Thursday, May 23, 2024

ၾူၼ်တူၵ်းႁႅင်း ၼမ်ႉႁူၺ်ႈၼမ်ႉလွႆၼွင်းၶဝ်ႈဝၢၼ်ႈ တီႈဝဵင်းမိူင်းပၼ်ႇ

Must read

ၾူၼ်တူၵ်းႁႅင်းလႄႈ ၼမ်ႉလွႆၼွင်းၶဝ်ႈဝၢၼ်ႈ ထူမ်ႈႁိူၼ်းယေး ၊ ဝူဝ်းၵႂၢႆးလွင်ႈၸွမ်းၼမ်ႉ တီႈဝၢၼ်ႈမိူင်းႁွင်း ၼႂ်းဢိူင်ႇၼမ်ႉတိုင်း  ၸႄႈဝဵင်းမိူင်းပၼ်ႇ လုသုမ်းၼမ် ဝူဝ်းၵႂၢႆးလွင်ႈၸွမ်းၼမ်ႉ။

Photo IPRD Mongpan: ၼမ်ႉႁူၺ်ႈၼမ်ႉလွႆၼွင်းလူၼ်ႉၼမ်ႉႁွင်ႈမိူင်းႁွင်း ၶဝ်ႈထူမ်ႈဝၢၼ်ႈမိူင်းႁွင်း ဝဵင်းမိူင်းပၼ်ႇ

မိူဝ်ႈဝႃးဝၼ်းတီႈ 5/10/2020 ယၢမ်းၵၢင်ၶမ်ႈ ၾူၼ်လူမ်းၽတ်ႉပဝ်ႇတူၵ်းႁႅင်းလႄႈ ၼမ်ႉႁူၺ်ႈၼမ်ႉလွႆ ၼွင်း ၼမ်ႉႁွင်ႈမိူင်းႁွင်းလူၼ်ႉၾင်ႇ ထူမ်ႈႁိူၼ်းယေးၵူၼ်းဝၢၼ်ႈမိူင်းႁွင်း လုသုမ်းဢမ်ႇယွမ်း 10 လင်။

- Subscription -

ၵူၼ်းမိူင်းပၼ်ႇ ၵေႃႉၼိုင်ႈလၢတ်ႈဝႃႈ – “မၼ်းပဵၼ်ၼမ်ႉႁွင်ႈၵူၺ်း။ ပေႃးၼမ်ႉလွႆလႆလူင်း ၼမ်ႉၵိုင်ႉၵၢင်ႉလူၼ်ႉႁွင်ႈသေထူမ်ႈႁိူၼ်းၶႃႈဢေႃႈ။  ပွၵ်ႈၼႆႉလႆႈဝႃႈၼွင်းႁႅင်းဢေႃႈ။ မီးတုမ်မႆႉ တူၼ်ႈမႆႉလွင်ႈမႃးၸွမ်း။ ၼႂ်ၼႆႉတႄႉ ၼမ်ႉယွမ်းယဝ်ႉၼင်ႇၵဝ်ႇ။ ဝူဝ်းၵႂၢႆးတႄႉတၼ်းလွင်ႈလၢႆတူဝ်ယူႇၼႆဢေႃႈ။ ”- ဝႃႈၼႆ။

Photo IPRD Mongpan: ၼမ်ႉႁူၺ်ႈၼမ်ႉလွႆၼွင်းလူၼ်ႉၼမ်ႉႁွင်ႈမိူင်းႁွင်း ၶူဝ်မိူင်းႁွင်းလုၵွႆၽွင်ႈ

ၼမ်ႉမွင်းႁွင်းလူၼ်ႉၾင်ႇပွၵ်ႈၼႆႉႁဵတ်းႁႂ်ႈၶူဝ်ၼမ်ႉႁွင်းၵွႆၽွင်ႈ၊ သဵၼ်ႈတၢင်းၵွႆ ၊ ၼမ်ႉၶဝ်ႈႁိူၼ်းလႄႈဢမ်ႇတၼ်းလႆႈၶၢႆႉၶူဝ်းၶွင်ႁိူၼ်းယေးသင်လႄႈ ၼမ်ႉထူမ်ႈလုသုမ်း။

ဝၢၼ်ႈမွင်းႁွင်းၼႆႉမီးၼႂ်းၵႄႈဝၢၼ်ႈၵုင်းၵၢတ်ႇလႄႈဝၢၼ်ႈၼႃးလေႃး မီးၾၢႆႇ တူၵ်းဝဵင်းမိူင်းပၼ်ႇ၊ တၢင်းဢွၵ်ႇမိူဝ်းလၢင်းၶိူဝ်း။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း