Friday, March 29, 2024

သိုၵ်းလူင်ပွင်ၸိုင်ႈမၢၼ်ႈ ဢၼ်ပုတ်ႈဢဝ်တပ်ႉ RCSS တီႈလွႆတွၼ်းၼၼ်ႉ ၶၢၼ်း ၵူၼ်းဝၢၼ်ႈ ၵူႈဝၼ်း

Must read

သိုၵ်းလူင်ပွင်ၸိုင်ႈမၢၼ်ႈ ဢၼ်ပုတ်ႈဢဝ်တပ်ႉ RCSS/SSA တီႈလွႆတွၼ်းၼၼ်ႉ ၸီႉသင်ႇၵူၼ်းဝၢၼ်ႈ ၼႂ်းဢိူင်ႇႁူဝ်ၶၢႆး သူင်ႇမႆႉပူၵ်ႇ/ မႆႉၸိင် 1,000 လႅမ်ႈ တႃႇၵေႃႇသၢင်ႈတပ်ႉ ပၢင်သဝ်း လွႆတွၼ်းၶိုၼ်း။

Photo by – Khun Zaw Oo VJ/ သိုၵ်းလူင်ပွင်ၸိုင်ႈမၢၼ်ႈ ဢၼ်တူင်ႉၼိုင်တၢင်းပွတ်းမိူင်းၼွင် – ၵေးသီးၼၼ်ႉ

တႄႇဢဝ်လိူၼ်မၢတ်ႊၶျ် 2020 ၼႆႉမႃး တပ်ႉသိုၵ်းလူင်ပွင်ၸိုင်ႈမၢၼ်ႈ ဢၼ်ၶိုၼ်ႈဢဝ်တပ်ႉ RCSS/SSA ၼိူဝ်လွႆတွၼ်း ၼၼ်ႉ ၸီႉသင်ႇ ၵူၼ်းဝၢၼ်ႈ ၼႂ်းဢိူင်ႇႁူဝ်ၶၢႆး ၸႄႈဝဵင်းမိူင်းၵိုင် ၸိုင်ႈတႆးပွတ်းၸၢၼ်း ႁႂ်ႈႁႃမႆႉ တႅပ်းမႆႉ သူင်ႇပၼ်တီႈတပ်ႉ ပၢင်သဝ်းၶဝ် တႃႇ 1,000 လႅမ်ႈ၊ လိူဝ်ၼၼ်ႉ ႁႂ်ႈၵူၼ်းဝၢၼ်ႈ ႁၢင်ႈႁႅၼ်းရူတ်ႉၶိူင်ႈ တႃႇ 7 လမ်း တူဝ်ႈတၼ်းဝႆႉတႃႇသေႇ ဝႃႈ ၼႆ။

- Subscription -

ၵူၼ်းဝၢၼ်ႈ ၼႂ်းဢိူင်ႇႁူဝ်ၶၢႆး ဢႃယု 40 ပၢႆ ၽူႈၸၢႆးၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ “ ပူၼ်ႉမႃး 2-3 ဝၼ်းၼႆႉ လႆႈတေႃႉ သူင်ႇပၼ်တီႈတပ်ႉပၢင်သဝ်းၶဝ် တႃႇမႆႉ 600 လႅမ်ႈယဝ်ႉ။ ၵူၺ်းၵႃႈ တိုၵ်ႉၵိုတ်းထႅင်ႈ 400 လႅမ်ႈၶႃႈ။ မႆႉၸိူဝ်းၼၼ်ႉ ႁဝ်းၶႃႈ လႆႈႁႃသေတႅပ်း သူင်ႇပၼ်တီႈၼိူဝ်လွႆတွၼ်းယဝ်ႉ။ ယၢပ်ႇၽိုတ်ႇၶႃႈဢေႃႈ ဢၼ်ၶဝ်ၸႂ်ႉၵူၼ်းဝၢၼ်ႈႁဵတ်းၵၢၼ်ၶဝ် ၸိူင်ႉၼႆ” ဝႃႈၼႆ။

ဢိင်ၼိူဝ်ၵူၼ်းဝၢၼ်ႈ ၼႂ်းဢိူင်ႇႁူဝ်ၶၢႆးၼႆႉ ထုၵ်ႇသိုၵ်းမၢၼ်ႈ တဵၵ်းၸႂ်ႉႁႂ်ႈသူင်ႇမႆႉပူၵ်ႇ တႃႇ 1,000 လႅမ်ႈသေဢမ်ႇၵႃး ယဝ်ႉ ၵေႃႈ ၶျေႃးရူတ်ႉၶိူင်ႈၵူၼ်းဝၢၼ်ႈထႅင်ႈ ႁႂ်ႈတူဝ်ႈတၼ်ႈဝႆႉ တႃႇသူင်ႇသိုၵ်းမၢၼ်ႈ ၶဝ်ၸႂ်ႉတိုဝ်း ဝႃႈၼႆ။

“လိူဝ်သေၶဝ်ၸႂ်ႉတႅပ်းမႆႉ ႁႃမႆႉသူင်ႇပၼ်ယဝ်ႉၼၼ်ႉ တေႃႈလဵဝ် ပၢႆၸႂ်ႉ ၵူၼ်းဝၢၼ်ႈ ႁၢင်ႈႁႅၼ်းဝႆႉ ရူတ်ႉၶိူင်ႈ တူဝ်ႈတၼ်း 24 ၸူဝ်ႈမူင်း ၼိုင်ႈဝၼ်းလႂ် 7 လမ်း ၵူၼ်းဝၢၼ်ႈၵေႃႉလႆႈၵႂႃႇပၼ်ၶျေႃးရူတ်ႉၶိူင်ႈၵေႃႉ ႞ လၢတ်ႈ။

ၵူၼ်းဝၢၼ်ႈၼႂ်းဢိူင်ႇႁူဝ်ၶၢႆးၼႆႉ လႆႈၸႅၵ်ႇပဵၼ် 4 ၸုမ်းသေ တႃႇ 3 ၸုမ်းသမ်ႉ လႆႈတႅပ်းမႆႉ တေႃႉသူင်ႇပၼ်တီႈ တပ်ႉပၢင် သဝ်းလွႆတွၼ်း။ တႃႇၸုမ်းၼိုင်ႈသမ်ႉ ႁၢင်ႈႁႅၼ်းတူဝ်ႈတၼ်းဝႆႉ တႃႇရူတ်ႉၶိူင်ႈ ၼိုင်ႈဝၼ်းလႂ် 7 လမ်း ဝႃႈၼႆ။

လုင်းလူင် ၽူႈတႅၼ်းသၽႃးၸႄႈမိူင်းၶဵတ်ႇလိူၵ်ႈတင်ႈမၢႆ 2 ၸႄႈဝဵင်းမိူင်းၵိုင် လၢတ်ႈတီႈၽူႈတွႆႇႁွၵ်ႈဝႃႈ “ လွင်ႈၵူၼ်းမိူင်း လႆႈသုမ်းသုၼ်ႇလႆႈၼႆႉ ႁဝ်းၶႃႈ ဢမ်ႇပၼ်ယဝ်ႉလၢႆ။ ၶႃႈၵေႃႈဢဝ်ဢုပ်ႇၼႂ်းသၽႃးဢေႃႈ၊ ဢၼ်ၶၢၼ်းမႆႉၼၼ်ႉၵေႃႈ လႆႈ ငိၼ်းယူႇ၊ ဢၼ်ၶၢၼ်းရူတ်ႉၶိူင်ႈၼၼ်ႉ တေထတ်းတူၺ်းထႅင်ႈၵွၼ်ႇ” ဝႃႈၼႆ။

မိူဝ်ႈႁၢင်လိူၼ်ၾႅပ်ႊၿိဝ်ႊရီႊ 2020 ၼၼ်ႉ သိုၵ်းလူင်ပွင်ၸိုင်ႈ ႁႅၼ်းသိုၵ်းလေႃႇယိုဝ်း တပ်ႉသိုၵ်း RCSS တီႈလွႆတွၼ်း ႁၢဝ်ႈ ႁႅင်း ထိုင်မႃး ဝၼ်းတီႈ 1/3/2020 RCSS ဢွၵ်ႇငိူင်ႉပၼ် သိုၵ်းလူင်ပွင်ၸိုင်ႈမၢၼ်ႈၶိုၼ်ႈပုတ်ႈပၵ်းတေႃႇဝၼ်းမိူဝ်ႈၼႆႉ။

ဢိင်ၼိူဝ် သွင်ၾၢႆႇလႆႈပဵၼ်ပၢင်တိုၵ်းၵၼ် တီႈလွႆတွၼ်း ၼႂ်းဢိူင်ႇႁၢမ်းငၢႆး ၸႄႈဝဵင်းမိူင်းၵိုင်ၼၼ်ႉသေ ႁဵတ်းႁႂ်ႈၵူၼ်းမိူင်း ၼပ်ႉႁူဝ်ပၢၵ်ႇ လႆႈပၢႆႈယၢၼ်ႁိူၼ်းယေး။ ႁိူၼ်းယေး ၵူၼ်းဝၢၼ်ႈၵုင်းၺွင်ႇၽႃသႃး ၺႃးယႃႉသွၵ်ႈတဝ်/ ဢဝ်ၶူဝ်းၶွင်ၼႂ်း ႁိူၼ်းၼႂ်းႁၢၼ်ႉတၢင်းၶၢႆၵႂႃႇၼပ်ႉႁူဝ်သႅၼ်။

ၶွင်ႇသီႇ ဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA ၼႆႉ ပဵၼ်ၸုမ်းဢၼ်လူင်းလၢႆးမိုဝ်း ၵိုတ်းတိုၵ်းပတ်းပိုၼ်ႉ တူဝ်ႈမိူင်း NCA ၸုမ်းၼိုင်ႈသေ ဢမ်ႇၵႃး ၸွမ်သိုၵ်းလူင် ယွတ်ႈသိုၵ်း ၽူႈၼမ်း RCSS ၵေႃႈ ႁပ်ႉတၼ်းႁဵင်း ပဵၼ်ႁူဝ်ပဝ်ႈ ၸူဝ်ႈၶၢဝ်း ၼႂ်းၸုမ်းဢွၼ်ႁူဝ်ဢုပ်ႇဢူဝ်းၶၵ်ႉၵၢၼ်လွင်ႈငမ်းယဵၼ် PPST ဝႆႉထႅင်ႈ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း