ၵူၼ်းမိူင်းမီးသုၼ်ႇတွတ်ႈၶႅပ်းၵၢင်ၸႂ် တီႈဢိူင်ႇၼွင်လႅင် ဝဵင်းပၢင်လူင် ၸႄႈဝဵင်းလွႆလႅမ် ၸိုင်ႈတႆးပွတ်းၸၢၼ်း တင်းမူတ်း မီး 5 ႁဵင်ပၢႆ ဢၼ်မႃးတွတ်ႈသမ်ႉ မီး 2,400 ပၢႆၵူၺ်း လူတ်းယွမ်းလူင်းၶိုင်ႈပၢႆ ၼႆယဝ်ႉ။
ၸၢႆးဢွင်ႇၶမ်း ၽူႈၵွၼ်းဢိူင်ႇၼွင်လႅင် လၢတ်ႈဝႃႈ – “ႁူဝ်ၵူၼ်းဢၼ်လူတ်းယွမ်းၵႂႃႇ ၶိုင်ႈပၢႆၼၼ်ႉ ၵမ်ႈပႃႈၼမ် တေၶမ်ယူႇ ဝႆႉတီႈမိူင်းထႆး ဢမ်ႇၸၢင်ႈမႃးတွတ်ႈၵၼ်” – ဝႃႈၼႆ။
ၵူၼ်းမိူင်းဢၼ်မႃးတွတ်ႈၶႅပ်းၵၢင်ၸႂ် မိူဝ်ႈၼႆႉ တီႈဢိူင်ႇၼွင်လႅင် တင်းမူတ်းမီး 2,039 ၵေႃႉ၊ ၶႅပ်းၵၢင်ၸႂ်လူင်ႈၼႃႈသမ်ႉ မီး 428 ၵေႃႉ တင်းမူတ်းႁူမ်ႈၵၼ် 2,467 ၵေႃႉ။ ႁူင်းတွတ်ႈၶႅပ်းၵၢင်ၸႂ်သမ်ႉ မီး 4 ႁူင်း ၼႆယဝ်ႉ။