ယိူင်းဢၢၼ်းတႃႇၽဵဝ်ႈလိုပ်ႈၼူဢၼ်ယႃႉၵဝ်းၶူဝ်းသူၼ်ၶူဝ်းႁိူၵ်ႈၼၼ်ႉၼႆသေ လူင်ပွင်ၸိုင်ႈမိူင်းတႆး ပွႆႇငူးၼႂ်းဢိူင်ႇ တိၵျဵၵ်ႉ(သိကျိပ်အုပ်စု) ၸေႈဝဵင်းၾၢႆၶုၼ် ၸိုင်ႈတႆးပွတ်းၸၢၼ်း ၼပ်ႉႁူဝ်ပၢၵ်ႇတူဝ်။

လူင်ပွင်ၸိုင်ႈမိူင်းတႆး ပွႆႇငူး 250 တူဝ် တီႈၼႂ်းဢိူင်ႇတိၵျဵၵ်ႉ မိူဝ်ႈဝၼ်းတီႈ 15/1/2020 ။ ပဵၼ်ၶၢဝ်ႇလိုဝ်းလင်ထိုင်တီႈ ၵူၼ်းမိူင်းတူၵ်းၸႂ်ၵူဝ်ႁႄတိုၼ်ႇၽၢၼ်ႈ ၊  ထိုင်ဝၼ်းတီႈ 21/01/2020 လူင်ပွင်ၸိုင်ႈမိူင်းတႆး ႁွင်ႈၵၢၼ်ၽွင်းလူင်ၾၢႆႇပႃႇမႆႉ ၶိုၼ်းမႃးသပ်းလႅင်းဝႃႈ ဢမ်ႇၸႂ်ႈငူးမီးၵွင်ႉ ဢမ်ႇပဵၼ်ၽေး ဝႃႈၼႆ။

“ တီႈၼႂ်းၸေႈဝဵင်းၾၢႆၶုၼ်ၼႆႉသမ်ႉ ၼူယႃႉမၢၵ်ႇၶဝ်ႈတဝ်ႈၼမ်ႉၵူၼ်းမိူင်းလုၵွႆမႃး 3-4 ပီယဝ်ႉၼႆလႄႈ ၸင်ႇလႆႈမႃးထတ်းတူၺ်းငူး ဢၼ်ႁဝ်းၶႃႈတိလႆႈတီႈလႃႈသဵဝ်ႈ ဢၼ်ၵူၼ်းၵႃႉၶဝ်လၵ်ႉလွမ်ဢဝ်ၵႂႃႇၶၢႆ မီး 250 တူဝ်ၼၼ်ႉလႆႈႁူႉဝႃႈ မၼ်းဢမ်ႇၸႂ်ႈငူးဢၼ်မီးၵွင်ႉ ဢမ်ႇၸၢင်ႈပဵၼ်ၽေးလႄႈ ၸင်ႇလႆႈပွႆႇပၼ်ႁႂ်ႈမၼ်းတိၵိၼ်ၼူ ” – ဝႃႈၼႆ။

ၵဵဝ်ႇၵပ်းလွင်ႈၼႆႉၵူၼ်းဝၢၼ်ႈတၢၼ်းသေႇ  ၼႂ်းဢိူင်ႇတိၵျဵၵ်ႉ လၢတ်ႈဝႃႈ -“ႁဝ်းၶႃႈလႆႈတၢင်ႇယွၼ်းတၢင်းၸွႆႈထႅမ်တီႈလူင်ပွင်ၸိုင်ႈမိူင်းတႆး ၸဵမ်မိူဝ်ႈပူၼ်ႉမႃး 3-4 ပီပုၼ်ႉ။ ယၢမ်းလဵဝ်ၼူပေႃးဢမ်ႇမႃးယႃႉမၢၵ်ႇၶဝ်ႈတဝ်ႈၼမ်ႉ ပေႃးလႆႈမွၵ်ႈ 1 ပီယဝ်ႉ ၶဝ်ၸင်ႇမႃးႁႃၵႄႈလွင်ႈၼႆႉ။ ၸင်ႇမႃးပွႆႇငူးဝႃႇ ”- ဝႃႈၼႆ။

ႁွင်ႈၵၢၼ်ၾၢႆႇပႃႇမႆႉတႄႉလၢတ်ႈဝႃႈ ၵၢၼ်ပွႆႇငူး တႃႇၽဵဝ်ႈမူၺ်ႉၼူၼႆႉ ပဵၼ်ၽႅၼ်ၵၢၼ် ၽွင်းလူင်ၸၢဝ်းၶိူဝ်းၵယၢၼ်း – ဝႃႈၼႆ။

Ref; 7 Day, BBC