ၵူၼ်းၼုမ်ႇသွင်ၵေႃႉ ဢဝ်ယႃႈမႃႉ 9 မိုၼ်ႇမဵတ်ႉသိူင်ႇမႃးၼႂ်းရူတ်ႉၶိူင်ႈၶီႇလတ်းၵၢင်ဝဵင်းသႅၼ်ဝီ ၺႃးၸဝ်ႈၼႃႈတီႈ ပလိၵ်ႈတီႉၺွပ်း ။
ဝၼ်းတီႈ 25/1/2021 ပလိၵ်ႈ ၵူတ်ႇထတ်းႁၼ်ယႃႈမႃႉ 9 မိုၼ်ႇမဵတ်ႉ ၼႂ်းရူတ်ႉၶိူင်း မွင်ႇထွႆႉဢွင်ႇ (ထွယ်အောင်) ဢႃယု 27 ပီ တင်း ၵွမ်ႊသၼ်ႇဢွင်ႇ (ဂွမ်ဆန်အောင်) ဢႃယု 26 ပီ ၼႂ်းၵႄႈသဵၼ်ႈတၢင်းလူင် သႅၼ်ဝီ – လႃႈသဵဝ်ႈ ၼႂ်းၸႄႈဝဵင်းသႅၼ်ဝီ ၸိုင်ႈတႆးပွတ်းႁွင်ႇ ။
“ၶဝ်သွင်ၵေႃႉၼႆႉ ဢဝ်ယႃႈမႃႉ 9 မိုၼ်ႇမဵတ်ႉ ႁေႃႇသေသႂ်ႇမႃးတႂ်ႈတီႈၼင်ႈရူတ်ႉၶိူင်ႈ ။ ပလိၵ်ႈၾၢႆႇၵူတ်ႇထတ်းယႃႈမဝ်းၵမ်ႁႄႉၵူတ်ႇထတ်းထူပ်းႁၼ်တီႉလႆႈ။ ယႃႈမႃႉတူၵ်းမႅၼ်ႈၵႃႈၶၼ်ငိုၼ်းတႃႇ 900 သႅၼ်ပျႃးပၢႆ။ လိူဝ်ၼၼ်ႉတီႉလႆႈပႃး ၾူၼ်းထႅင်ႈ 2 လုၵ်ႈ”- ဝႃႈၼႆ။
ယၢမ်းလဵဝ် မွင်ႇထွႆႉဢွင်ႇတင်း ၵွမ်ႊသၼ်ႇဢွင်ႇ ၼႆႉ ပလိၵ်ႈသူင်ႇတူဝ်ၵုမ်းၶင်ဝႆႉတီႈ ႁူင်းပလိၵ်ႈၸႄႈဝဵင်းသႅၼ်ဝီ ဝႆႉလႆႈႁူႉၼင်ႇၼႆ။