ၸႄႈဝဵင်းမွၵ်ႇမႆႇ ၸိုင်ႈတႆးပွတ်းၸၢၼ်း ပႃႇတီႇႁူဝ်သိူဝ် SNLD ပေႉ 1 တီႈၼင်ႈ သၢင်ႇသီႈ USDP ပေႉ 3 တီႈၼင်ႈ ဢၼ် လႆႈႁပ်ႉႁူႉသဵၼ်ႈမၢႆဝႆႉ ထိုင်ယၢမ်းလဵဝ် ယူႇတီႈၶွမ်ႊမသျိၼ်ႊၵေႃၵမ်ၵၢၼ်လိူၵ်ႈတင်ႈ ပႆႇပိုၼ်ၽၢဝ်ႇဢွၵ်ႇပဵၼ်တၢင်းၵၢၼ် ဝႃႈၼႆ။
ပၢင်လိူၵ်ႈတင်ႈပတ်းပိုၼ်ႉၸိုင်ႈမိူင်း ဝၼ်းတီႈ 8/11/2020 ၼၼ်ႉ တီႈဝဵင်းမွၵ်ႇမႆႇ ပႃႇတီႇႁူဝ် သိူဝ် SNLD ပေႉ 1 တီႈၼင်ႈ ၽူႈတႅၼ်းသၽႃး ၸႄႈမိူင်းမၢႆ (1) ။ လိူဝ်ၼၼ်ႉ ပႃႇတီႇသၢင်ႇသီႈ USDP ပေႉ 3 တီႈ ၼင်ႈ ၽူႈတႅၼ်းၸိူဝ်ႉၸၢတ်ႈ ၼိုင်ႈတီႈ၊ ၵူၼ်းမိူင်း ၼိုင်ႈတီႈလႄႈ ၸႄႈမိူင်းမၢႆ (2) ၼိုင်ႈတီႈ ။
ဢၼ်ပေႉတီႈမွၵ်ႇမႆႇၼႆႉပဵၼ် ၼၢင်းၽူၺ်းႁွမ်ဢူး ၽူႈတႅၼ်းသၽႃးၸႄႈမိူင်းမၢႆ (1) ပႃႇတီႇႁူဝ်သိူဝ် SNLD ။ ၶုၼ်ႇႁၢၼ်ႇတဵင်းဢူး ၽူႈတႅၼ်းသၽႃး ၸႄႈမိူင်းမၢႆ (2) ပႃႇတီႇသၢင်ႇသီႈ USDP ၊ ၸၢႆးငဝ်းသႅင်းႁိူင်း ၽူႈတႅၼ်းသၽႃးၵူၼ်းမိူင်း ပႃႇတီႇသၢင်ႇသီႈ USDP လႄႈ ၸၢႆးသႃႇလူႇ ၽူႈတႅၼ်းသၽႃး ၸိူဝ်ႉၸၢတ်ႈ ပႃႇတီႇသၢင်ႇသီႈ USDP ၸိူဝ်းၼႆႉ။
