Thursday, March 28, 2024

ၵူၼ်းဝၢၼ်ႈဢမ်ႇယွမ်းပၼ် ၶွမ်ႊပၼီႊဢဝ်တီႈလိၼ် ၵႂႃႇယိုၼ်ႈလိၵ်ႈသၢၼ်ၶတ်းတီႈလုမ်းၽွင်းငမ်းၵေးသီး

Must read

မိူဝ်ႈၼႆႉ ဝၼ်းတီႈ 11/8/2020 ယၢမ်း 11 မူင်း တူဝ်တႅၼ်း ၵူၼ်းဝၢၼ်ႈၵူၼ်းသူၼ် ထုင်ႉတၢင်းႁွင်ႇၵေးသီး လူင်းလၢႆးမိုဝ်း ၽိုၼ်လိၵ်ႈသၢၼ်ၶတ်း သေ ဢဝ်ၵႂႃႇယိုၼ်ႈတီႈလုမ်းၾၢႆႇၽွင်းငမ်း  ဝဵင်းၵေးသီး၊ လွင်ႈဝႃႈတိုၼ်းဢမ်ႇယွမ်း ပၼ်ၶွမ်ႊပၼီႊ ဢဝ်တီႈလိၼ်ၶဝ်။

လိၵ်ႈဢၼ်ၵူၼ်းဝၢၼ်ႈသၢၼ်ၶတ်း

မိူင်းတႆးပွတ်းၸၢၼ်း ၸႄႈဝဵင်းၵေးသီး ၼႂ်းဢိူင်ႇပၢင်ႇၸေႈ၊ ဢိူင်ႇဝၢၼ်ႈဝၢပ်ႈ ဢၼ်မီးမူႇဝၢၼ်ႈ 21 မူႇဝၢၼ်ႈ ႁူဝ်ၵူၼ်း ၼပ်ႉႁဵင် ၼၼ်ႉ ၵူၼ်းလူင်ဝၢၼ်ႈဢိူင်ႇ 10 ၵေႃႉ လူင်းလၢႆးမိုဝ်းသၢၼ်ၶတ်း ဢမ်ႇယွမ်းႁပ်ႉ ဢၼ်ၾၢႆႇၸတ်းတီႈ လိၼ်ၽုၵ်ႇသွမ်ႈ ဝဵင်းၵေးသီး တေယိုတ်းဢဝ်လိၼ်သူၼ်ႁႆႈၼႃးၵူၼ်းဝၢၼ်ႈ ႁူဝ်ႁဵင်ဢေႊၶိူဝ်ႊ ပၼ်ၶွမ်ႊပၼီႊ လႄႈ မိူဝ်ႈၼႆႉ ႁူမ်ႈၵၼ် ၵႂႃႇယိုၼ်ႈလိၵ်ႈထိုင် လုမ်းၵွၼ်းၸႄႈဝဵင်း တင်း ၾၢႆႇၸတ်းတီႈလိၼ်ၽုၵ်ႇသွမ်ႈ (ႁႆႈ/ၼႃး) ၸႄႈဝဵင်းၵေးသီး။

- Subscription -

ၼၢင်းၸၢမ်ဢူး ၽူႈမၢႆဢိူင်ႇပၢင်ႇၸေႈ လၢတ်ႈဝႃႈ – “ယူႇတီႈလုမ်းၾၢႆႇတီႈလိၼ် တႄႉဝႃႈ တေႁပ်ႉလိၵ်ႈဝႆႉသေ တေပွင်ႇ ပၼ်ၶိုၼ်း။ တီႈလုမ်းၸႄႈဝဵင်းတႄႉ ဢမ်ႇလၢတ်ႈသင် ၵႂႃႇယိုၼ်ႈႁဵတ်း ၼႆၵူၺ်းၶႃႈ။ လိၵ်ႈတႄႉ ၵႂႃႇယိုၼ်ႈယဝ်ႉတူဝ်ႈလီငၢမ်း ယဝ်ႉၶႃႈ” –  ဝႃႈၼႆ။

တီႈလိၼ် ႁႆႈ(ႁႆႈၶၢမ်း)၊ လိၼ်သူၼ် ၼႂ်းဢိူင်ႇပၢင်ႇၸေႈ၊ တင်း ၼႂ်းဢိူင်ႇဝၢၼ်ႈဝၢပ်ႈ  တၢင်းၵႂၢင်ႈ 1,750 ဢေႊၶိူဝ်ႊ ၼၼ်ႉ ၾၢႆႇၶွမ်ႊပၼီႊ ယိုၼ်ႈယွၼ်းတီႈလုမ်းၾၢႆႇၸတ်းတီႈလိၼ်ၽုၵ်ႇသွမ်ႈ၊ ယွၼ်းဢဝ်တႃႇၽုၵ်ႇသွမ်ႈ မၢၵ်ႇမၼ်းယႆး တင်း တူၼ်ႈၵုင်ႈလႅင် လႄႈ တေဢဝ်ႁဵတ်းသူၼ် လဵင်ႉဝူဝ်း ၊ လွင်ႈၼႆႉ ၵူၼ်းမိူင်း တိုၼ်းဢမ်ႇယွမ်းႁပ်ႉ။

ၸၢႆးၸၢမ်ႇမိူင်း ၽူႈတႅၼ်းသၽႃးၸႄႈမိူင်း ၶဵတ်ႇလိူၵ်ႈတင်ႈမၢႆ 1 ၸႄႈဝဵင်းၵေးသီး လၢတ်ႈဝႃႈ – မိူဝ်ႈၼႆႉတႄႉ ယိုၼ်ႈဢမ်ႇ ယိုၼ်ႈၼႆ ၶႃႈၵေႃႈဢမ်ႇလႆႈႁူႉၶႃႈ မိူဝ်ႈပူၼ်ႉမႃးၼၼ်ႉ ပီႈႁၵ်ႉၶိူဝ်းၽူႈၼမ်းၼႂ်း SNLD ၵေးသီးႁဝ်း လၢတ်ႈၼႄယူႇၶႃႈ တေ ႁၢင်ႈႁႅၼ်းသေ တၢင်ႇယိုၼ်ႈၵႂႃႇၼႆၶႃႈဢေႃႈ – ဝႃႈၼႆ။

ၾၢႆႇၸတ်းတီႈလိၼ်ႁႆႈၼႃး ၸႄႈဝဵင်းၵေးသီး ဢွၵ်ႇလိၵ်ႈ မိူဝ်ႈႁူဝ်လိူၼ်ၵျူႊလၢႆႊ ၼႆသေတႃႉ လိၵ်ႈႁွတ်ႈၼႂ်းမိုဝ်း ၵူၼ်းဝၢၼ်ႈ ဝၼ်းတီႈ 2/8/2020 ။ ၼႂ်းလိၵ်ႈၼၼ်ႉ ပႃးဝႆႉဝႃႈ ဝၼ်းတီႈ 15/8/2020 ႁႂ်ႈပဵၼ်ဝၼ်းလိုၼ်းသုတ်း၊ ပေႃးဢမ်ႇမီးၽႂ်သၢၼ်ၶတ်းၵေႃႈ တေယိုတ်းဢဝ်တီႈလိၼ်ၸိူဝ်းၼၼ်ႉ ပၼ်ၶွမ်ႊပၼီႊ ဝႃႈၼႆ။

တီႈလိၼ်သူၼ်ၵူၼ်းဝၢၼ်ႈပၢင်ႇၸေႈ ဢၼ်ၶွမ်ႊပၼီႊယွၼ်းပဵၼ်တီႈလဵင်ႉဝူဝ်း

တၢင်းၵႂၢင်ႈတီႈလိၼ် ဢၼ်ၶွမ်ႊပၼီႊယိုၼ်ႈယွၼ်းၼၼ်ႉတႄႉ – ၶွမ်ႊပၼီႊ ATTITUDE & HONESTY  CO.Ltd  ယွၼ်းဢဝ် 350 ဢေႊၶိူဝ်ႊ၊ ဢူးယေႃႇၽႃလီ ႁွင်ႉ ၸၢႆးသၢမ် ၶွမ်ႊပၼီႊ  NAMPAN DEVELOPEMENT & INVESTMENT Co.Ltd ယွၼ်းဢဝ် 300 ဢေႊၶိူဝ်ႊ၊ လိူဝ်ၼၼ်ႉ သုၼ်ႇတူဝ် ၼၢင်းသႅင်ၼုမ်ႇ (မၢႆၾၢင်လႃႈသဵဝ်ႈ)  350 ဢေႊၶိူဝ်ႊ၊ ဢူးထုၼ်းထုၼ်းလုၼ်ႇ (မၢႆၾၢင်တူၼ်ႈတီး) 350 ဢေႊၶိူဝ်ႊ၊ ဢူး ထုၼ်းၺူဝ်ႇ/ၼၢႆႇ (မၢႆၾၢင်လတႃႇ/တႃႈၵုင်ႈ) 400 ဢေႊၶိူဝ်ႊ – ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း