တပ်ႉသိုၵ်းလူင်ပွင်ၸိုင်ႈမၢၼ်ႈလႄႈ တပ်ႉသိုၵ်းတဢၢင်း ပိုတ်းယိုဝ်းၵၼ်ၼႂ်းၸေႈဝဵင်းမိူင်းမိတ်ႈလႄႈ ၵူၼ်းမိူင်းပၢႆႈၽေးသိုၵ်းမီးမွၵ်ႈ 200 ။
ပၢင်တိုၵ်းၼႆႉပဵၼ်မိူဝ်ႈဝၼ်းတီႈ 10/3/2020 တီႈႁိမ်းဝၢၼ်ႈသူၺ်ႇၺွင်ႇပိၼ်ႇ ။ တပ်ႉသိုၵ်းလူင်ပွင်ၸိုင်ႈ တႂ်ႉတပ်ႉပိဝ်ႇႁႃႇပၵ်းမိူင်းမိတ်ႈ လတ်းဝၢၼ်ႈၵႂႃႇဢမ်ႇပေႃးႁိုင် လႆႈငိၼ်းသဵင်ပၢင်တိုၵ်း လႄႈၵူၼ်းဝၢၼ်ႈတူၵ်းၸႂ်။
ယွၼ်ႉပၢင်တိုၵ်းသေ ၵူၼ်းဝၢၼ်ႈသူၺ်ႇၺွင်ႇပိၼ်ႇ ဢဵၼ်ႁႅင်းၵူၼ်းမွၵ်ႈ 200 ၼႆႉ လႆႈပၢႆႈယၢၼ်ႁိူၼ်းယေးတီႈယူႇ မႃးသွၼ်ႈယူႇဝႆႉတီႈဝတ်ႉၵျွင်းမုၼ်ၸဝ်ႈတီႈဝၢၼ်ႈလွႆသႃႇ။
တပ်ႉသိုၵ်းတဢၢင်း ထွႆထွၼ်ဢွၵ်ႇယဝ်ႉသေတႃႉ တပ်ႉသိုၵ်းလူင်ပွင်ၸိုင်ႈ တိုၵ်ႉသိုပ်ႇထႅမ်ႁႅင်းသိုၵ်းၶိုၼ်ႈယူႇၵူႈဝၼ်းလႄႈ တေႃႇထိုင်ဝၼ်းမိူဝ်ႈၼႆႉ ၵူၼ်းဝၢၼ်ႈဢမ်ႇပႆႇႁတ်းပွၵ်ႈႁိူၼ်းယေး။ ယၢပ်ႇၽိုတ်ႇလွင်ႈတီႈယူႇတၼ်းသဝ်းလႄႈ ၶဝ်ႈၼမ်ႉတၢင်းၵိၼ်ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ