Friday, March 29, 2024

ၸဝ်ႈသၢင်ႇဢွၼ်ႇ (ၵူဝ်ႇယိၼ်ႇလေး) ထမ်ႈၸၢင်ႉႁူဝ်ပူင်း တေၸတ်းပၢင်ပွႆးႁႆႇၵွင်မွင်း ႁဵင်သိူင်း

Must read

ၸဝ်ႈသၢင်ႇဢွၼ်ႇ (ၵူဝ်ႇယိၼ်ႇလေး) ထမ်ႈၸၢင်ႉ ဢၼ်မီးၼႂ်း ႁူဝ်ပူင်း ၼႃႈလိၼ်ၽွင်းငမ်းတူဝ်ၵဝ်ႇ ပဢူဝ်း  တေၸတ်းပၢင်ပွႆးႁႆႇၵွင်ႇမွင်း ႁဵင်သိူင်း။

ႁၢင်ႈၵွင်းမူးၶမ်းဢၼ်မီးၼိူဝ်ၸိၵ်းလွႆထမ်ႈၸၢင်ႉ

ပၢင်ပွႆးၼႆႉတေၸတ်းႁဵတ်းတီႈၵွင်းမူးၶမ်း ဢၼ်မီးၼိူဝ်လွႆ ထမ်ႈၸၢင်ႉ ႁူဝ်ပူင်း ၼႂ်းဝၼ်းတီႈ 6 ထိုင် 8လိူၼ်မၢတ်ႉၶျ် တႃႇၶၢဝ်းတၢင်း  3 ဝၼ်း။

- Subscription -

ၸၢႆးလၢဝ်  တပႄးတၵ်ႉၵႃႇ ၸဝ်ႈသၢင်ႇဢွၼ်ႇ (ၵူဝ်ႇယိၼ်ႇလေး) ဢၼ်ယူႇဝဵင်းတူၼ်ႈတီးၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ – ပေႃးမီးၸႂ်ၸေႇတၼႃႇၶႂ်ႈႁႆႇၵွင် လုၵ်ႉလႂ်မႃးႁႆႇၵေႃႈလႆႈ ။ ဢဝ်ၵွင်မွင်းသိူင်းၸဝ်ႇၵဝ်ႇမႃးပႃးၼႆၶႃႈဢေႃႈ။ ၵႃႈတၢင်းၵႂႃႇမႃးတေဢွၵ်ႇပၼ်ယင်းဝႃႈၼႆၵွၼ်ႇဢေႃႈ-  ဝႃႈၼႆ။

ဢူးၵွင်းထုတ်ႉၶွင်ႇ ႁူဝ်ပဝ်ႈၵေႃႇမတီႇပွင်ပဵၼ်ပၢင်ပွႆးႁႆႇၵွင် ႁဵင်သိူင်းတႄႉလၢတ်ႈဝႃႈ ပဵၼ်ပွႆးဢၼ်ၸဝ်ႈၵူဝ်ႇယိၼ်ႇလေး ဢွၼ်ႁူဝ်ၸတ်းႁဵတ်း၊ ပွႆးၵျေႃႇပွႆးမူၼ်ႈၵူၺ်းဢမ်ႇၸႂ်ႈ ၊ ယုမ်ႇယမ်ဝႃႈတေပဵၼ်ပွႆးဢၼ်တေဢဝ်ပူၼ်ႉလွတ်ႈၽေး ၵၢပ်ႈသၢမ်ပိူင် ဢၼ်ပဵၼ်ယူႇဝၼ်းမိူဝ်ႈၼႆႉ ဝႃႈၼႆ။

“ ဢဝ်ၸႂ်မႅတ်ႉတႃႇသေႁဵတ်းတႃႇၵူၼ်းတင်းၼမ် လႄႈ ႁပ်ႉတွၼ်ႈၵူႈမူႇၵူႈၸုမ်း တီႈဢၼ်တေၶဝ်ႈမႃးႁူမ်ႈႁွမ်းဢဝ်ၵုသူလ်တၢင်းလီၶႃႈ။  ပွႆးႁႆႇၵွင်ႁဵင်သိူင်းၼႆႉ တေပဵၼ်ဝၼ်းတီႈ 7 ၊တေႁႆႇၵွင်ႁဵင်သိူင်းလဵပ်ႈၵွင်းမူးၶမ်း ၼိူဝ်လွႆထမ်ႈၸၢင်ႉၶႃႈဢေႃႈ ” ဢူးၵွင်းထုတ်ႉၶွင်ႇလၢတ်ႈတီႈၸုမ်းၶၢဝ်ႇၵမ်ႇပေႃးၸ ထၢႆမ်းဝႆႉၼင်ႇၼႆ။

လိၵ်ႈၽိတ်ႈမွၵ်ႇပွႆးႁႆႇၵွင်ႁဵင်သိူင်း

ၶပ်းမၢႆပၢင်ပွႆးသမ်ႉဝၼ်းတီႈ 6 တေမီးလွင်ႈ လဵပ်ႈၶူဝ်းလူႇ၊ မီးပွႆးႁႆႇၵွင် ပွႆးၵႃႈဝႅၼ်ၾိင်ႈထုင်း၊ ဝၼ်းတီႈ 7 တေႁႆႇၵွင်ႁဵင်သိူင်းလဵပ်ႈၵွင်းမူး၊ ဝၼ်းတီႈ 8 တေတၢင်ႇဢၼေႇၵၸႃႇ ၽြႃး၊ လူႇသွမ်းၼိုင်ႈႁဵင် လူႇၼမ်ႉ ၼိုင်ႈႁဵင် လူႇၾႆးတဵၼ်းႁဵင် သေ တေလူႇတၢၼ်းယၢတ်ႇၼမ်ႉ   – ဝႃႈၼႆ။
လူင်ပွင်ၸိုင်ႈမိူင်းတႆး ၾၢႆႇငိုၼ်းတွင်းလႄႈ ၶူင်းၵၢၼ် ဢူးၸူဝ်းၺုၼ်ႉ လုၼ်ႇ ဢွၵ်ႇလိၵ်ႈပိုၼ်ၽၢဝ်ႇဝႆႉမိူဝ်ႈဝၼ်းတီႈ    2/3/2020  ဝႃႈ – တေႃႈလဵဝ်ၼႆႉ တၢင်းပဵၼ်ၶူဝ်ႊရူဝ်ႊၼႃႊ ဢၼ်ပဵၼ်ၸိူဝ်ႉမႅင်း တိတ်းၽႄႈငၢႆႈ ဢၼ်ပဵၼ်တီႈ မိူင်းဝူႊႁၢၼ်ႊ မိူင်းၶႄႇၼၼ်ႉ ၽႄႈဝႆႊလၢမ်းတူဝ်ႈလုမ်ႈၾႃႉယဝ်ႉလႄႈ  ၼင်ႇႁိုဝ် ပေႃးတေၵႅတ်ႇၶႄႁႄႉၵင်ႈလႆႈၼၼ်ႉ ပၢင်ပွႆးၾိင်ႈႁိတ်ႈႁွႆး ၼႂ်းမိူင်းတႆးၼၼ်ႉ ႁႂ်ႈ ၵိုတ်းယင်ႉဝႆႉၵမ်းၼိုင်ႈ ဢမ်ႇၼၼ် ႁႂ်ႈၶၢႆႉဝၼ်းမၼ်းပႅတ်ႈသေၵွၼ်ႇ ဝႃႈၼႆ။

ယွၼ်ႉပိူဝ်ႈၼၼ်ႈလႄႈ ၽွင်းၶၢဝ်း လိူၼ်သီႇ ပွႆးၾိင်ႈထုင်း ဢၼ်တေၸတ်း တီႈဝဵင်းပၢင်းတရၼၼ်ႉ   တႅပ်းတတ်းယုၵ်ႉလိူၵ်ႈ ဢၼ်ႇၸတ်းႁဵတ်းယဝ်ႉ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း