ႁွင်ႈၵၢၼ်ၾၢႆႇပွင်ႇၶၢဝ်ႇတပ်ႉသိုၵ်းလူင်ပွင်ၸိုင်ႈမၢၼ်ႈ ပိုၼ်ၽၢဝ်ႇတီႉလႆႈယႃႈမဝ်းၵမ် တီႈႁိမ်းဝၢၼ်ႈၵွင်းၶႃး ၸေႈဝဵင်းၵူတ်ႉၶၢႆထႅင်ႈ တႃႇၶၼ်ငိုၼ်း 48,000 လၢၼ်ႉပျႃး။
ဝၼ်းတီႈ 1/4/2020 ၼၼ်ႉ တပ်ႉသိုၵ်းလႄႈပလိၵ်ႈၵူတ်ႉၶၢႆ ႁူမ်ႈၵၼ်ၵူတ်ႇထတ်းတီႈဝၢၼ်ႈၵွင်းၶႃး တီႉၺႃး ယႃႈမႃႉ၊ ယႃႈၾိၼ်ႇၽိူၵ်ႇ ၊ ယႃႈမဝ်းၵမ်လႄႈ ၶိူင်ႈတူမ်ႈႁုင်ယႃႈၸိူဝ်းၼႆႉ သေ တႃႇႁဵတ်းၸွမ်းၼင်ႇပၵ်းပိူင်မၢႆမီႈမီးၼၼ်ႉ လႆႈမွပ်ႈဢၢပ်ႈပၼ်တီႈပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ်ဝႆႉယဝ်ႉ ၼႂ်းလိၵ်ႈပိုၼ်ၽၢဝ်ႇၼၼ်ႉ ဢွၵ်ႇဝႆႉၼင်ႇၼၼ်။
တႄႇဢဝ် ဝၼ်းတီႈ 28 လိူၼ်ၾႅပ်းၿိဝ်ႊရီႊ 2020 တေႃႇထိုင် လိူၼ်ဢေႊပရိူဝ်ႊ 2020 ၼႆႉ ဢၼ်တီႉလႆႈယႃႈမဝ်းၵမ်လႄႈ ၶိူင်ႈတူမ်ႈႁုင်ယႃႈမဝ်းၵမ် တီႈႁိမ်းဝၢၼ်ႈလွႆၶမ်း တင်း ဝၢၼ်ႈၵွင်းၶႃး ၸႄႈဝဵင်းၵူတ်ႉၶၢႆၼႆႉ တင်းမူတ်းႁူမ်ႈၵၼ် တေတူၵ်း မႅၼ်ႈငိုၼ်း 393,000 လၢၼ်ႉပျႃး။
မိူဝ်ႈဝၼ်းတီႈ 31/3/2020 တင်း ဝၼ်းတီႈ 1/4/2020 မႃးၼႆႉၵေႃႈ ယူႇတီႇပျီႇတူႉၸိတ်ႉ ၵွင်းၶႃး သမ်ႉမွပ်ႈဢၢပ်ႇၶိူင်ႈၵွင်ႈၵၢင်ႇလႄႈ မၢၵ်ႇမိုဝ်ႈၸိုၼ်းယၢမ်းပၼ်သိုၵ်းလူင်ပွင်ၸိုင်ႈထႅင်ႈ ပိုၼ်ၽၢဝ်ႇဝႆႉၼင်ႇၼႆ။
တပ်ႉသိုၵ်းလူင်ပွင်ၸိုင်ႈမၢၼ်ႈယင်းပၢႆပိုၼ်ၽၢဝ်ႇဝႆႉဝႃႈ တွၼ်ႈတႃႇ ၸုမ်းပျီႇတူႉၸိတ်ႉၵွင်းၶႃး တေလဵင်ႉလူ တူၺ်းထိုင်ၵၼ်ၵႂႃႇၼၼ်ႉလႆႈၸွႆႈထႅမ်ပၼ်တႃႇ ၽုၵ်ႇသွမ်ႈလႄႈ လဵင်ႉလူတူဝ်သတ်း ၸိူဝ်းၼႆႉ – ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ