ႁွင်ႈၵၢၼ်ၾၢႆႇၵႅတ်ႇၶႄ လူင်ပွင်ၸိုင်ႈပိုၼ်ၽၢဝ်ႇတီႉလႆႈ ယႃႈမႃႉယႃႈမဝ်းၵမ်လႄႈၶိူင်ႈတူမ်ႈႁုင် ယႃႈမဝ်းၵမ် တီႈၼႂ်းၸႄႈဝဵင်းၵူတ်ႉၶၢႆၸိုင်ႈတႆးပွတ်းႁွင်ႇ ၵႃႈၶၼ်ႁူမ်ႈပဵၼ် သၢမ်မိုၼ်ႇ ပႅတ်ႇႁဵင်လၢၼ်ႉပျႃး ဢမ်ႇတီႉလႆႈၸဝ်ႈၶွင်လႄႈ ပဵၼ်ၶွင်ၽႂ်ဢမ်ႇႁူႉ ဝႃႈၼႆ။
ဝၼ်းတီႈ 1/3/2020 ႁွင်ႈၵၢၼ်ၾၢႆႇပိုၼ်ၽၢဝ်ႇ တပ်ႉသိုၵ်းလူင်ပွင်ၸိုင်ႈပိုၼ်ၽၢဝ်ႇဝႃႈ တီႉလႆႈ ယႃႈမႃႉ၊ ယႃႈမဝ်းၵမ် ၊ ၶိူင်ႈပေႃႉယႃႈမႃႉ၊ ဢႅတ်ႇသိတ်ႉ(ၼမ်ႉၵူတ်း) ၊ ၼမ်ႉထၢတ်ႈၶႄႊမီႊၶိူဝ်ႊလ် တႃႇႁုင်တူမ်ႈယႃႈလႄႈ ၽူဝ်ႇၾႆးၵႅတ်ႉသ် ၊ ဢိၵ်ႇပႃးတင်းရူတ်ႉၵႃးတၢင်ႇၶူဝ်းၶွင် ပူၼ်ႉမႃးမိူဝ်ႈဝၼ်းတီႈ 28 လႄႈ 29/2/2020 ။
ၶူဝ်းၸိူဝ်းၼႆႉတီႉလႆႈၼႂ်းႁိူၼ်းလင်ၼိုင်ႈ ၼႂ်းဝၢၼ်ႈၵွင်းၶႃး။ ပဵၼ်ၶူဝ်းၽႂ်ဢမ်ႇပႆႇလႆႈႁူႉၸဝ်ႈၶွင်မၼ်း ၊ တိုၵ်ႉၸွပ်ႇတူၺ်းယူႇ။ၾၢႆႇၼိုင်ႈၵေႃႈ တေၵႂၢတ်ႇလၢင်ႉၼႃႈလိၼ်ၵႂႃႇထႅင်ႈ ဝႃႈၼႆဝႆႉ။
မိူၼ်ၼၼ်ၼင်ႇၵဝ်ႇမိူဝ်ႈဝၼ်းတီႈ 29/2/2020 ၼၼ်ႉၵေႃႈ ၸဝ်ႈၼႃႈတီႈၾၢႆႇႁူမ်ႇလူမ်ႈၶူဝ်ၶၢမ်ႈၼမ်ႉၶူင်း တီႈတႃႈသၢင်း ၸႄႈဝဵင်းမိူင်းပၼ်ႇ တီႉလႆႈယႃႈမဝ်းၵမ်တႃႇၵႃႈၶၼ် ႁူၵ်းႁဵင်သႅၼ်ပျႃးပၢႆ- ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ