ၾူၼ်တူၵ်းႁႅင်းလႄႈ ၼမ်ႉထူမ်ႈၼႂ်းဝဵင်းၼမ်ႉၸၢင်

ၾူၼ်တူၵ်းႁႅင်းထပ်းၵၼ်လၢႆဝၼ်း ၼမ်ႉထူမ်ႈပွၵ်ႉယွမ်ႇတီႈတႅမ်ႇ ၼႂ်းၸေႈဝဵင်းၼမ်ႉၸၢင်ၸိုင်ႈတႆးပွတ်းၸၢၼ်း။

မိူဝ်ႈဝၼ်းတီႈ 10 ၼမ်ႉထူမ်ႈၼႂ်းပွၵ်ႉ 1 ဝဵင်းၼမ်ႉၸၢင်။ လင်ႁိူၼ်း 500 ပၢႆ လႆႈထူပ်းၽေးၼမ်ႉ။ တႃႇ 300 ပၢႆလႆႈမႆႈၸႂ်။

ဢူးလႃႉထူၺ်း ႁူဝ်ပဝ်ႈၵေႃႇမတီႇၾၢႆႇလိူမ်ႈလႆႇ ဝဵင်းၼမ်ႉၸၢင်လၢတ်ႈတီႈၽူႈတွႆႇႁွၵ်ႈဝႃႈ –  တီႈပွၵ်ႉယွမ်ႇဢၼ်မီးတီႈတႅမ်ႇၸိူဝ်းၼၼ်ႉ 3-4 ပီၼိုင်ႈပွၵ်ႈ ၵႆႉပဵၼ်ၼမ်ႉထူမ်ႈယႂ်ႇ ။ ပိူင်လူင် ပဵၼ်ပီဢၼ်ပဵၼ် ဝႃႇသွၼ်ႉ ။ ၵွပ်ႈၼႆ ႁိူၼ်းၸိူဝ်းယူႇပွတ်းတႅမ်ႇၼၼ်ႉ လႆႈႁဵတ်းႁိူၼ်းသုင်။ – ဝႃႈၼႆ။

ယွၼ်ႉပိူဝ်ႈၼမ်ႉႁူၺ်ႈၼမ်ႉလွႆလႄႈ ၵေးၼမ်ႉၼွင်းလူၼ်ႉၾင်ႇ ။ ႁဵတ်းႁႂ်ႈၼမ်ႉထူမ်ႈ ။ ၸိူဝ်းယူႇႁိမ်းၾင်ႇၼမ်ႉတႄႉ ၺႃးၼမ်ႉထူမ်ႈၵူႈပီ။ မိူဝ်ႈပီ 2018 ၵေႃႈ ၼမ်ႉထူမ်ႈယႂ်ႇလူင်ၸိူင်ႉၼႆ ၼင်ႇၵဝ်ႇ။ ၶႅၼ်ႈ 1 ပီ သေ ပီၼႆႉၸင်ႇမႃးထူမ်ႈၶိုၼ်းႁၢဝ်ႈႁႅင်း ဝႃႈၼႆ။

တီႈဝဵင်းၼမ်ႉၸၢင်ၼႆႉ ၼမ်ႉလၢတ်ႈလႆလတ်းၵၢင်ဝဵင်းဝႆႉ။ မိူဝ်ႈဝႃးတႄႉ မၢင်တီႈ ၼမ်ႉယွမ်းလူင်းဢိတ်းဢွတ်းယဝ်ႉၼင်ႇၵဝ်ႇ ဝႃႈၼႆ။

တီၼမ်ႉၸၢင်ၼႆႉ မိူဝ်ႈၶၢဝ်းလိူၼ်မေႊ ၼၼ်ႉၵေႃႈ လူမ်းလႅင်ႉၽတ်ႉပဝ်ႇလႄႈ မွၵ်ႈ 4-5 ဝၢၼ်ႈ လင်ႁိူၼ်းလုၵွႆ ၊ ၵူၼ်းဝၢၼ်ႈထူပ်းတၢင်းယၢပ်ႇၽိုတ်ႇ။