ၸၢႆးၼုမ်ႇၵူၼ်းတူၼ်ႈတီး ဢႃယု 26 ပီ လုၵ်ႉမိူင်းဢိင်းၵလဵတ်ႈမႃး၊ တိတ်းၸပ်း တၢင်းပဵၼ် ၶူဝ်ႊဝိတ်ႉ 19 ၵေႃႉထူၼ်ႈ 29 မိူင်းႁူမ်ႈတုမ်ၼၼ်ႉ ယၢမ်းလဵဝ်ၵူတ်ႇထတ်း ဢမ်ႇႁၼ်ၸိူဝ်ႉမႅင်း တၢင်းပဵၼ် ယဝ်ႉလႄႈ မိူဝ်ႈၼႆႉ လႆႈလူင်းႁူင်းယႃယဝ်ႉဝႃႈၼႆ။

မေႃယႃ တွၵ်ႊတိူဝ်ႊၼိၼ်းဢိၽိဝ်ႇ  ၵႅမ်ၽူႈၸတ်းၵၢၼ် ႁွင်ႈၵၢၼ်ၾၢႆႇၵႅတ်ႇၶႄ တၢင်းပဵၼ် ၵူၼ်းမိူင်းတႆး လၢတ်ႈတီႈၽူႈတွႆႇႁွၵ်ႈဝႃႈ  ၵူတ်ႇလိူတ်ႈမၼ်းၸၢႆးတူၺ်းၵမ်းထူၼ်ႈသၢမ် ဢမ်ႇမီးၸိူဝ်ႉမႅင်းယဝ်ႉလႄႈ ၸင်ႇလႆႈပွႆႇပၼ် ႁႂ်ႈမၼ်းၸၢႆးလူင်းႁူင်းယႃမိူဝ်ႈၼႆႉ ဝၼ်းတီႈ 27/4/2020 ၼႂ်ၼႆႉယဝ်ႉ ၊ ၵူၺ်းၵႃႈ တေ ပၼ်မိူဝ်းယူႇႁိူၼ်း၊ တေႁႂ်ႈယူႇတီႈႁူင်းႁႅင်း ပႂ်ႉတူၺ်းငဝ်းလၢႆး ၵုမ်းၵၵ်းတူဝ် Facility Quarantine ထႅင်ႈဝူင်ႈ႞ တေႃႇပေႃးဝႆႉဝၢင်းၸႂ်လီလီ ၸင်ႇၵွႆႈႁႂ်ႈမိူင်းယူႇႁိူၼ်းၸွမ်းပေႃႈမႄႈပီႈၼွင်ႉ ဝႃႈၼႆ။

ပေႃႈမႄႈ ပီႈၼွင်ႉ ၵူၼ်းႁိူၼ်းမၼ်းၸၢႆးၵေႃႈ ဝၼ်းမိူဝ်ႈၼႆႉ မေႃယႃၶဝ် ႁွင်ႉၵူတ်ႇထတ်း ပၢင်းယူႇလီ ၸွင်ႇတိုၵ်ႉလီလႆႈမႆႈၸႂ် ၸွမ်းငဝ်းလၢႆး ၸိူဝ်ႉမႅင်း ၶူဝ်ႊဝိတ်ႉ 19 ႁိုဝ် ဝႃႈၼႆ။

ၵူၼ်းၵေႃႉၼႆႉ ပဵၼ်မေႃယႃ ၵူၼ်းၸႃတိတူၼ်ႈတီး ၵႂႃႇသိုပ်ႇၵၢၼ်ႁိူၼ်း မိူင်းဢိင်းၵလဵတ်ႈသေ ပွၵ်ႈထိုင် ၶိုၼ်းမိူင်း မိူဝ်ႈဝၼ်းတီႈ  28 လိူၼ်မၢတ်ႉၶျ်။ ၵုမ်းၵမ်တူဝ်ၵဝ်ႇ ယူႇတႃႈၵုင်ႈ 14 ဝၼ်း ယဝ်ႉ ၸင်ႇႁူပ်ႉႁၼ် ၸိူဝ်ႉမႅင်း ဝၼ်းပွၵ်ႈမိူင်းတႆး ၼႂ်းဝၼ်းတီႈ 11/4/2020 ၊ တင်ႈတႄႇၼၼ်ႉမႃး လႆႈၶဝ်ႈယူတ်းယႃတူဝ် တီႈႁူင်းယႃၸဝ်ႈၸၢမ်ႇထုၼ်း ဝဵင်းတူၼ်ႈတီး တေႃႇပေႃးၸိုၼ်ႈၶႅၼ်း။