႈမူႇၵူႈၸုမ်းသေ ၽဵဝ်ႈမူၺ်ႉယႃႈမဝ်းၵမ် ၵႂႃႇ။ တေႁဵတ်းလွင်ႈႁုၼ်ႈမုၼ်းမႂ်ႇသုင်ၼႂ်းပိုၼ်ႉတီႈၵႂႃႇ ” – ၸဵမ်ၸိူဝ်းၼႆႉ။
ပၢင်ၵုမ်ႁူဝ်ႁုပ်ႈပီ SSPP/SSA ၸတ်းႁဵတ်းဝၼ်းတီႈ 23/1/2021 ထိုင် 31/1/2021 တီႈငဝ်ႈငုၼ်းဝၢၼ်ႈႁႆး။ ၽူႈၼမ်းၼႃႈလူင် ၸွမ်သိုၵ်းလူင်သိူဝ်ထႅၼ်ႈလႄ ႁူဝ်ပဝ်ႈလူင်ၸွမ်သိုၵ်းလူင်ပၢင်ႇၾႃႉ ၵေႃႈၶဝ်ႈႁူမ်ႈ။ ၶွမ်ႊမတီႊငဝ်ႈငုၼ်းဢိၵ်ႇၽူႈမီးၸၼ်ႉၽူႈမီးပုၼ်ႈၽွၼ်းၶဝ်ႈႁူမ်ႈတင်းမူတ်း 43 ၵေႃႉ- လႆႈႁူႉၸွမ်းၶေႃႈပိုၼ်ၽၢဝ်ႇၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ