Friday, July 19, 2024

ႁူင်းတွတ်ႈၶႅပ်းၵၢင်ၸႂ်ၼႂ်းၸိုင်ႈတႆး တေမီး 3500 ပၢႆ

Must read

ပင်လိူၵ်ႈတင်ႈ 2020 ဢၼ်တေၸတ်းၼႂ်းလိူၼ်ထူၼ်ႈ 11 တေမႃးၼႆႉ ၼႂ်းၸိုင်ႈတႆး တေတင်ႈႁူင်းတွတ်ႈၶႅပ်းၵၢင်ၸႂ် 3500 ပၢႆ ဝႃႈၼႆ။

ဢူးထိၼ်ႇၵျေႃႇ ႁူဝ်ပဝ်ႈ ၸုမ်းၽႄ ၵေႃႇမသျိၼ်ႇ ပၢင်လိူၵ်ႈတင်ႈ ၼႂ်းၸိုင်ႈတႆး လၢတ်ႈတီႈၽူႈတွႆႇႁွၵ်ႈဝႃႈ တေတင်ႈႁူင်းတွတ်ႈၶႅပ်းၵၢင်ၸႂ် 3676 ႁူင်း ၼႂ်းၸိုင်ႈတႆး။

- Subscription -

“ယၢမ်းလဵဝ်ႁဝ်းၶႃႈၼပ်ႉဝႆႉတႄႉ မီး 3600 ပၢႆၼႆႉၶႃႈ။ ၵူၺ်းၵႃႈယၢမ်းလဵဝ်တိုၵ်ႉၶိုင်ပွင်ဝႆႉၵူၺ်း။ ပေႃးထိုင်ၶၢဝ်းယၢမ်း တေၸၢင်ႈလိူဝ် ၸၢင်ႈယွမ်းလႆႈယူႇၶႃႈ။” ဝႃႈၼႆ။

ပီၼႆႉ တွၼ်ႈတႃႇလုၵ်ႈမေးၵူၼ်းသိုၵ်းၵေႃႈ မၢင်တီႈ တေတွတ်ႈႁူမ်ႈၵူၼ်းဝၢၼ်ႈ။ မၢင်တီႈ တေဢဝ်ဢွၵ်ႇမႃးတင်ႈၼွၵ်ႈတပ်ႉ ။

“လွင်ႈႁူမ်ႇလူမ်ႈတႄႉ တေပဵၼ်ၾၢႆႇၽွင်းငမ်း (ထူၺ်ႇဢူၵ်ႉ)လႄႈ ပလိၵ်ႈ ႁူမ်ၵၼ်တေဢဝ်ပုၼ်ႈၽွၼ်း ” ဢူးထိၼ်ႇၵျေႃႇလၢတ်ႈၼင်ႇၼႆ။

ပၢင်လိူၵ်ႈတင်ႈဢၼ်တေၸတ်းၼႂ်းလိူၼ်ၼူဝ်ႊဝႅမ်ႊပိူဝ်ႊတေမႃးၼႆႉ သမ်ႉပဵၼ်ၶၢဝ်းႁၢမ်ႈၵၼ်တႃႇၵႅတ်ႇၶႄ ၽေးၶူဝ်းဝိတ်ႉလႄႈ လၢႆးတွတ်ႈၶႅပ်းၵၢင်ၸႂ် တေမီးၸိူင်ႉႁိုဝ်ထႅင်ႈပႆႇႁူႉ ဝႃႈၼႆ။

မိူဝ်ႈပၢင်လိူၵ်ႈတင်ႈ 2015 ၼၼ်ႉ ႁူင်းတွတ်ႈၶႅပ်းၵၢင်ၸႂ် ၼႂ်းမိူင်းတႆး မီး 3331 ႁူင်း။ ပီ 2020 ၼႆႉႁူင်းတွတ်ႈၶႅပ်းၵၢင်ၸႂ် ၼႂ်းမိူင်းတႆး တိူဝ်းၼမ်မႃး လိူဝ်ၵဝ်ႇ 9 %လႆႈႁူႉၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း