Wednesday, July 17, 2024

မေႃယႃတူၼ်ႈတီး ၵႂႃႇၸွႆႈတီႈတႃႇၵုင်ႈၼၼ်ႉ ၵူတ်ႇထတ်းႁၼ် ၶူဝ်ႊဝိတ်ႉ 19 တႃႇ 6 ၵေႃႉ

Must read

မေႃယႃ  တီႈႁူင်းယႃၸဝ်ႈၸၢမ်ႇထုၼ်း  ဝဵင်းတူၼ်ႈတီးၸုမ်းၼိုင်ႈ လူင်းၵႂႃႇတႃႈၵုင်ႈ တႃႇၸွႆႈလွင်ႈႁႄႉၵင်ႈယူတ်းယႃ ၶူဝ်ႊဝိတ်ႉ19၊ ၽွင်းတိုၵ်ႉထိုင်တႃႈၵုင်ႈၼၼ်ႉၺႃးၵူတ်ႇထတ်း ထူပ်းႁၼ်ၸိူဝ်ႉမႅင်းၶူဝ်ႊဝိတ်ႉ-19 တႃႇ 6 ၵေႃႉ ၸွမ်းသွပ်ႇထၢမ်ၵူၼ်းလႆႈႁူပ်ႉထူပ်းယူႇၸမ် မီး 100 ပၢႆ ဝႃႈၼႆ။  

  

- Subscription -
ၾၢႆႇပၢႆးယူႇလီၵူတ်ႇထတ်းၶူဝ်ႊဝိတ်ႉ တီႈဝဵင်းတႃႈၵုင်ႈ

ဝၼ်းတီႈ 4/12/2020 ယၢမ်းၵၢင်ၼႂ် မေႃယႃၸုမ်းၼိုင်ႉၸိူဝ်းလုၵ်ႉတီႈႁူင်းယႃၸဝ်ႈၸၢမ်ႇထုၼ်း ၸႄႈဝဵင်းတူၼ်ႈတီး ၸိုင်ႈတႆး ပွတ်းၸၢၼ်းသေ ဢၢၼ်းၵႂႃႇၸွႆႈလွင်ႈၵၢၼ်ၵႅတ်ႇၶႄႁႄႉၵင်ႈ တၢင်းပဵၼ်ၶူဝ်ႊဝိတ်ႉ 19 တီႈတႃႈၵုင်ႈ။   ၽွင်းထိုင်တီႈတႃႈၵုင်ႈၼၼ်ႉၺႃးၵူတ်ႇထတ်းၼမ်ႉမုၵ်ႈလႄႈ ထူပ်းႁၼ်တိတ်းၸပ်းၶူဝ်ႊဝိတ်ႉ  19 ဝႆႉ။

Dr. ဝေႇဝေႇမုၼ်ႇ မေႃယႃတီႈႁူင်းယႃၸဝ်ႈၸၢမ်ႇထုၼ်း လၢတ်ႈတီႈၽူႈတွႆႇႁွၵ်ႈဝႃႈ – “ၼႃႈၶဝ်တေလူင်းၵႂႃႇၼၼ်ႉ ဢၼ်ၶဝ်လႆႈႁူပ်ႉထူပ်းယူႇၸမ် တီႈႁူင်းယႃ ၸဝ်ႈၸၢမ်ႇထုၼ်းၼႆႉ ႁိမ်းႁွမ်းတီႈၼႆႉ တေမီးမွၵ်ႈ 100 ။ ယဝ်ႉၵေႃႈ ဢၼ်လႆႈသိုပ်ႇႁူပ်ႉထူပ်းယူႇၸမ်ၵၼ်တေႃႇၵၼ်ၵႂႃႇထႅင်ႈၼႆတင်းမူတ်းတေမီးမွၵ်ႈ 120 ၼႆႉၶႃႈ  ”- ဝႃႈၼႆ။

မေႃယႃ ၵူၼ်းၸွႆႈမေႃယႃ ၵူၼ်းႁဵတ်းၵၢၼ် တီႈႁူင်းယႃၸဝ်ႈၸၢမ်ႇထုၼ်းတီႈတူၼ်ႈတီးမွၵ်ႈ 120 ၵေႃႉၼၼ်ႉ ယၢမ်းလဵဝ် လႆႈသူင်ႇၵူတ်ႇ ထတ်း PCR ဝႆႉ ။   ပေႃးဝၼ်းတီႈ 9 မႃး ၸင်ႇတေႁူႉၵႂၢမ်းတွပ်ႇဝႃႈ တိတ်းၸပ်းဢမ်ႇတိတ်းၸပ်း ၸိူဝ်ႉမႅင်း ဝႃႈၼႆ။

တင်ႈတႄႇတၢင်းပဵၼ်ၶူဝ်ႊဝိတ်ႉ 19 တႄႇလၢမ်းၽႄႈၶဝ်ႈမႃးမိူင်းတႆး လိူၼ်ဢေႊပရိူဝ်ႊမႃးတေႃႇယၢမ်းလဵဝ် ၼႂ်းမိူင်းတႆးပွတ်းၸၢၼ်းၼႆႉ ၵူၼ်းတိတ်းၸပ်းတၢင်းပဵၼ်ၶူဝ်ႊဝိတ်ႉ-19 မီး  391 ၵေႃႉ။

တီႈႁူင်းယႃ ၸဝ်ႈၸၢမ်ႇထုၼ်း ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 ဢၼ်ယူတ်းယႃတူဝ်ဝႆႉယၢမ်းလဵဝ်မီး 36 ၵေႃႉ။  

ယၢမ်းလဵဝ် ၼႂ်းမိူင်းႁူမ်ႈတုမ် ပတ်းပိုၼ်ႉ ၵူၼ်းတိတ်း ၸိူဝ်ႉမႅင်းၶူဝ်ႊဝိတ်ႉ 19 တင်းမူတ်းမီးၵႂႃႇ 100,431 ၵေႃႉ၊ လူႉတၢႆ 2,132 ၵေႃႉ၊ ယူတ်းယႃ 19,059 ၵေႃႉ၊ ယႃၶႅၼ်း 79,240 ၵေႃႉ ယူႇတီႈႁွင်ႈၵၢၼ်ၾၢႆႇပၢႆးယူႇလီလႄႈ လဵၼ်ႈႁႅင်း ဢွၵ်ႇဝႆႉ ၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း