ၽူႈၸၢႆး ဢႃယု 70 ပီ ပဵၼ်ၵူၼ်းၶပ်းရူတ်ႉတူႈသူင်ႇၶႅၵ်ႇၶႄႇ ၼႂ်းမိူင်းထႆး လူႉတၢႆယွၼ်ႉတၢင်းပဵၼ်ၶူဝ်ႊရူဝ်ႊၼႃႊ ဢမ်ႇၼၼ် ၶူဝ်ႊဝိတ်ႉ-19 ။
မၼ်းၸၢႆးၼႆႉ ၶဝ်ႈယူတ်းယႃတူဝ်ယွၼ်ႉတၢင်းပဵၼ်ၼႆႉ ႁိုင်ၼၢၼ်း ၸမ် 2 လိူၼ်။ ယၢမ်းလဵဝ် ယူတ်းယႃၸိူဝ်ႉမႅင်းႁၢႆယဝ်ႉသေတႃႉ မႅင်းၵိၼ်ပွတ်ႇမၼ်းၸၢႆး လႅဝ်မူတ်းလႄႈ ၸင်ႇလႆႈတၢႆ တီႈႁူင်းယႃ ဝၼ်းတီႈ 23/3/2020 မိူဝ်ႈဝႃးယၢမ်းႁူဝ်ၶမ်ႈၼႆႉ ဝႃႈၼႆ။
လုၵ်ႈမေးမၼ်းၸၢႆးလၢတ်ႈတီႈၶၢဝ်ႇထီႊဝီႊ ၶျွင်ႉ 7 မိူင်းထႆး ဝႃႈ- “မိူဝ်ႈၵွၼ်ႇ မီးၶႅၵ်ႇၶႄႇၼမ်ၼၼ်ႉ မၼ်းၸၢႆးၼႆႉ ဢမ်ႇသူႈမႃးၼွၼ်းတီႈႁိူၼ်း။ ႁွတ်ႈလႂ်ၼွၼ်းၼၼ်ႈ။ ၼွၼ်းၼႂ်းရူတ်ႉၵမ်ႈၼမ်။ ဢမ်ႇမီးၶၢဝ်းယၢမ်းလိုဝ်ႈႁိူဝ်ႉလီလီ။” – ဝႃႈၼႆ။
မၼ်းၸၢႆးၼႆႉတၢႆယွၼ်ႉတၢင်းပဵၼ်ၶူဝ်ႊဝိတ်ႉ-19 ပဵၼ်ၵေႃႉထိ 2 ၼႂ်းမိူင်းထႆး။
ယၢမ်းလဵဝ် တႃႇတေဢဝ်တူဝ်တၢႆမၼ်းၸၢႆးႁႅၼ်းလူႇတၢၼ်း ၸႃႇပၼ ပၼ်ၼၼ်ႉ တိုၵ်ႉႁႃဝတ်ႉဝႃး ပႆႇလႆႈ။ ဝတ်ႉလႂ်ၵေႃႈဢမ်ႇႁပ်ႉ ဝႃႈၼႆ။
ဝၼ်းမိူဝ်ႈၼႆႉၼႂ်းမိူင်းထႆး မီးၵူၼ်းတိတ်းၸပ်းတၢင်းပဵၼ် ၶူဝ်ႊဝိတ်ႉ 19 တင်းမူတ်း 721 ၵေႃႉ။ လူႉတၢႆ 2 ၵေႃႉ။
ဝၼ်းမိူဝ်ႈၼႆႉၼႂ်းလုမ်ႈၾႃႉ ၵူၼ်းတိတ်းၸပ်း တၢင်းပဵၼ် ၶူဝ်ႊဝိတ်ႉ 19 မီးယူႇ 378912 ၵေႃႉ။ တၢႆ 16515 ၵေႃႉ။
ပိၼ်ႇၽႃႇသႃႇၶၢဝ်ႇမႃးတီႈ -ch7
