ဝၼ်းတီႈ 12/5/2020 မိူဝ်ႈဝႃးယၢမ်းၵၢင်ၶမ်ႈ 7 မူင်းၼႆႉ ၶိူင်ႈမိၼ် Myanmar National Airlines တၢင်ႇဢဝ်ႁႅင်းၵၢၼ်မိူင်းႁူမ်ႈတုမ် 67 ၵေႃႉ ဢၼ်မီးတီႈ ဝဵင်းလူင်ၵုင်းထဵပ်ႈ ၸိူဝ်းလႆႈႁူပ်ႉထူပ်းတၢင်း ယၢပ်ႇၽိုတ်ႇၶၢၼ်ၸႂ်တႄႉတႄႉၼၼ်ႉ ၶိုၼ်းပွၵ်ႈမိူဝ်းမိူင်းႁူမ်ႈတုမ် ။
ယွၼ်ႉပိူဝ်ႈသၢႆၵၢၼ်မိၼ်တၢင်ႇမိူင်း ၵိုတ်းလိုဝ်ႈဝႆႉယဝ်ႉလႄႈ ၵူၼ်းမိူင်းႁူမ်ႈတုမ် ဢၼ်ၶၢင်ႉၶမ်ဝႆႉတီႈ ဝဵင်းလူင်ၵုင်းထဵပ်ႈၼၼ်ႉ ႁူပ်ႉတၢင်းယၢပ်ႇၽိုတ်ႇတႃႇပွၵ်ႈႁိူၼ်း ။ ၵွပ်ႈၼႆလႄႈ လူင်ပွင်ၸိုင်ႈ ၸင်ႇလႆႈသူင်ႇၶိူင်ႈမိၼ်မႃးတေႃႉဢဝ် ပွၵ်ႈမိူဝ်းၶိုၼ်းဝဵင်းတႃႈၵုင်ႈ- ႁွင်ႈၵၢၼ်ၾၢႆႇၼွၵ်ႈမိူင်း မိူင်းႁူမ်ႈတုမ်မၢၼ်ႈ ပိုၼ်ၽၢဝ်ႇဝႆႉၼင်ႇၼႆ။
ၵူၼ်းၸိူဝ်းလူင်ပွင်ၸိုင်ႈမၢၼ်ႈမႃးႁပ်ႉဢဝ်မိူဝ်းၵမ်းၼႆႉၵေႃႈ တေလႆႈမိူဝ်းၵုမ်းၶင်တူဝ် ၶဝ်ႈ Quarantine 21 ဝၼ်း ၸွမ်းၼင်ႇၸဝ်ႈၼႃႈတီႈၶိုင်ဝႆႉပၼ်တီႈဝဵင်းလူင်တႃႈၵုင်ႈသေ ၸင်ႇတေၸၢင်ႈပွၵ်ႈၶိုၼ်းဝၢၼ်ႈၽႂ်မိူင်းမၼ်း ဝႃႈၼႆ။
မိူဝ်ႈဝၼ်းတီႈ 6/5/2020 ၼၼ်ႉၵေႃႈ လူင်ပွင်ၸိုင်ႈမိူင်းႁူမ်ႈတုမ် ဢဝ်ၶိူင်ႈမိၼ်ႁပ်ႉဢဝ်ၵူၼ်းမိူင်းမၢၼ်ႈပွၵ်ႈမိူဝ်းႁွပ်ႈၼိုင်ႈယဝ်ႉ။ မိူဝ်ႈၼၼ်ႉပႃးမိူဝ်းၵူၼ်း 135 ၵေႃႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ